തീ കണ്ടാൽ ആദ്യം വിളിക്കേണ്ടത്​ 997, 999; ജീവനേക്കാൾ വലുതല്ല സ്വർണവും പണവും

ദുബൈ: വേനൽ കനത്തതോടെ ഒരു പൊരി മതി തീ ആളിപ്പടരാൻ എന്ന അവസ്​ഥയാണ്​. കഴിഞ്ഞ ഒരാഴ്​ച മാത്രം രാജ്യത്തി​​െൻറ പല ഭാഗങ്ങളിലായി പത്തിലേറെ തീപിടിത്ത അപകടങ്ങളാണുണ്ടായത്​.  വിവരം അറിഞ്ഞയുടൻ രക്ഷാപ്രവർത്തകർ ഒാടിയെത്തി ദൗത്യം നിറവേറ്റിയതു കൊണ്ടു മാത്രമാണ്​ പലയിടത്തും ആളപായം ഒഴിവായത്​.  

വീടുകളിൽ വൈദ്യുതി ഉപകരങ്ങളും പാചക ഉപകരങ്ങളും സൂക്ഷിച്ച്​ കൈകാര്യം ചെയ്യലാണ്​ തീ പിടിത്തങ്ങൾ ഒഴിവാക്കാനുള്ള ആദ്യ നടപടി. വീടും സ്​ഥാപനങ്ങളും പൂട്ടി ഇറങ്ങു​േമ്പാൾ എല്ലാ വൈദ്യുതി ഉപകരണങ്ങളും ഒാഫ്​ ചെയ്​തിട്ടുണ്ട്​ എന്ന്​ ഉറപ്പാക്കണം. 
കത്തിച്ച സിഗററ്റു കുറ്റികൾ അലക്ഷ്യമായി ഇടുന്നതും വലിയ വിപത്തിലേക്ക്​ നയിച്ചേക്കും.  എവിടെയെങ്കിലും തീ പിടിച്ചു എന്നറിഞ്ഞാൽ 997,999 എന്നീ നമ്പറുകളിലൊന്നിൽ വിവരം അറിയിക്കുകയാണ്​ ആദ്യം  ചെയ്യേണ്ടത്​. ​

നേരിയ തീപിടിത്തമാണെങ്കിൽ പോലും കെട്ടിടങ്ങളുടെ സുരക്ഷാ എക്​സിറ്റിലൂടെ എത്രയും പെ​െട്ടന്ന്​ പുറത്തേക്ക്​ കടക്കുക. വീട്ടിൽ തീ പിടിച്ചാൽ  മനുഷ്യജീവനാണ്​ ഏറ്റവും വില കൽപ്പിക്കേണ്ടത്​. വീട്ടിനുള്ളിൽ എത്ര സ്വർണവും പണവും കെട്ടിപ്പൂട്ടിവെച്ചിട്ടുണ്ടെങ്കിലും അവ കൂടി എടുത്ത്​ പുറത്തു കടക്കാം എന്ന്​ തീരുമാനിക്കുന്നത്​ മണ്ടത്തരമാവും. ചെറിയ തീ അല്ലേ എന്ന്​ നിസാരവത്​കരിച്ച്​ വീട്ടിലെ സാമഗ്രികൾ പെറുക്കിക്കൂട്ടിക്കഴിയു​േമ്പാഴേക്കും രക്ഷപ്പെടാൻ കഴിയാത്തത്ര ഭീകരാവസ്​ഥയിൽ തീ പടർന്നിട്ടുണ്ടാവും.  രക്ഷാ പ്രവർത്തകർ എത്തിക്കഴിഞ്ഞാൽ അവരുടെ നിർദേശങ്ങളെ അതേപടി അനുസരിക്കുക. അന്നേരം തങ്ങളാണ്​ ബുദ്ധിയുള്ളവരെന്നും കാര്യങ്ങൾ അറിയുന്നവരെന്നും  സ്​ഥാപിക്കാൻ ശ്രമിക്കുന്നത്​ രക്ഷാപ്രവർത്തന പദ്ധതികളുടെ താളം തെറ്റിക്കും. 
പലപ്പോഴും നിർദേശം അവഗണിച്ച്​ ആളുകൾ വീടുകൾക്കുള്ളിലേക്ക്​ കടക്കുന്നത്​ അപകടങ്ങൾക്കും ആളപായത്തിനും ഇടവരുത്തുന്നതായി പാരാമെഡിക്കുകളും സിവിൽ ഡിഫൻസ്​ ഉദ്യോഗസ്​ഥരും പറയുന്നു. 

ഏതാനും ആഴ്​ച മുൻപ്​ ജാഫിലിയ്യയിൽ തീ പിടിച്ച വീട്ടിലേക്ക്​ തിരിച്ചുപോയി പാസ്​പോർട്ടും രേഖകളും എടുക്കാൻ ശ്രമിച്ച കുടുംബത്തെ തടഞ്ഞു നിർത്താൻ ഏറെ പണിപ്പെട്ടതായി ദുബൈ ആംബുലൻസ്​ സർവീസ്​ സൊസൈറ്റിയിലെ രക്ഷാ പ്രവർത്തകർ പറയുന്നു. ചിലരാക​െട്ട, വളർത്തുമൃഗങ്ങളെ രക്ഷപ്പെടുത്താനാണ്​ തീ പിടിച്ച വീടുകളിലേക്ക്​ ഒാടാൻ ശ്രമിക്കുക. വളർത്തു മൃഗങ്ങളുടെ ജീവനും രക്ഷാപ്രവർത്തകർ പ്രാധാന്യം കൽപ്പിക്കുന്നുണ്ട്​. 
ഇന്നലെ ടോർച്ച്​ ടവറിലുണ്ടായിരുന്ന പൂച്ചകളെയും മറ്റും സിവിൽ ഡിഫൻസ്​ രക്ഷപ്പെടുത്തിയിരുന്നു. ​ രണ്ടാഴ്​ച മുൻപ്​ ഫ്ലാറ്റിലെ തീ പിടിത്തത്തിൽ പൂച്ച​െയ നഷ്​ടപ്പെട്ട ഫിലിപ്പിനോ യുവതിക്ക് അവർ വളർത്തിയിരുന്ന പൂച്ചയുടെ അതേ ഇനത്തിലും നിറത്തിലുംപെട്ട പൂച്ചയെ സിവിൽ ഡിഫൻസ്​ മേധാവി നേരിട്ട്​ സമ്മാനിച്ചിരുന്നു.