മലയാളിയുടെ കട  കത്തി നശിച്ചു

ഷാർജ: റോളയിൽ ചൊവ്വാഴ്​ച രാത്രിയുണ്ടായ തീപിടുത്തത്തിൽ മലയാളിയുടെ കട പൂർണമായി കത്തി നശിച്ചു. ജിയാൻറ്​ സൂപ്പർമാർക്കറ്റിന്​ സമീപമുള്ള കടയിൽ രാത്രി 9.30ഒാടെയാണ്​ തീപിടുത്തമുണ്ടായത്​. സിവിൽ ഡിഫൻസ്​ എത്തി രക്ഷാപ്രവർത്തനം നടത്തിയെങ്കിലും കട പൂർണമായും കത്തി നശിച്ചു. സംഭവത്തെക്കുറിച്ച്​ അന്വേഷണം തുടങ്ങിയിട്ടുണ്ട്​. വൻ നഷ്​ടം സംഭവിച്ചതായാണ്​ പ്രാഥമിക നിഗമനം. എങ്ങനെയാണ്​ തീപിടിച്ചതെന്ന്​ സൂചനയില്ല. ഏറെ നേരം ശ്രമിച്ചാണ്​ തീ കെടുത്തിയത്​.