പരീക്ഷ ഒഴിവാക്കി പന്തു തട്ടാൻ പോയ  മക​നെയോർത്ത്​ രാജുവിന്​ അഭിമാനം

ദുബൈ: കേരളം നന്ദി പറയണം ഇൗ അച്​ഛനോട്​, പുസ്​തകത്തേക്കാൾ ഇഷ്​ടം പന്തിനോടാണെന്നു പറഞ്ഞ്​ മൈതാനത്തേക്കോടിയ  മകനെ വിലക്കാതിരുന്നതിന്​. പരീക്ഷകൾ പോലും ഒഴിവാക്കി കളിക്കാനിറങ്ങുന്നതു കണ്ട്​ മുഖം കനപ്പിക്കാതിരുന്നതിന്​.  ഒടുവിലിതാ പരീക്ഷകൾ തോറ്റ ആ  മകൻ കളം നിറഞ്ഞ്​ കളിച്ച്​ വംഗ മണ്ണിൽ നിന്ന്​ വിജയ കിരീടം കേരളത്തിലേക്ക്​ തിരിച്ചെത്തിച്ചിരിക്കുന്നു. സന്തോഷ്​ ട്രോഫി വിജയ സന്തോഷം പങ്കുവെക്കാൻ മകൻ രാഹുൽ രാജ്​ വിളിക്കു​​േമ്പാൾ തൃശൂർ തൃത്തല്ലൂർ വയ്​ലപ്പിള്ളി രാജേന്ദ്രൻ  (രാജു) പറഞ്ഞു^ ‘‘മോനേ നി​​​​െൻറ തീരുമാനമായിരുന്നു ശരി’’. ‘‘അച്​ഛൻ കൂട്ടു നിന്നതു കൊണ്ട്​ ലഭിച്ച വിജയമാണിതെന്ന്​’’ കേരള ടീം കാപ്​റ്റ​​​​െൻറ   അഭിമാനം നിറഞ്ഞ മറുപടി.

ദുബൈ അൽ അനാം കമ്പനിയിൽ ഡ്രൈവറായി ജോലി ചെയ്യുന്ന രാജു മക​​​​െൻറ കളി കാണാനായി നേരത്തേ തന്നെ താമസ സ്​ഥലത്തെത്തിയിരുന്നു. വിശ്രമമില്ലാതെ കളിക്കുന്ന മകനു മേൽ സമ്മർദം ഏറെയായിരുന്നു. ടെൻഷൻ സഹിക്കാനാവാതെ വീട്ടിലേക്ക്​ വിളിച്ചപ്പോൾ വീട്ടുകാരും അയൽക്കാരുമെല്ലാം തികഞ്ഞ പ്രതീക്ഷയിൽ.  സ്വപ്​ന വിജയം സഫലമായതോടെ ആശങ്കകൾ ആനന്ദക്കണ്ണീരായി മാറി. രാഹുലി​​​​െൻറ ദുബൈയിലുള്ള അമ്മാവൻ ഷൈൻ ആണ്​ ആദ്യം വിളിച്ചത്​. വീട്ടിൽ വിളിച്ച്​ ആഘോഷ വിവരങ്ങൾ തിരക്കുന്നതിനിടയിൽ ചങ്ങാതിമാരായ രഞ്​ജു, രാജീവ്​, മനു, അനൂപ്​, പ്രദീപ്​, രാജീവ്​, ​േഗാകുൽ തുടങ്ങിയവരെല്ലാം അഭിനന്ദനമറിയിക്കാനെത്തി.

രണ്ടു പതിറ്റാണ്ടിലേറെയായി പ്രവാസ ജീവിതം നയിക്കുന്ന രാജു നേ​രത്തേ ഒമാനിൽ ബിസിനസ്​ ചെയ്യവെ കുടുംബവും ഒപ്പമുണ്ടായിരുന്നു. ഏഴു വയസുകാരനായ രാഹുൽ അന്ന്​ അറബിക്കുട്ടികൾക്കൊപ്പം പന്തു കളിക്കാൻ പോകുമായിരുന്നു. ഏഴാം ക്ലാസ്​ വരെ ഗൾഫിൽ പഠിച്ച ശേഷമാണ്​ നാട്ടിലേക്ക്​ പോയത്​. ഇപ്പോൾ കളിത്തിരക്കിനിടയിൽ നാട്ടിൽ വരു​േമ്പാഴെല്ലാം അവൻ പ്രദേശത്തെ കുഞ്ഞുങ്ങളെ പരിശീലിപ്പിക്കാൻ സമയം കണ്ടെത്താറുണ്ട്​. 
കാൽ പന്തുകളിയുടെ പ്രതാപം മുൻപത്തേക്കാൾ ശക്​തമായി തിരിച്ചു വരു​േമ്പാൾ മകൻ അതി​​​​െൻറ മുൻനിരക്കാരനാവുന്നതിൽ ഇൗ അച്​ഛന്​ പറഞ്ഞാൽ തീരാത്ത സംതൃപ്​തി.