സ്കൂ​ളു​ക​ളി​ൽ വീ​ണ്ടും ഫ​സ്റ്റ്​​ബെ​ൽ

ദു​ബൈ: ര​ണ്ടു മാ​സം നീ​ണ്ട വേ​ന​ൽ അ​വ​ധി​ക്കു​ശേ​ഷം യു.​എ.​ഇ​യി​ലെ വി​ദ്യാ​ല​യ​ങ്ങ​ളി​ൽ തി​ങ്ക​ളാ​ഴ്ച വീ​ണ്ടും ഫ​സ്റ്റ്​ ബെ​ൽ മു​ഴ​ങ്ങു​ക​യാ​ണ്. വി​ദ്യാ​ർ​ഥി​ക​ളെ സ്വീ​ക​രി​ക്കാ​നു​ള്ള ഒ​രു​ക്ക​ങ്ങ​ൾ​ സ്കൂ​ളു​ക​ൾ പൂ​ർ​ത്തീ​ക​രി​ച്ചു ക​ഴി​ഞ്ഞു. വി​വി​ധ വ​കു​പ്പു​ക​ളെ ഏ​കോ​പി​പ്പി​ച്ച്​ കു​ട്ടി​ക​ളു​ടെ സു​ര​ക്ഷ​ക്കാ​യു​ള്ള ക്ര​മീ​ക​ര​ണ​ങ്ങ​ളും മാ​ർ​ഗ നി​ർ​ദേ​ശ​ങ്ങ​ളും യു.​എ.​ഇ ഭ​ര​ണ​കൂ​ടം പ്ര​ഖ്യാ​പി​ച്ചി​ട്ടു​ണ്ട്.

കു​ട്ടി​ക​ളെ ആ​ദ്യ ദി​നം സ്കൂ​ളി​ലെ​ത്തി​ക്കു​ന്ന​തി​ന്​ ജീ​വ​ന​ക്കാ​രാ​യ ര​ക്ഷി​താ​ക്ക​ൾ​ക്ക്​ സ​ർ​ക്കാ​ർ, സ്വ​കാ​ര്യ സ്ഥാ​പ​ന​ങ്ങ​ൾ ജോ​ലി സ​മ​യ​ത്തി​ൽ ഇ​ള​വ്​ അ​നു​വ​ദി​ച്ചി​ട്ടു​ണ്ട്. കു​ട്ടി​ക​ളെ സു​ര​ക്ഷി​ത​മാ​യി സ്കൂ​ളി​ലും തി​രി​കെ ഭ​വ​ന​ങ്ങ​ളി​ലും എ​ത്തി​ക്കു​ന്ന​തി​ൽ സ്കൂ​ൾ ബ​സു​ക​ളു​ടെ പ​ങ്ക്​ നി​ർ​ണാ​യ​ക​മാ​ണ്. അ​പ​ക​ട​ങ്ങ​ളി​ല്ലാ​തെ കു​ട്ടി​ക​ളെ സു​ര​ക്ഷി​ത​മാ​ക്കു​ന്ന​തി​ന്​ സ്കൂ​ൾ ബ​സു​ക​ൾ​ക്ക്​ മാ​ർ​ഗ നി​ർ​ദേ​ശ​ങ്ങ​ൾ പു​റ​പ്പെ​ടു​വി​ച്ചി​രി​ക്കു​ക​യാ​ണ്​ വി​ദ്യാ​ഭ്യാ​സ, ​ഗ​താ​ഗ​ത മ​ന്ത്രാ​ല​ങ്ങ​ൾ. ര​ക്ഷി​താ​ക്ക​ൾ, വി​ദ്യാ​ർ​ഥി​ക​ൾ, അ​റ്റ​ൻ​ഡ​ർ​മാ​ർ, സ്കൂ​ൾ അ​ധി​കാ​രി​ക​ൾ എ​ന്നി​വ​ർ പാ​ലി​ക്കേ​ണ്ട മു​ൻ​ക​രു​ത​ലു​ക​ളാ​ണ്​ മാ​ർ​ഗ നി​ർ​ദേ​ശ​ങ്ങ​ളി​ൽ പ്ര​ധാ​നം.

വി​ദ്യാ​ർ​ഥി​ക​ളും ര​ക്ഷി​താ​ക്ക​ളും ശ്രദ്ധിക്കാൻ

• നി​ശ്ച​യി​ച്ച ബ​സ്​​സ്റ്റോ​പ്പു​ക​ളി​ൽ കു​ട്ടി​ക​ൾ കൃ​ത്യ സ​മ​യ​ത്ത് ബ​സി​റ​ങ്ങു​ന്നു​വെ​ന്ന്​​ ര​ക്ഷി​താ​ക്ക​ൾ ഉ​റ​പ്പാ​ക്ക​ണം
• കു​ട്ടി​ക​ൾ വൈ​കു​ക​യോ ഹാ​ജ​രാ​വാ​തി​രി​ക്കു​ക​യോ ചെ​യ്താ​ൽ അ​ക്കാ​ര്യം ര​ക്ഷി​താ​ക്ക​ൾ​ക്ക്​ അ​റ്റ​ൻ​ഡ​ർ​മാ​രെ അ​റി​യി​ക്ക​ണം
• കു​ട്ടി​ക​ൾ അ​വ​ർ​ക്ക്​ അ​നു​വ​ദി​ച്ച ബ​സു​ക​ളി​ൽ മാ​ത്രം ക​യ​റ​ണം
• ബ​സി​ൽ ക​യ​റു​മ്പോ​ഴും ഇ​റ​ങ്ങു​മ്പോ​ഴും ക്യൂ ​പാ​ലി​ക്ക​ണം
• സ്കൂ​ൾ ബ​സു​ക​ളി​ൽ കു​ട്ടി​ക​ൾ ര​ക്ഷി​താ​ക്ക​ളേ​യോ പു​റ​ത്തു​ നി​ന്നു​ള്ള​വ​രെ​യോ കൊ​ണ്ടു​വ​ര​രു​ത്​
• ഡ്രൈ​വ​ർ​മാ​ർ, അ​റ്റ​ൻ​ഡ​ർ​മാ​ർ എ​ന്നി​വ​രു​ടെ നി​ർ​ദേ​ശം കു​ട്ടി​ക​ൾ പാ​ലി​ക്ക​ണം
• യാ​ത്ര ചെ​യ്യു​ന്ന സ​മ​യ​ങ്ങ​ളി​ൽ കു​ട്ടി​ക​ൾ അ​നു​വ​ദി​ച്ച സീ​റ്റു​ക​ളി​ൽ ത​ന്നെ ഇ​രി​ക്ക​ണം.
• ബ​സി​ന​ക​ത്ത്​ കു​ട്ടി​ക​ൾ ഭ​ക്ഷ​ണ​ം കഴിക്കുക​േയാ വെ​ള്ള​ം കുടിക്കുകയോ ചെയ്യരുത്​
• ബ​സി​ൽ നി​ന്ന്​ കൈ​യും ത​ല​യും പു​റ​ത്തി​ട​രു​ത്​

ഡ്രൈ​വ​ർ​മാ​ർ

• യൂ​നി​ഫോം ധ​രി​ക്ക​ണം, ബ​സി​ൽ സീ​റ്റ്​ ബെ​ൽ​റ്റ്​ ധ​രി​ക്ക​ണം
• ഇം​ഗ്ലീ​ഷ്, അ​റ​ബി​ക്​ ഭാ​ഷ​ക​ൾ കൈ​കാ​ര്യം ചെ​യ്യാ​ൻ അ​റി​യ​ണം
• കു​ട്ടി​ക​ളെ നി​ശ്ച​യി​ച്ച ബ​സ്​ സ്​​റ്റോ​പ്പു​ക​ളി​ൽ​നി​ന്ന്​ മാ​ത്രം ക​യ​റ്റു​ക​യും ഇ​റ​ക്കു​ക​യും ചെ​യ്യു​ക
• ബ​സു​ക​ളി​ൽ അനുദിച്ചതിൽ കൂടുതൽ ​ആളെ കയറ്റരുത്​
• 80 കി​ലോ​മീ​റ്റ​റി​ൽ കൂ​ടു​ത​ൽ വേ​ഗ​ത്തി​ൽ വാ​ഹ​ന​മോ​ടി​ക്ക​രു​ത്​
• ബ​സി​ൽ ഫ​സ്റ്റ്​ എ​യ്ഡ്​ ബോ​ക്സ്​ സൂ​ക്ഷി​ക്ക​ണം
• മ​ദ്യ​പി​ച്ച്​ വാ​ഹ​ന​മോ​ടി​ക്ക​രു​ത്​
• ബ​സി​ന​ക​ത്ത്​ പു​ക​വ​ലി​ക്ക​രു​ത്​

സ്കൂ​ളു​ക​ൾക്കുള്ള നിർദേശങ്ങൾ

• എ​ല്ലാ സ്കൂ​ൾ ബ​സു​ക​ളും മ​ഞ്ഞ നി​റ​ത്തി​ലാ​യി​രി​ക്ക​ണം, ഇം​ഗ്ലീ​ഷി​ലും അ​റ​ബി​യി​ലും സ്കൂ​ൾ ബ​സ്​ എ​ന്ന്​ ​ആ​ലേ​ഖ​നം ചെ​യ്തി​രി​ക്ക​ണം
• ബ​സി​ന​ക​ത്ത്​ കു​ട്ടി​ക​ളെ നി​രീ​ക്ഷി​ക്കു​ന്ന​തി​നാ​യി അ​റ്റ​ൻ​ഡ​ർ​മാ​രെ നി​യോ​ഗി​ക്ക​ണം
• ബ​സി​ന​ക​ത്ത്​ ശീ​തീ​ക​ര​ണ സം​വി​ധാ​ന​ങ്ങ​ൾ ശ​രി​യാം​വി​ധം പ്ര​വ​ർ​ത്തി​ക്കു​ന്നു​ണ്ടെ​ന്ന്​ ഉ​റ​പ്പു​വ​രു​ത്ത​ണം
• എ​ല്ലാ ബ​സു​ക​ളി​ലും ജി.​പി.​എ​സ്​ ഘ​ടി​പ്പി​ക്ക​ണം

• സി.​സി.​ടി കാ​മ​റ ഉ​പ​യോ​ഗി​ച്ച്​ ബ​സു​ക​ളു​ടെ നീ​ക്കം നി​രീ​ക്ഷി​ക്ക​ണം
• ബ​സു​ക​ൾ വൃ​ത്തി​യാ​യി സൂ​ക്ഷി​ക്കു​ക
• ബ​സി​ന്‍റെ ജ​ന​ലു​ക​ളി​ൽ ത​ട​സ്സ​ങ്ങ​ൾ ഇ​ല്ലെ​ന്ന്​ ഉ​റ​പ്പാ​ക്ക​ണം
• ബ​സു​ക​ളി​ൽ എ​മ​ർ​ജ​ൻ​സി എ​ക്സി​റ്റ്​ ഉ​ണ്ടെ​ന്ന്​ ഉ​റ​പ്പാ​ക്ക​ണം
• 10 മീ​റ്റ​ർ നീ​ള​മു​ള്ള ബ​സു​ക​ളി​ൽ ഒ​രു അ​ഗ്​​നി​ശ​മ​ന ഉ​പ​ക​ര​ണ​വും 10 മീ​റ്റ​റി​ൽ അ​ധി​കം നീ​ള​മു​ള്ള ബ​സു​ക​ളി​ൽ ര​ണ്ട്​ അ​ഗ്​​നി​ശ​മ​ന ഉ​പ​ക​ര​ണ​വും ഉ​റ​പ്പാ​ക്ക​ണം.