അഞ്ച്​ വർഷം:​ പിടികൂടിയത്​ 930 കോടി ദിർഹമി​െൻറ വ്യാജ ഉൽപന്നങ്ങൾ

ദുബൈ: അഞ്ച്​ വർഷത്തിനിടെ ദുബൈ പൊലീസി​െൻറ സാമ്പത്തിക കുറ്റകൃത്യവിരുദ്ധ സംഘം പിടിച്ചെടുത്തത്​ 930 കോടി ദിർഹമി​െൻറ വ്യാജ ഉൽപന്നങ്ങൾ.ഈ കാലയളവിൽ 2235 സാമ്പത്തിക കുറ്റകൃത്യങ്ങൾ രജിസ്​റ്റർ ചെയ്​തതായി ദുബൈ പൊലീസ്​ ​ക്രിമിനൽ ഇൻവസ്​റ്റിഗേഷൻസ്​ ജനറൽ വിഭാഗം ഡയറക്​ടർ ബ്രിഗേഡിയർ ജമാൽ സാലിം അൽ ജല്ലഫ്​ പറഞ്ഞു.

ഈ വർഷം വ്യാജ ഉൽപന്ന വിരുദ്ധ വിഭാഗത്തി​െൻറ നേതൃത്വത്തിൽ 315 കേസുകളാണ്​ രജിസ്​റ്റർ ചെയ്​തത്​. ആൻഡി ​ഫ്രോഡ്​ സെക്ഷൻ, ആൻഡി കൊമേഴ്​സ്യൽ ഫ്രോഡ്​ സെക്ഷൻ, പ്രൈവസി സെക്ഷൻ എന്നിവയുടെ കീഴിലാണ്​ ഇത്രയും കേസുകൾ രജിസ്​റ്റർ ചെയ്​തത്​. 394 ​പ്രതികളെ പിടികൂടുകയും 173 കോടി ദിർഹമി​െൻറ ഉൽപന്നങ്ങൾ കണ്ടെടുക്കുകയും ചെയ്​തു. വ്യാജ ഉൽപന്നങ്ങൾ കണ്ടെത്തുന്നതിനായി വിവിധ ബ്രാൻഡുകളുമായുള്ള കൂടിക്കാഴ്​ചകൾ നിരന്തരം നടക്കുന്നുണ്ടെന്ന്​ അൽ ജല്ലഫ്​ പറഞ്ഞു.

സാമ്പത്തിക തട്ടിപ്പുകൾക്കെതിരെ ദുബൈ ​െപാലീസെടുക്കുന്ന നടപടികൾ അന്താരാഷ്​ട്ര ബ്രാൻഡുകൾക്ക്​ ദുബൈയിലുള്ള വി​ശ്വാസ്യത വർധിപ്പിക്കാൻ ഇടയാക്കിയെന്നും അൽ ജല്ലഫ്​ പറഞ്ഞു.സാമ്പത്തിക മേഖലയിൽ വിവിധ തരം തട്ടിപ്പുകളാണ്​ നടക്കുന്നതെന്ന്​ ആക്​ടിങ്​ ഡയറക്​ടർ കേണൽ ഒമർ ബിൻ ഹമ്മദ്​ പറഞ്ഞു. വഞ്ചന, വ്യാജ ഉൽപന്നം, നോട്ടിരട്ടിപ്പ്​, ആഭിചാരം തുടങ്ങിയവയാണ്​ പ്രധാനമായും കണ്ടുവരുന്നവ. എമിറേറ്റി​െൻറ വിപണികളുടെ സുരക്ഷ ഉറപ്പുവരുത്തുന്നതിനായി സാമ്പത്തിക വികസന വകുപ്പ്, ദുബൈ കസ്​റ്റംസ്, ലാൻഡ് ഡിപ്പാർട്ട്മെൻറ്​, സെൻട്രൽ ബാങ്ക് ഓഫ് യു.എ.ഇ, ടി.ആർ.എ, ഡി.എച്ച്.എ എന്നിവിടങ്ങളിലെ പങ്കാളികളുമായി സഹകരിച്ചാണ്​ പ്രവർത്തനം.

സാമ്പത്തിക കുറ്റകൃത്യങ്ങൾക്കെതിരെ പോരാടുന്ന ഉദ്യോഗസ്ഥരുടെ കഴിവുകൾ വികസിപ്പിക്കുന്നതിന് പങ്കാളികളുമായി ഏകോപിപ്പിച്ച് പരിശീലന ശിൽപശാലകൾ സംഘടിപ്പിക്കും. സാമ്പത്തിക കുറ്റകൃത്യങ്ങൾക്കെതിരെ പോരാടുന്നതിന് ഡിപ്പാർട്ട്മെൻറ്​ മുഴുവൻ സമയവും പ്രവർത്തിക്കുന്നുണ്ടെന്നും അദ്ദേഹം പറഞ്ഞു.