മഞ്ഞ്​ വില്ലനായി; രണ്ടര മണിക്കൂറിനുള്ളിൽ നടന്നത്​ 54 റോഡപകടങ്ങൾ

ദുബൈ: ഞായറാഴ്​ച പുലർച്ചെയുണ്ടായ കനത്ത മഞ്ഞിൽ ദുബൈയിലുണ്ടായത്​ 54 റോഡപകടങ്ങൾ. രാവിലെ 6.30മുതൽ ഒമ്പത്​ വരെയുള്ള സമയത്തെ കണക്കാണിത്​. ഇൗ സമയത്തിനുള്ളിൽ 1521 സഹായാഭ്യർത്ഥനകളും ലഭിച്ചതായി ദുബൈ പൊലീസ്​ ഒാപറേഷൻസ്​ അറിയിച്ചു. മഞ്ഞുള്ളപ്പോൾ കാഴ്​ച അതീവ ദുഷ്​ക്കരമാകുമെന്നും ഡ്രൈവർമാർ അതിജാഗ്രത പാലിക്കണമെന്നും കൺട്രോൾ സ​െൻറർ ഡയറക്​ടർ കേണൽ തുർക്കി അബ്​ദുറഹ്​മാൻ ബിൻ ഫാരിസ്​ പറഞ്ഞു. ഡ്രൈവിംഗ്​ തുടങ്ങും മുമ്പ്​ എല്ലാ ഭാഗങ്ങളിലെയും ചില്ലുകൾ തുടച്ചു വൃത്തിയാക്കണം. മുന്നി​െല വാഹനവുമായി മതിയായ അകലം പാലിച്ചു മാത്രമെ വാഹനം ഒാടിക്കാവൂ എന്നും അദ്ദേഹം മുന്നറിയിപ്പ്​ നൽകി.