നന്മയുടെ ഭക്ഷ്യബാങ്കിന്​ പുതിയ ശാഖ

ദുബൈ: ലോക ഭക്ഷ്യദിനത്തിൽ യു.എ.ഇ ഭക്ഷ്യബാങ്കിന്​ പുതിയ ശാഖ തുറന്നു. ഭക്ഷണം പാഴാവുന്നത്​ തടയാനും വിശന്നിരിക്കുന്നവർക്ക് ആഹാരം ഉറപ്പാക്കാനും ലക്ഷ്യമിട്ട്​ യു.എ.ഇ വൈസ്​പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ആൽ മക്​തും ആഹ്വാനം ചെയ്​ത ഭക്ഷ്യബാങ്കി​​െൻറ രണ്ടാമത്​ ശാഖ  ഇൗസാ സാലിഹ്​ അൽ ഗുർഗ്​ ചാരിറ്റി ഫൗണ്ടേഷ​​െൻറ പിന്തുണയോടെ കനേഡിയൻ യൂനിവേഴ്​സിറ്റിക്ക്​ സമീപമാണ്​ ആരംഭിച്ചത്​. 

ഉദ്​ഘാടന ചടങ്ങിൽ മൂന്ന്​ ജീവകാരുണ്യ സംഘടനകളും 13 ഭക്ഷ്യ ഉൽപാദന കമ്പനികളുമായി സഹകരണ കരാറും ഒപ്പുവെച്ചു.  നൽകലി​​െൻറയും കരുതലി​​െൻറയും മൂല്യങ്ങളിലൂന്നി മുന്നേറുന്ന ഭക്ഷ്യബാങ്ക്​ രാജ്യത്തെ ​പ്രമുഖ ജീവകാരുണ്യ കേന്ദ്രമായി വളരുകയാണെന്ന്​  ബോർഡ്​ അധ്യക്ഷയും  യു.എ.ഇ വൈസ്​പ്രസിഡൻറ്​ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂമി​​െൻറ പത്​നിയുമായ ശൈഖ ഹിന്ദ്​ ബിൻത്​ മക്​തൂം ബിൻ ജുമാ അൽ മക്​തും ഉദ്​ഘാടന വേളയിൽ പുറത്തിറക്കിയ പ്രസ്​താവനയിൽ പറഞ്ഞു. ഒൗദ്യോഗിക സംഘടനകളുടെയും ജനങ്ങളുടെയും പങ്കാളിത്തത്തിൽ യു.എ.ഇ​ നേതൃത്വം ലക്ഷമിടുന്ന നൽകലി​​െൻറ സംസ്​കാരം പ്രചരിപ്പിക്കാൻ പദ്ധതിക്ക്​ കഴിയുന്നുണ്ട്​.

ദുബൈ നഗരസഭാ ഡയറക്​ടർ ജനറലും ഭക്ഷ്യബാങ്ക്​ ബോർഡ്​ ഉപാധ്യക്ഷനുമായ ഹുസൈൻ നാസർ ലൂത്ത നിർമാണ തൊഴിലാളികൾക്ക്​ ഭക്ഷണം വിതരണം ചെയ്​ത്​ ബാങ്ക്​ ശാഖ ഉദ്​ഘാടനം ചെയ്​തു. ഒരു സ്​ഥിരം ജീവകാരുണ്യ-മാനുഷിക മുന്നേറ്റത്തി​​െൻറ ഭാഗമായി പുതുതലമുറയെ മാറ്റാൻ ഭക്ഷ്യബാങ്ക്​ എന്ന ആശയത്തിന്​ സാധിക്കുന്നുണ്ടെന്ന്​ അദ്ദേഹം പറഞ്ഞു. അത്തരമൊരു മൂല്യം ജനങ്ങളിൽ ഉൾച്ചേർക്കുക എന്നത്​ രാഷ്​ട്രപിതാവ്​ ശൈഖ്​ സായിദ്​ വിഭാവനം ചെയ്​ത ലക്ഷ്യമാണ്​.  
ഏപ്രിലിൽ പ്രവർത്തനമാരംഭിച്ച ബാങ്ക്​ ഇതിനകം 136 ടൺ ഭക്ഷണം സംഭരിച്ച്​ വിതരണം ചെയ്​തു. 

അടുത്തതായി മുഹൈസിനയിൽ ആരംഭിക്കുന്ന ഭക്ഷ്യബാങ്ക്​ ശാഖയുടെ നിർമാണ^നടത്തിപ്പ്​ ചെലവും വഹിക്കുമെന്ന്​ ഇൗസാ സാലിഹ്​ അൽ ഗുർഗ്​ ചാരിറ്റബ്​ൾ ഫൗ​േ​ണ്ടഷൻ ചെയർപേഴ്​സൻ ഡോ. റജാ ഇൗസ സാലിഹ്​ അൽ ഗുർഗ്​ വ്യക്​തമാക്കി. ജീവകാരുണ്യ സംഘങ്ങളായ ഹുമൈദ്​ ബിൻ റാശിദ്​ ആൽ നു​െഎമി ചാരിറ്റബിൾ ഫൗണ്ടേഷൻ, ഫുജൈറ ചാരിറ്റി അസോസിയേഷൻ, അൽ റഹ്​മ ചാരിറ്റബിൾ സൊസൈറ്റി എന്നിവക്ക്​ പുറമെ മാജിദ്​ അൽ ഫുത്തൈം ഉൾപ്പെടെ പ്രമുഖ ഭക്ഷണ വിതരണ സ്​ഥാപനങ്ങളും ഭക്ഷ്യബാങ്ക്​ പദ്ധതിയിൽ പങ്കാളികളായി ചേർന്നു.