ഖോർഫക്കാനിൽ തീപിടിച്ച വീട്ടിൽ കുടുങ്ങിയ  സ്​ത്രീയെ രക്ഷപ്പെടുത്തി

ദുബൈ: തീ പിടിച്ച വീട്ടിനുള്ളിൽ കുടുങ്ങിയ സ്വദേശി വനിതയെ ഖോർഫക്കാൻ സിവിൽ ഡിഫൻസ്​ സംഘം രക്ഷപ്പെടുത്തി. അൽ ലുഅലോഇയ്യ മേഖലയിലെ വീട്ടിൽ തീ പിടിച്ച വിവരം പൊലീസ്​ ഒാപ്പറേഷൻ റൂമിൽ എത്തിയ ഉടൻ സംഘം പാഞ്ഞെത്തി വീടി​​െൻറ വാതിൽ തകർത്താണ്​ അകത്തു കടന്നത്​. പുക ശ്വസിച്ച്​ ബോധ രഹിതയായി കിടന്നിരുന്ന സ്​ത്രീയെ ഉടനെ ആംബുലൻസിൽ ആശുപത്രിയിലേക്ക്​ മാറ്റി.

വീട്ടിലുണ്ടായിരുന്ന രണ്ട്​ സ്​ത്രീക​െളയും സുരക്ഷിതമായി ഒഴിപ്പിച്ചു.   രക്ഷാ സംഘം തക്ക സമയത്ത്​ സ്​ഥലത്തെത്തിയതു മൂലം ദുരന്തം ഒഴിവാക്കാനായതായി ഷാർജ സിവിൽ ഡിഫൻസ്​ ഡയറക്​ടർ ജനറൽ കേണൽ സാമി ഖമീസ്​ അൽ നഖ്​ബി പറഞ്ഞു.