കണ്ണുകൾ ഇന്ന്​ ദുബൈയിലേക്ക്​

ദുബൈ: യു.എ.ഇയിലെ ഇന്ത്യ- പാക്​ ക്രിക്കറ്റ്​ ആരാധകർക്ക്​​ ലോകകപ്പ്​ ഫൈനലിനേക്കാൾ വലുതാണ്​ ഇന്ത്യ - പാകിസ്​താൻ മത്സരം. പലതവണ അവർ അത്​ തെളിയിച്ചിട്ടുണ്ട്​. വീണ്ടും ഇന്ത്യ- പാക്​ പോരാട്ടം അറബിമണ്ണിലേക്കെത്തു​േമ്പാൾ ഇന്ന്​ ദുബൈ ഇൻറർനാഷനൽ സ്​റ്റേഡിയത്തിലേക്ക്​ ഒഴുകിയെത്തുന്നത്​ 20,000ലേറെ കാണികളായിരിക്കും. അതിലും എത്രയോ ഇരട്ടിപേർ ടിക്കറ്റ്​ കിട്ടാതെ നിരാശരായി ഗാലറിക്ക്​ പുറത്തുണ്ടാവും. അവരുടെ നിരാശ തീർക്കാനാവില്ലെങ്കിലും തങ്ങളാലാവുന്നത്​ ചെയ്​ത്​ ബിഗ്​ സ്​​ക്രീനിൽ കളിയൊരുക്കാൻ ക്ലബുകൾ മുന്നോട്ടുവന്നിട്ടുണ്ട്​.

ഹോട്ടലുകളിലും റസ്​റ്റാറൻറുകളിലും തത്സമയം സംപ്രേഷണമുണ്ടാകും. ക്രിക്ക്​ ലൈഫ്​ മാക്​സ്​ (CricLifeMax) എന്ന ചാനലിലാണ്​ യു.എ.ഇയിൽ കളിയുടെ സംപ്രേഷണം. ഇന്ത്യ - പാകിസ്​താൻ മത്സരം പ്രവാസികൾക്ക്​ എന്നും ആവേശമാണ്​. ഷാർജ സ്​റ്റേഡിയമാണ്​ അതി​െൻറ ഈറ്റില്ലമെങ്കിലും അടുത്തിടെ മത്സരങ്ങൾ കൂടുതലും ദുബൈയിലാണ്​. 2018 സെപ്​റ്റംബർ 23നാണ്​ അവസാനമായി ഇരുടീമുകളും ദുബൈയിൽ ഏറ്റുമുട്ടിയത്​. ഏഷ്യ കപ്പി​െൻറ സൂപ്പർ ഫോർ മത്സരമായിരുന്നു വേദി. അന്ന്​ ഒമ്പത്​ വിക്കറ്റിന്​ ഇന്ത്യ അനായാസമായി ജയിച്ചു. പാകിസ്​താ​െൻറ 238 റൺസ്​ വിജയലക്ഷ്യത്തിന്​ സെഞ്ച്വറിയോടെയായിരുന്നു രോഹിത്​ ശർമയും (111) ശിഖർ ധവാനും (114) മറുപടി പറഞ്ഞത്​.

യു.എ.ഇയിലെ പ്രവാസികൾ മാത്രമല്ല, ഇന്ത്യയിൽനിന്നും പാകിസ്​താനിൽനിന്നും കളി കാണാൻ മാത്രമായി നൂറുകണക്കിനാളുകൾ ഇവി​ടേക്ക്​ എത്തിയിട്ടുണ്ട്​. ഇപ്പോൾ ദുബൈയിലെത്തിയാൽ ലോകകപ്പും എക്​സ്​പോയും ​േഗ്ലാബൽ വില്ലേജും കണ്ട്​ മടങ്ങാം എന്ന നേട്ടവുമുണ്ട്​. 300 ദിർഹമിന്​ മുകളിലായിരുന്നു ടിക്കറ്റ്​ നിരക്കെങ്കിലും ചൂടപ്പം പോലെയാണ്​ ടിക്കറ്റ്​ തീർന്നത്​. തൊഴിലാളികൾക്ക്​ സൗജന്യ ടിക്കറ്റ്​ നൽകാൻ ഡന്യൂബ്​ ഉൾപ്പെടെയുള്ള കമ്പനികൾ തീരുമാനിച്ചിട്ടുമുണ്ട്​.ഇതിനിടെ മത്സരവുമായി ബന്ധപ്പെട്ട്​ നാട്ടിൽ രാഷ്​ട്രീയ ചർച്ചകൾ അരങ്ങേറിയിരുന്നു. മത്സരത്തിൽനിന്ന്​ ഇന്ത്യ പിൻമാറണമെന്നുവരെ ആവശ്യമുയർന്നു. എന്നാൽ, ഇതൊന്നും യു.എ.ഇയിലെ ക്രിക്കറ്റിനെ ബാധിച്ചി​ട്ടേയില്ല എന്നതാണ്​ യാഥാർഥ്യം. കളിയെ കളിയായി തന്നെ എടുക്കുന്ന യു.എ.ഇ സർക്കാറും ഇതൊന്നും ഗൗനിച്ചി​ട്ടേയില്ല. ഒരുക്കങ്ങളിൽ ഒരുപടിപോലും പിന്നോട്ടുപോകാതെ അവർ മുന്നോട്ടുതന്നെയാണ്​.