എക്​സ്​പോ 2020 : യു.എ.ഇ പവലിയൻ നിർമാണ  കരാർ അറബ്​ടെകിന്​

അബൂദബി: എക്​സ്​പോ 2020 പ്രദർശനത്തിലെ യു.എ.ഇ പവലിയൻ നിർമിക്കുന്നതിനുള്ള കരാർ അറബ്​ ടെക്​ ഹോൾഡിങ്​സിന്​.  ലോകപ്രശസ്​ത സ്​പാനിഷ്​ വാസ്​തുശിൽപി സാൻറിയാഗോ കലാവട്രയാണ്​ പവലിയൻ രൂപകൽപന ചെയ്യുക. നിർമാണ കരാറിന്​ ഒമ്പത്​ വൻകിട കമ്പനികളാണ്​ ​​ശ്രമിച്ചിരുന്നത്​. രൂപകൽപനക്ക്​ 11ലോകപ്രശസ്​ത സ്​ഥാപനങ്ങൾ ആശയങ്ങൾ സമർപ്പിച്ചിരുന്നു. മനസുകളെ ഒരുമിപ്പിക്കാൻ, ഭാവി തയ്യാറാക്കാൻ എന്ന എക്​സ്​പോ പ്രമേയത്തെ രാജ്യത്തി​​​െൻറ പൈതൃകവും ഭാവിയും കോർത്തിണക്കി പ്രതിഫലിപ്പിക്കുന്ന ഡിസൈൻ ആണ്​ സംഘാടകർ നിർദേശിച്ചിരുന്നതെന്ന്​ ഇതി​​​െൻറ ചുമതല വഹിക്കുന്ന നാഷനൽ മീഡിയാ കൗൺസിൽ വ്യക്​തമാക്കി​.  

ഫാൽക്കൻ ചിറകുകളും വിമാനവും സംയോജിപ്പിച്ച ഡിസൈൻ ആണ്​  സാൻറിയാഗോ കലാവട്ര തയ്യാറാക്കിയത്​. തുറന്ന നിലപാട്​, സഹിഷ്​ണുതത്വം, സമ്പർക്ക മനസ്​ തുടങ്ങിയ യു.എ.ഇ മൂല്യങ്ങൾ വിളിച്ചോതുന്നതാവും രാജ്യത്തി​​​െൻറ പവലിയൻ. അൽ വസൽ പ്ലാസക്ക്​ അഭിമുഖമായാണ്​ ഇതുയരുക.  19,200 ചതുരശ്ര മീറ്ററിൽ തീർക്കുന്ന  പവലിയ​​​െൻറ നിർമാണം ഇൗ മാസം ആരംഭിക്കും. ലൂവർ അബൂദബിയും  അന്താരാഷ്​ട്ര വിമാനത്താവള വികസനം ഉൾപ്പെടെ രാജ്യത്തെ പല വികസന പദ്ധതികളും നിർവഹിച്ച സ്​ഥാപനമാണ്​ അറബ്​ ടെക്​.  1991 ലെ പ്ലോവ്​ഡിവ്​ എക്​സ്​പോയിലെ പങ്കാളിത്തം മുതൽ നാഷനൽ മീഡിയാ കൗൺസിലാണ്​ യു.എ.ഇ പവലിയനുകളുടെ നിർമാണ നിർവഹണ ഉത്തരവാദിത്വം നടത്തിപ്പോരുന്നത്​.