എക്​സ്​പോ 2020ന്​ ഒരുങ്ങാൻ ദുബൈയിലെ ബസ്​സ്​റ്റേഷനുകളും

ദുബൈ: ലോകം മുഴുവൻ ഉറ്റുനോക്കുന്ന എക്​സ്​പോ2020 ന് മുൻപായി മുഖച്​ഛായ അടിമുടി മാറുന്ന ദുബൈയിലെ ബസ്​സ്​റ്റേഷനുകൾ പോലും അതി​മനോഹര നിർമാണ മാതൃകകളാവും. അത്യാധുനിക സൗകര്യങ്ങൾ ഉൾക്കൊള്ളിച്ച പരിസ്​ഥിതിക്ക്​ ഇണങ്ങും വിധത്തിൽ ആധുനികതയും പൈതൃക ഭംഗിയും ഒരുമിച്ചു ചേർത്ത 14 ബസ്​ സ​്​റ്റേഷനുകളും അൽ ഖൂസിൽ ബസ്​ ഡിപ്പോയുമാണ്​ തയ്യാറാവുന്നത്​. ബസ്​ സ്​റ്റേഷനുകളുടെ ഡിസൈനിന്​ റോഡ്​ ഗതാഗത അതോറിറ്റി (ആർ.ടി.എ) എക്​സിക്യുട്ടിവ്​ ഡയറക്​ടർ ബോർഡ്​ അംഗീകാരം നൽകി.

എക്​്സ്​പോ സന്ദർശകരുടെ യാത്രാ ആവശ്യങ്ങൾ മുഴുവൻ നിറവേറും വിധമാണ്​ ഒരുക്കങ്ങൾ.  യാത്രക്കാരുടെ വർധിച്ച എണ്ണം, സ്​റ്റോപ്പുകൾ എന്നിവ കണക്കിലെടുത്ത്​ കൂടുതൽ വിപുലമായ സൗകര്യങ്ങളോടെയാണ്​ സ്​റ്റേഷനുകൾ തയ്യാറാക്കുന്നതെന്നും റീഫില്ലിങ്​, ക്ലീനിങ്​ സൗകര്യങ്ങളും ഒപ്പം ഒരുക്കുമെന്നും ആർ.ടി.എ ഡയറക്​ടർ ജനറൽ മത്താർ അൽ തായർ പറഞ്ഞു. ശാരീരിക വ്യതിയാനങ്ങളുള്ള (നിശ്​ചയദാർഢ്യവിഭാഗം) ആളുകൾക്ക്​ പ്രയാസരഹിതമായി ഉപയോഗിക്കാവുന്ന ദുബൈ യൂനിവേഴ്​സൽ ഡിസൈൻ കോഡ്​ പ്രകാരമാണ്​ ഇവ തയ്യാറാക്കിയത്​. 

ബിസിനസ്​ ബേ, ജബൽ അലി, അൽ ബറാഹ എന്നിവിടങ്ങളിലായി മൂന്ന്​ സ്​ഥിരം സ്​റ്റേഷനുകൾ, സിലികൺ ഒയാസിസ്​, ​​േഗ്ലാബൽ വില്ലേജ്​, മെയ്​ദാൻ, പാം ജുമേറ, ജദ്ദാഫ്​ എന്നിവിടങ്ങളിൽ താൽകാലിക സ്​റ്റേഷനൽ എന്നിവ നിലവിൽ വരും. ഇത്തിസലാത്ത്​,യൂനിയൻ സ്ക്വയർ, ഗുബൈബ എന്നീ നിലവിലെ സ്​റ്റേഷനുകൾ, മക്​തൂം, ദുബൈ വിമാനത്താവളങ്ങളിലെ ബസ്​ സൗകര്യങ്ങൾ എന്നിവയും ശക്​തിപ്പെടുത്തും.