സാ​മ്പ​ത്തി​ക ത​ട്ടി​പ്പ്​ കേ​സ്​; ക​മ്പ​നി ഡ​യ​റ​ക്ട​റെ കോ​ട​തി വെ​റു​തെ​വി​ട്ടു

ദു​ബൈ: 25 ല​ക്ഷം ദി​ർ​ഹ​മി​ന്‍റെ സാ​മ്പ​ത്തി​ക ത​ട്ടി​പ്പ്​ ന​ട​ത്തി​യെ​ന്ന കേ​സി​ൽ ദു​ബൈ ഫ​സ്റ്റ്​ ഇ​ൻ​സ്റ്റ​ൻ​സ്​ കോ​ട​തി ശി​ക്ഷ വി​ധി​ച്ച ക​മ്പ​നി ഡ​യ​റ​ക്ട​റെ ദു​ബൈ അ​പ്പീ​ൽ കോ​ട​തി വെ​റു​തെ​വി​ട്ടു. ദു​ബൈ ആ​സ്ഥാ​ന​മാ​യി പ്ര​വ​ർ​ത്തി​ക്കു​ന്ന ക​മ്പ​നി​യാ​ണ്​ ഡ​യ​റ​ക്ട​ർ​ക്കെ​തി​രെ പ​രാ​തി ന​ൽ​കി​യ​ത്. തു​ട​ർ​ന്ന്​ ദു​ബൈ ഫ​സ്റ്റ്​ ഇ​ൻ​സ്റ്റ​ൻ​സ്​ കോ​ട​തി പ്ര​തി​യെ ഒ​രു മാ​സ​ത്തെ ജ​യി​ൽ ശി​ക്ഷ​ക്കും 25 ല​ക്ഷം ദി​ർ​ഹം പി​ഴ അ​ട​ക്കാ​നും വി​ധി​ച്ചു.

ശി​ക്ഷ​ക്കു ശേഷം പ്രതി​യെ നാ​ടു ക​ട​ത്താ​ൻ ഉ​ത്ത​ര​വി​ട്ട കോ​ട​തി സി​വി​ൽ കോ​ട​തി​യി​ൽ സി​വി​ൽ കേ​സ്​ ഫ​യ​ൽ ചെ​യ്യാ​നും ക​മ്പ​നി​യെ അ​നു​വ​ദി​ച്ചി​രു​ന്നു. ഇ​തി​നെ​തി​രെ പ്ര​തി സ​മ​ർ​പ്പി​ച്ച ഹ​ര​ജി​യി​ലാ​ണ്​ ദു​ബൈ അ​പ്പീ​ൽ കോ​ട​തി ക​ഴി​ഞ്ഞ ദി​വ​സം അ​നു​കൂ​ല​മാ​യി വി​ധി പ്ര​സ്താ​വി​ച്ച​ത്.

സാ​മ്പ​ത്തി​ക ത​ട്ടി​പ്പ്​ ന​ട​ത്തി​യെ​ന്ന​തി​ന്​ പ്ര​തി​ക്കെ​തി​രെ ​മ​തി​യാ​യ തെ​ളി​വു​ക​ൾ ഹാ​ജ​രാ​ക്കാ​ൻ ക​മ്പ​നി​ക്ക്​ ക​ഴി​ഞ്ഞി​​ട്ടി​ല്ലെ​ന്ന്​ പ്ര​തി​ഭാ​ഗം കോ​ട​തി​യെ ബോ​ധി​പ്പി​ക്കു​ക​യാ​യി​രു​ന്നു. പ​ർ​ച്ചേ​സ്​ ഓ​ർ​ഡ​റു​ക​ളോ സ​പ്ലൈ, റി​സീ​പ്​​റ്റ്​ ബോ​ണ്ടു​ക​ളോ പു​റ​ത്തി​റ​ക്കു​ന്ന​തു​ൾ​പ്പെ​ടെ​യു​ള്ള ഉ​ത്ത​ര​വാ​ദി​ത്ത​ങ്ങ​ൾ ഇ​ദ്ദേ​ഹ​ത്തി​ന്‍റെ ജോ​ലി​യു​ടെ ഭാ​ഗ​മാ​യി​രു​ന്നി​ല്ല. അ​ത്ത​രം ചു​മ​ത​ല​ക​ൾ എ​ക്സി​ക്യൂ​ട്ടി​വ്​ ഡ​യ​റ​ക്ട​ർ​ക്കാ​യി​രു​ന്നു.

അ​തോ​ടൊ​​പ്പം ഒ​രു അ​ക്കൗ​ണ്ടി​ങ്​ വി​ദ​ഗ്ധ​ൻ കേ​സ് പേ​പ്പ​റു​ക​ളും രേ​ഖ​ക​ളും അ​വ​ലോ​ക​നം ചെ​യ്യ​ണ​മെ​ന്നും ആ​രോ​പ​ണ​ങ്ങ​ളി​ൽ ക​മ്പ​നി ഡ​യ​റ​ക്ട​റു​ടെ പ​ങ്ക് വി​ശ​ദീ​ക​രി​ക്ക​ണ​മെ​ന്നും പ്ര​തി​ഭാ​ഗം അ​ഭ്യ​ർ​ഥി​ച്ചു. തു​ട​ർ​ന്ന്​ കേ​സി​ന്‍റെ രേ​ഖ​ക​ൾ പ​രി​ശോ​ധി​ക്കാ​നാ​യി ഒ​രു അ​ക്കൗ​ണ്ട്​ ഓ​ഫി​സ​റെ ചു​മ​ത​ല​പ്പെ​ടു​ത്താ​നും കോ​ട​തി ഉ​ത്ത​ര​വി​ട്ടി​രു​ന്നു. ഇ​തു​പ്ര​കാ​രം അ​ക്കൗ​ണ്ടി​ങ്​ ഓ​ഫി​സ​ർ സ​മ​ർ​പ്പി​ച്ച രേ​ഖ​ക​ൾ പ​രി​ശോ​ധി​ച്ച ശേ​ഷ​മാ​ണ്​ കോ​ട​തി ഡ​യ​റ​ക്ട​ർ കു​റ്റ​ക്കാ​ര​ന​ല്ലെ​ന്ന്​ വി​ധി​ച്ച​ത്.