എക്​സ്​പോ 2020: ദുബൈയുടെ മുഖച്ഛായ മാറ്റും –യൂസുഫലി

ദുബൈ: ദുബൈയുടെ മുഖച്ഛായ മാറ്റുന്ന ബൃഹത്തായ പദ്ധതിയാണ്​ എക്​സ്​പോ 2020 എന്ന്​ എം.എ. യൂസുഫലി. അബൂദബിയിൽ മീഡിയ മജ്​ലിസിൽ സംസാരിക്കുകയായിരുന്നു അദ്ദേഹം. എക്​സ്​പോയിൽ ലുലു ഗ്രൂപ് വിവിധ നിലകളിൽ സഹകരിക്കുന്നുണ്ട്​. ഇന്ത്യൻ പവലിയനിലും പുറത്തും ലുലുവി​െൻറ സാന്നിധ്യമുണ്ടാകും. എക്​സ്​പോ സന്ദർശകർക്ക്​ പുതിയ ഷോപ്പിങ്​ അനുഭവം നൽകാനാണ്​ ദുബൈ സിലിക്കൺ ഒയാസീസിൽ പുതിയ ഹൈപ്പർമാർക്കറ്റ്​ തുറന്നത്​. ലോകത്തെമ്പാടുമുള്ള ആളുകൾ എത്തുന്നതോടെ ടൂറിസം, റീടെയിൽ മേഖലയിൽ വലിയ പുരോഗതിയുണ്ടാകും.

കോവിഡ്​ തുടങ്ങിയ​ ശേഷം 26 ഹൈപ്പർമാർക്കറ്റും സൂപ്പർമാർക്കറ്റുമാണ്​ ലുലു തുറന്നത്​. ഇതിൽ 15 എണ്ണവും തുറന്നത്​ ഈ വർഷമാണ്​. നാല്​ ഇ–കോമേഴ്​സ്​ സെൻറർ തുടങ്ങി. ലുലുവിലെ 57,950 ജീവനക്കാരിൽ 32,000 പേർ ഇന്ത്യക്കാരാണ്​. 29,460 മലയാളികളുണ്ട്​. കോവിഡ്​ എത്തിയശേഷം 3418 പുതിയ ജീവനക്കാരെത്തി. ഒന്നര വർഷത്തിനുള്ളിൽ 30 ഹൈപ്പർമാർക്കറ്റ്​ തുടങ്ങാനാണ്​ പദ്ധതി. തിരുവനന്തപുരം ഷോപിങ്​ സെൻറർ ഈ വർഷം അവസാനം തുറക്കണമെന്നാണ്​ ആഗ്രഹം. കോവിഡ്​ മൂലമാണ്​ താമസിച്ചത്​.

ബംഗളൂരുവിലെ സെൻറർ ലോക്​ഡൗണായതോടെ തുറക്കാൻ കഴിഞ്ഞില്ല. ലഖ്​​നോയിലെ ഹൈപ്പർമാർക്കറ്റും പണി പൂർത്തിയായി. ജമ്മു, നോയ്​ഡ എന്നിവിടങ്ങളിലെ ഫുഡ്​ പ്രോസസിങ് യൂനിറ്റുകളുടെ ഡിസൈനിങ്​ കഴിഞ്ഞു. ​കോട്ടയം, തൃശൂർ, കോഴിക്കോട്​ ഹൈപ്പർമാർക്കറ്റ്​ നിർമാണത്തി​െൻറ പ്രാരംഭപ്രവർത്തനം തുടങ്ങി. ദൈവാനുഗ്രഹംകൊണ്ടാണ്​ രക്ഷപ്പെട്ടത്​. എന്താണ്​ സംഭവിച്ചതെന്ന്​ പൈലറ്റിന്​ പോലും നിശ്ചയമുണ്ടായിരുന്നില്ല. അപകടശേഷം വിശ്രമത്തിലായിരുന്നു. കീ ഹോൾ സർജറി കഴിഞ്ഞു. ഇപ്പോൾ നടക്കാനും ഇരിക്കാനും കുഴപ്പമില്ല. യാത്ര ചെയ്യാൻ തുടങ്ങിയാൽ കേരളത്തിലെത്തി അപകടം നടന്ന സ്​ഥല​ത്ത്​ രക്ഷക്കെത്തിയവരെ കാണണമെന്നും അദ്ദേഹം കൂട്ടിച്ചേർത്തു.