എക്സ്പോ 2030: സൗദിക്ക് യു.എ.ഇയുടെ അഭിനന്ദനം; ഗൾഫിന്റെ നേട്ടമെന്ന് ശൈഖ് മുഹമ്മദ് ബിൻ റാശിദ്
text_fieldsദുബൈ: വേൾഡ് എക്സ്പോ 2030യുടെ ആഥിതേയ നഗരമായി തെരഞ്ഞെടുക്കപ്പെട്ട സൗദി അറേബ്യക്ക് യു.എ.ഇ വൈസ് പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് ആൽ മക്തൂമിന്റെയും ദുബൈ കിരീടാവകാശിയും എക്സിക്യൂട്ടീവ് കൗൺസിൽ ചെയർമാനുമായ ശൈഖ് ഹംദാൻ ബിൻ മുഹമ്മദ് ബിൻ റാശിദ് ആൽ മക്തൂമിന്റെയും അഭിനന്ദനം.
സൗദി ഭരണാധികാരി സൽമാൻ രാജാവിനെയും, കിരീടാവകാശി മുഹമ്മദ് ബിൻ സൽമാനെയും ശൈഖ് മുഹമ്മദ് സാമൂഹികമാധ്യമമായ ‘എക്സി’ലൂടെ അഭിനന്ദനമറിയിച്ചു. ഇത് ഗൾഫ് മേഖലയുടെ മുഴുവൻ നേട്ടമാണെന്ന് ശൈഖ് മുഹമ്മദ് പറഞ്ഞു. റിയാദിനെ ലോകത്തെ വിസ്മയിപ്പിക്കാൻ സാധിക്കുമെന്ന് വിശ്വസിക്കുന്നതായി ശൈഖ് ഹംദാനും കുറിച്ചു. വേൾഡ് എക്സ്പോ 2020 യുടെ ആതിഥേയത്യം ദുബൈ നഗരത്തിനായിരുന്നു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.