ദാനാമാളിൽ ഫാബിലാൻഡ് കുടുംബ വിനോദകേന്ദ്രം തുറന്നു
text_fieldsദാനാമാളിൽ ഫാബിലാൻഡ് വിനോദ കേന്ദ്രത്തിന്റെ ഉദ്ഘാടനം അൽ ഉത്തൈം ജനറൽ മാനേജർ കരീം ഫായിദ് നിർവഹിക്കുന്നു. ലുലു ഗ്രൂപ്പ് ഇന്റർനാഷനൽ ഡയറക്ടർ ജൂസർ രുപവാല സമീപം
മനാമ: ദാനാമാളിൽ അത്യാധുനിക വിനോദകേന്ദ്രം 'ഫാബിലാൻഡ്' തുറന്നു. വിനോദ കേന്ദ്രത്തിന്റെ ഉദ്ഘാടനം അൽ ഉത്തൈം ജനറൽ മാനേജർ കരീം ഫായിദ് നിർവഹിച്ചു. സൗദി അറേബ്യയിലെ ബിസിനസ് കമ്പനിക്ക് കീഴിലുള്ള ഫൺ വേൾഡ് ഇൻറർനാഷനലിന്റെ ഉടമസ്ഥതയിലുള്ളതാണ് ഫാബിലാൻഡ്. 24,000 ചതുരശ്ര അടി വിസ്തീർണമുള്ള കേന്ദ്രത്തിൽ കുടുംബ സമേതം ഉല്ലസിക്കാനായി എല്ലാ പ്രായത്തിലുള്ളവർക്കും വിവിധ വിനോദ റൈഡുകളും ഗെയിമുകളും ഒരുക്കിയിട്ടുണ്ട്. ശാരീരികക്ഷമതയും വിനോദവും കൂടിച്ചേർന്ന അനുഭവം പ്രദാനം ചെയ്യുക എന്നതാണ് ഇതിലൂടെ ലക്ഷ്യമിടുന്നതെന്ന് അധികൃതർ വ്യക്തമാക്കി. സ്ലൈഡുകൾ ഉൾപ്പെടെയുള്ള 100ലധികം വ്യത്യസ്ത വിനോദ ഉപാധികളാണ് സന്ദർശകർക്കായി ഒരുക്കിയിട്ടുള്ളത്. റീെട്ടയിൽ മേഖലയിൽ ഉപഭോക്താക്കൾക്കായി അത്യാധുനിക സൗകര്യങ്ങളാണ് ദാനാമാളിൽ ലുലു ഗ്രൂപ് ഒരുക്കിയിട്ടുള്ളത്. ലുലു ഹൈപ്പർമാർക്കറ്റിൽ ഫുഡ് കോർട്ടും ഒരുക്കിയിട്ടുണ്ട്. സിനിമാ സമുച്ചയവും ഉടൻ പ്രവർത്തനമാരംഭിക്കും.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.