കുഞ്ഞു ഷെസയുടെ മായാത്ത ഓർമകളിൽ കുടുംബം

ദുബൈ: ആ വിമാനത്തിൽ ഷെസ ഫാത്തിമയും മുഹമ്മദ്​ ഷഹീനും ഉമ്മ ഷഹർബാനുവിനൊപ്പം നാട്ടിലേക്കു​ മടങ്ങുകയായിരുന്നു. പ്രിയപ്പെട്ട ഉപ്പയുടെ കൂടെ മാസങ്ങൾ ​െചലവഴിച്ച്​ സന്തോഷത്തിലായിരുന്നു മടക്കം.

ആഗസ്​റ്റ്​​ 10ന്​ വിസിറ്റിങ്​ വിസ കാലാവധി കഴിയുമെന്നതിനാലാണ്​ ഭാര്യയെയും മക്കളെയും മലപ്പുറം കല്ലിങ്ങൽ കീഴേടത്തിൽ ഷൗക്കത്തലി നാട്ടിലേക്കയച്ചത്​. 'ടാറ്റാ'പറഞ്ഞ്​ മുത്തം നൽകിയാണ് മക്കളെ​ അദ്ദേഹം യാത്രയാക്കിയത്​. നാലു മണിക്കൂർ കഴിഞ്ഞു​ കേട്ടത്​ നല്ല വാർത്തയായിരുന്നില്ല. പരിഭ്രാന്തിയും ആശങ്കയും നിറഞ്ഞ മണിക്കൂറുകളായിരുന്നു പിന്നീട്​. എല്ലാ വഴികളിലൂടെയും അദ്ദേഹം വിവരങ്ങളറിയാൻ ശ്രമിച്ചു. ഒടുവിൽ ഭാര്യയെ ഫോണിൽ കിട്ടി. പരിക്കുകളോടെ ആശുപത്രിയിലാണ്​. അഞ്ചുവയസ്സുകാരനായ മകൻ ഷഹീനും കാര്യമായ പരിക്കില്ല. പക്ഷേ ഒന്നര വയസ്സുകാരിയായ മകൾ എവിടെയാണെന്ന്​ വിവരമില്ല.

പരിക്കേറ്റ മകളെ ഭാര്യ രക്ഷാദൗത്യത്തിലുണ്ടായിരുന്ന ഒരാളുടെ ​ൈകയിൽ ഏൽപിക്കുകയായിരുന്നു. അന്വേഷണങ്ങൾക്കൊടുവിൽ ഏറ്റവും കഠിനമായ ആ വാർത്തയാണ്​ ഷൗക്കത്തലി കേട്ടത്​. ഷെസ മോൾ മടക്കമില്ലാത്ത ലോകത്തേക്കു യാത്രയായി. ഭാര്യയും പൊന്നുമോനും രക്ഷപ്പെട്ടതി​െൻറ ആശ്വാസം മാത്രമായിരുന്നു അദ്ദേഹത്തിന്​ സാന്ത്വനമായുണ്ടായിരുന്നത്​.

ഭാര്യക്ക്​ ഡിസ്ക്കിനും മറ്റും ചെറുതല്ലാത്ത പരിക്കുപറ്റി. ഷഹീന്​ പക്ഷേ വലിയ പരിക്കുകളില്ലാതെ രക്ഷപ്പെടാനായി. അപകടത്തിന്​ ഒരു വർഷം തികയു​േമ്പാഴും കുടുംബത്തിന്​ ദുരന്തത്തി​െൻറ ആഘാതത്തിൽ നിന്ന്​ പൂർണമായും മോചിതരാകാനായിട്ടില്ല. ഷെസ മോളുടെ കളിചിരികൾ അവസാനിച്ച ആ നിമിഷത്തെ അത്ര​ പെ​ട്ടെന്ന്​ മറക്കാൻ കഴിയുന്നതല്ല. നാട്ടിലും യു.എ.ഇയിലുമായി വേർപെട്ട്​ കഴിയാൻ സാധിക്കാത്തതിനാൽ അപകടത്തിനു​ മാസങ്ങൾക്ക്​ ശേഷം തിരിച്ചെത്തി അജ്​മാനിൽ കഴിയുകയാണ്​ ഇപ്പോൾ കുടുംബം.

ഷഹർബാനുവി​െൻറ ശാരീരിക പ്രയാസങ്ങൾ മാറിയിട്ടില്ല. ഇടതുഭാഗത്ത്​ ചിലസമയങ്ങളിൽ അസഹ്യമായ വേദനയാണ്​. നാട്ടിലാണ്​ ചികിത്സിച്ചിരുന്നത്​. യു.എ.ഇയിൽ എത്തിയതോടെ ഇവിടെ ഡോക്​ടറെ കണ്ട്​ ചികിത്സ തുടരാനുള്ള തയാറെടുപ്പിലാണ്​. വീണ്ടുമൊരു വിമാന യാത്രക്ക്​ തയാറാകാൻ അവർക്ക്​ സൈക്കോളജിസ്​റ്റി​െൻറ ചികിത്സ വേണ്ടിവന്നു.അപകട ശേഷം ചികിത്സക്ക്​ എയർ ഇന്ത്യയുടെ സഹായം ലഭിച്ചിരുന്നു. എന്നാൽ സർക്കാർ പ്രഖ്യാപിച്ച സഹായം ലഭിച്ചില്ലെന്ന്​ ഷൗക്കത്തലി​ പറയുന്നു.

മരിച്ചവരുടെ ആശ്രിതർക്ക്​ ലഭിക്കുന്ന സഹായം മാത്രമാണ്​ സർക്കാർ അനുവദിച്ചത്​. അപകടം എയർ ഇന്ത്യയുടെ അനാസ്​ഥ കാരണമാണ്​ സംഭവിച്ചതെന്ന്​ ഈ കുടുംബം പറയുന്നു. ഇനി ഇത്തരം അനാസ്​ഥയുണ്ടാകരുതെന്നാണ്​ അധികൃതരോട്​ അവർക്ക്​ പറയാനുള്ളത്​.