നാട്ടിൽ പോകുന്ന ദിവസം പ്രവാസി ദുബൈയിൽ നിര്യാതനായി

ദുബൈ: നാട്ടിൽ പോകാനിരുന്ന ദിവസം മലയാളി ദുബൈയിൽ നിര്യാതനായി. തൃക്കരിപ്പൂർ -തങ്കയം പരേതരായ സി. മുഹമ്മദ് കുഞ്ഞി ഹാജിയുടെയും ഒ.ടി. മറിയുമ്മ ഹജ്‌ജുമ്മയുടെയും മകൻ ഒ.ടി. സിറാജാണ്​ (54) മരിച്ചത്​. വ്യാഴാഴ്​ച രാത്രി നാട്ടിൽ പോകാനിരിക്കുകയായിരുന്നു. ഹൃദയാഘാതത്തെ തുടർന്ന്​ ദുബൈയിലെ ആശുപത്രിയിലാണ്​ മരണം.

ദുബൈയിൽ സ്വന്തമായി സ്ഥാപനം നടത്തിയിരുന്ന സിറാജ് കുടുംബ സമേതം ദുബൈയിലായിരുന്നു. ഭാര്യ: തൃക്കരിപ്പൂർ ബീരിച്ചേരി(പള്ളത്തിൽ) സ്വദേശിനി ടി.പി. ഫാതിമത്തുന്നിസ. മക്കൾ: ടി.പി. മുഹമ്മദ് സിനാൻ, ടി.പി. സൽവ, ടി.പി. ഷിമൽ. സഹോദരങ്ങൾ: ഒ.ടി. അബ്​ദുൽ ജലീൽ, ഒ.ടി. മുനീർ (ദുബൈ മുട്ടം മുസ്​ലീം ജമാഅത്ത് ഭാരവാഹി), ഒ.ടി. നഫീസത്ത്, പരേതനായ ബഷീർ. ദുബൈ അൽഖൂസ് കബർസ്ഥാനിൽ ഖബറടക്കി. ഇൻകാസ് യു.എ.ഇ കമ്മിറ്റി ജനറൽ സെക്രട്ടറി പുന്നക്കൻ മുഹമ്മദലി, ദുബൈ മുട്ടം മുസ്​ലീം ജമാഅത്ത് കമ്മിറ്റി എന്നിവർ അനുശോചനം രേഖപ്പെടുത്തി.