കെട്ടിടത്തിൽ തീപിടിത്തം;  റെഡ്​ ക്രസൻറ്​ താമസക്കാരെ ഒഴിപ്പിച്ചു

അബൂദബി: ശൈഖ്​ ഖലീഫ സ്​ട്രീറ്റിലെ താമസയിടത്തിൽ തീപിടിച്ചു. വിവിധ അറബ്​ രാജ്യങ്ങളിലെ ആറ്​ കുടുംബങ്ങൾ താമസിച്ചിരുന്ന കെട്ടിടത്തിലാണ്​ കഴിഞ്ഞ ദിവസം തീപിടിച്ചത്​.
എമിറേറ്റ്​സ്​ റെഡ്​​് ക്രസൻറ്​ അബൂദബി ശാഖയിലെ സന്നദ്ധപ്രവർത്തകർ സംഭവസ്​ഥലത്ത്​ കു​തിച്ചെത്തി രക്ഷാപ്രവർത്തനം നടത്തി. കുടുംബങ്ങളെ കെട്ടിടത്തിൽനിന്ന്​ ഒഴിപ്പിക്കുന്നതിനാണ്​ റെഡ്​ ക്രസൻറ്​ പ്രവർത്തകർ നേതൃത്വം നൽകിയത്​. 

അഗ്​നിബാധയുണ്ടായ കെട്ടിടത്തിലെ താമസക്കാരെ രക്ഷിക്കുന്നതിന്​ അബൂദബി ശാഖയി​​െല നിരവധി സന്നദ്ധ പ്രവർത്തകരും ഉദ്യോഗസ്​ഥരും ഉടൻ സംഭവ സ്​ഥലത്തേക്ക്​ കുതിക്കുകയായിരുന്നുവെന്ന്​ റെഡ്​ക്രസൻറ്​ അബൂദബി ശാഖ ഡയറക്​ടർ മുഹമ്മദ്​ സഇൗദ്​ അൽ റുമൈതി പറഞ്ഞു. അബൂദബി പൊലീസുമായും സിവിൽ ഡിഫൻസുമായും സഹകരിച്ച്​ പ്രവർത്തകർ രക്ഷാദൗത്യത്തിൽ പങ്കാളികളായി. റെഡ്​ക്രസൻറും അതി​​െൻറ ജീവനക്കാരും അടിയന്തര സാഹചര്യങ്ങളിൽ ഉടനടി പ്രതികരണം നടത്താൻ സദാ സജ്ജരാണെന്നും മുഹമ്മദ്​ സഇൗദ്​ അൽ റുമൈതി കൂട്ടിച്ചേർത്തു.