ദുബൈ മറീന കെട്ടിടത്തിൽ വൻ അഗ്​നിബാധ; താമസക്കാരെ ഒഴിപ്പിച്ചു

ദുബൈ: ദുബൈ മറീനയിലെ താമസക്കെട്ടിടത്തിൽ വൻ തീപിടിത്തം. ഞായറാഴ്​ച രാവിലെ 10.45ഒാടെയാണ്​ തീപിടിത്തമുണ്ടായത്​. ശക്​തമായ കാറ്റ്​ കാരണം തീ അതിവേഗം വ്യാപിച്ചു. നിരവധി പേർ ടവറിൽനിന്ന്​ ഒാടിരക്ഷപ്പെട്ടു. ആളപായമില്ല.മറീനയുടെ ജബൽ അലി ഭാഗത്തുള്ള 15 നില ടവറിലാണ്​ തീപിടിച്ചത്​. സംഭവത്തെ തുടർന്ന്​ ഗതാഗതം തടസ്സപ്പെട്ടു. കെട്ടിടത്തിലെ താമസക്കാർ സമീപത്തെ കടകളിൽ അഭയം തേടി. അന്തരീക്ഷത്തിൽ പുക ഉയർന്നത്​ പലർക്കും ശ്വാസതടസ്സത്തിന്​ കാരണമായി.  

അഗ്​നിബാധ ആരംഭിച്ച്​ 45 മിനിറ്റനകം അഗ്​നിശമനസേന എത്തി തീ കെടുത്താനുള്ള പ്രവൃത്തികൾ ആരംഭിച്ചു. 11.45ഒാടെ തീ നിയന്ത്രണവിധയമാക്കി. 
അപാർട്മ​​െൻറി​ന്​ പുറത്തുനിന്നാണ്​ തീ പടർന്നതെന്ന്​ ദുബൈ സിവിൽ ഡിഫൻസ്​ മേധാവി മേജർ ജനറൽ റാശിദ്​ ഥാനി പറഞ്ഞു. ബാൽക്കണിയിൽനിന്നോ മറ്റോ ആയിരിക്കാം തീയുടെ തുടക്കമെന്ന്​ കരുതുന്നു. കെട്ടിടത്തിൽനിന്ന്​ ആളുകളെ ഒഴിപ്പിച്ചതായും ആർക്കും പരിക്കില്ലെന്നും ദുബൈ മീഡിയ ഒാഫിസ്​ രാവിലെ 11.30ഒാടെ അറിയിച്ചു. ഉച്ചക്ക്​ ശേഷം താമസക്കാരെ ബസിൽ ദുബൈ സ്​പോർട്​സ്​ സിറ്റിയിലെ ഗയ ഗ്രാൻഡ്​ ഹോട്ടലിലേക്ക്​ മാറ്റി.