ബ​ഹി​രാ​കാ​ശ യാ​ത്ര​യി​ൽ അ​ഞ്ചാ​മ​നോ? ആ​രാ​ണ്​ ‘സു​ഹൈ​ൽ’

ദു​ബൈ: സ്​​പേ​സ്​ എ​ക്സ്​ റോ​ക്ക​റ്റ്​ ബ​ഹി​രാ​കാ​ശ​ത്തേ​ക്ക്​ കു​തി​ച്ച ശേ​ഷം എ​ല്ലാ​വ​രെ​യും ഞെ​ട്ടി​ച്ച്​ സു​ൽ​ത്താ​ൻ അ​ൽ നി​യാ​ദി​യു​ടെ പ്ര​ഖ്യാ​പ​നം വ​ന്നു. ‘ഞ​ങ്ങ​ളു​ടെ സം​ഘ​ത്തി​ലെ അ​ഞ്ചാ​മ​നെ പ​രി​ച​യ​പ്പെ​ടു​ത്തു​ക​യാ​ണ്​’ എ​ന്നാ​യി​രു​ന്നു അ​ത്. നാ​ലു​പേ​ർ മാ​ത്ര​മാ​യി​രു​ന്നു പു​റ​പ്പെ​ട്ട​ത്. പി​ന്നെ​യെ​ങ്ങ​നെ അ​ഞ്ചാ​മ​തൊ​രാ​ളു​ണ്ടാ​കും എ​ന്നാ​യി​രു​ന്നു എ​ല്ലാ​വ​രു​ടെ​യും ആ​കാം​ക്ഷ. അ​ൽ നി​യാ​ദി​ത​ന്നെ അ​ക്കാ​ര്യം വ്യ​ക്ത​മാ​ക്കി. ‘അ​വ​ന്‍റെ പേ​ര്​ സു​ഹൈ​ൽ എ​ന്നാ​ണ്​’ എ​ന്നു പ​റ​ഞ്ഞ്​ ആ ​പാ​വ​ക്കു​ഞ്ഞി​നെ പ​രി​ച​യ​പ്പെ​ടു​ത്തി.

മു​ഹ​മ്മ​ദ്​ ബി​ൻ റാ​ശി​ദ്​ ബ​ഹി​രാ​കാ​ശ കേ​ന്ദ്ര​ത്തി​ന്‍റെ ഭാ​ഗ്യ​ചി​ഹ്ന​മാ​ണ്​ ‘സു​ഹൈ​ൽ’. യു.​എ.​ഇ​യു​ടെ ആ​ദ്യ ബ​ഹി​രാ​കാ​ശ ദൗ​ത്യ​ത്തി​ൽ ഹ​സ്സ അ​ൽ മ​ൻ​സൂ​രി​ക്കൊ​പ്പ​വും ‘സു​ഹൈ​ൽ’ യാ​ത്ര ചെ​യ്തി​രു​ന്നു. ഗു​രു​ത്വാ​ക​ർ​ഷ​ണം മ​ന​സ്സി​ലാ​ക്കാ​നു​ള്ള സൂ​ച​ക​മാ​യി ബ​ഹി​രാ​കാ​ശ​ത്ത്​ ഉ​പ​യോ​ഗി​ക്കാ​നാ​ണി​ത്​ കൈ​യി​ൽ ക​രു​തി​യ​ത്. ഗ​ൾ​ഫ്​ രാ​ജ്യ​ങ്ങ​ളി​ൽ വേ​ന​ലി​ന്​ അ​വ​സാ​ന​മാ​യ​തി​നെ സൂ​ചി​പ്പി​ച്ച്​ ഉ​ദി​ച്ചു​യ​രു​ന്ന ന​ക്ഷ​ത്ര​ത്തി​ന്‍റെ പേ​രാ​ണ്​ സു​ഹൈ​ൽ. ശൈ​ത്യ​കാ​ല​ത്തി​ന്‍റെ തു​ട​ക്ക​മെ​ന്ന നി​ല​യി​ൽ പ്ര​തീ​ക്ഷ​യു​ടെ സൂ​ച​ക​മാ​യാ​ണി​ത്​ വി​ല​യി​രു​ത്ത​പ്പെ​ടാ​റു​ള്ള​ത്. ഏ​റ്റ​വും തി​ള​ക്ക​മേ​റി​യ ര​ണ്ടാ​മ​ത്തെ ന​ക്ഷ​ത്ര​മാ​ണി​ത്.

പ്രാ​ചീ​ന​കാ​ലം മു​ത​ൽ അ​റ​ബി​ക​ൾ​ക്കി​ട​യി​ൽ ക​വി​ത​ക​ളി​ലും ക​ഥ​ക​ളി​ലും എ​ല്ലാം സു​ഹൈ​ൽ ന​ക്ഷ​ത്രം ഇ​ടം​പി​ടി​ച്ചി​ട്ടു​ണ്ട്. ഈ ​ന​ക്ഷ​ത്ര​ത്തി​ന്‍റെ പേ​രാ​ണ്​ ബ​ഹി​രാ​കാ​ശ നി​ല​യ​ത്തി​ന്‍റെ ഭാ​ഗ്യ​ചി​ഹ്ന​ത്തി​ന്​ ന​ൽ​കി​യ​ത്. അ​ൽ നി​യാ​ദി​ക്കൊ​പ്പം ആ​റു​മാ​സം മു​ഴു​വ​ൻ ബ​ഹി​രാ​കാ​ശ​ത്ത്​ ‘സു​ഹൈ​ലു’​ണ്ടാ​കും.