പന്തുരുണ്ട്​ തുടങ്ങിയകാലം

ച​രി​ത്ര​ത്തി​ലാ​ദ്യ​മാ​യി ഫു​ട്​​ബാ​ൾ ലോ​ക​ക​പ്പ്​ പ​ശ്ചിമേ​ഷ്യ​യു​ടെ മ​ണ്ണി​ലേ​ക്ക്​ വി​രു​ന്നെ​ത്തു​ക​യാ​ണ്. ഗ​ൾ​ഫ്​ മേ​ഖ​ല​യെ മു​ഴു​വ​ൻ ആ​വേ​ശ​ക്കൊ​ടു​മു​ടി​യി​ൽ എ​ത്തി​ക്കു​ന്ന ഖ​ത്ത​റി​ലെ സോ​ക്ക​ർ മാ​മാ​ങ്ക​ത്തി​ന്‍റെ ആ​വേ​ശം യു.​എ.​ഇ​യി​ലും ദൃ​ശ്യ​മാ​ണ്. ഇ​മാ​റാ​ത്തി​ലെ വി​വി​ധ ന​ഗ​ര​ങ്ങ​ളി​ൽ താ​മ​സി​ച്ച്​ ദി​നേ​നെ ലോ​ക​ക​പ്പി​നാ​യി പ​റ​ക്കാ​ൻ സ്വ​ദേ​ശി​ക​ളും പ്ര​വാ​സി​ക​ളും മാ​ത്ര​മ​ല്ല, ലാ​റ്റി​ന​മേ​രി​ക്ക​യി​ലെ​യും യൂ​റോ​പ്പി​​ലെ​യും ആ​രാ​ധ​ക​ക്കൂ​ട്ട​ങ്ങ​ൾ വ​രെ ത​യാറാ​യി​ക്ക​ഴി​ഞ്ഞു. ഫു​ട്​​ബാ​ൾ ലോ​ക​ക​പ്പി​ന്‍റെ ആ​വേ​ശ​ത്തോ​ടൊ​പ്പം ചേ​രു​ന്ന 'ഇ​മാ​റാ​ത്ത്​ ബീ​റ്റ്​​സ്​' മ​ഹാ​മേ​ള​യു​ടെ ച​രി​ത്ര​ത്തി​ലെ സു​വ​ർ​ണ നി​മി​ഷ​ങ്ങ​ൾ നി​ങ്ങ​ൾ​ക്ക്​ 'വേ​ൾ​ഡ്​​ക​പ്പ്​ ഗാ​ല​റി'​യി​ലൂ​ടെ പ​രി​ച​യ​​പ്പെ​ടു​ത്തു​ക​യാ​ണ്.

പി​യ​ർ ഡി ​കൂ​ബ​ർ​ട്ടി​നും ഫു​ട്​​ബാ​ളും ത​മ്മി​ലെ​ന്ത്​ ബ​ന്ധം. പ്ര​ത്യ​ക്ഷ​ത്തി​ൽ ഒ​ന്നു​മി​ല്ലെ​ന്ന്​ പ​റ​യാം. എ​ന്നാ​ൽ, ഒ​ളി​മ്പി​ക്സി​നെ ​ഉ​ണ​ർ​ത്തി​യെ​ടു​ത്ത കൂ​ബ​ർ​ട്ടി​ൻ ന​ൽ​കി​യ ആ​വേ​ശ​മാ​യി​രു​ന്നു മൂ​ന്ന്​ പ​തി​റ്റാ​ണ്ടി​ന​പ്പു​റം പ്ര​ഥ​മ ലോ​ക​ക​പ്പി​ലേ​ക്കും വ​ഴി​തെ​ളി​യി​ച്ച​ത്.

പു​രാ​ത​ന​കാ​ല​ത്ത്​ നി​ല​ച്ചു​പോ​യ ​കാ​യി​ക ഉ​ത്സ​വ​ത്തി​നെ പൊ​ടി​ത​ട്ടി​യെ​ടു​ത്ത്​ ലോ​ക​ത്തി​ന്‍റെ കാ​യി​ക​മാ​മാ​ങ്ക​മാ​റ്റി മാ​റ്റു​ന്ന​ത്​ പി​യ​ർ ഡി ​കൂ​ബ​ർ​ട്ടി​ൻ എ​ന്ന ഫ്ര​ഞ്ചു​കാ​ര​നാ​യ ച​രി​ത്ര​കാ​ര​നും അ​ധ്യാ​പ​ക​നു​മാ​യി​രു​ന്നു. ആ​രോ​ഗ്യ​മു​ള്ള ശ​രീ​ര​ത്തി​ന്​ വ്യാ​യാ​മ​വും, കാ​യി​ക​ധ്വാ​ന​വും അ​ത്​​ല​റ്റി​ക്സു​മെ​ല്ലാം ന​ല്ല​താ​ണെ​ന്ന്​ വി​ശ്വ​സി​ച്ച കൂ​ബ​ർ​ട്ടി​ൻ സ​മാ​ന ചി​ന്ത​ഗ​തി​ക്കാ​രാ​യ ഒ​രു​കൂ​ട്ടം കാ​യി​ക പ്രേ​മി​ക​ളു​ടെ പി​ന്തു​ണ​യോ​ടെ 1894ലാ​ണ്​ ഇ​ന്‍റ​ർ​നാ​ഷ​ന​ൽ ഒ​ളി​മ്പി​ക്​ ക​മ്മി​റ്റി ആ​രം​ഭി​ക്കു​ന്ന​ത്. ക്രി​സ്തു​വി​നും മു​മ്പ്​ ഗ്രീ​ക്കി​ൽ സ​ജീ​വ​മാ​യി​രു​ന്ന ഒ​ളി​മ്പി​ക്സ്​ എ​ന്ന വി​ശ്വ​കാ​യി​ക​മേ​ള​യെ പു​നഃ​സം​ഘ​ടി​പ്പി​ക്കാ​നു​ള്ള പ​തി​റ്റാ​ണ്ടു​ക​ളാ​യ ചി​ന്ത​യു​ടെ ​ൈക്ല​മാ​ക്സാ​യി​രു​ന്നു ഒ​ളി​മ്പി​ക്​ ക​മ്മി​റ്റി​യു​ടെ രൂ​പ​വ​ത്ക​ര​ണം. അ​ങ്ങ​നെ പു​രാ​ത​ന ഗ്രീ​ക്ക്​ ന​ഗ​രി​യാ​യ ആ​ത​ൻ​സി​ലെ പ​ന​തി​നാ​യ്​​കോ സ്​​റ്റേ​ഡി​യ​ത്തി​ൽ 1896ൽ ​പ്ര​ഥ​മ ആ​ധു​നി​ക ഒ​ളി​മ്പി​ക്സി​ന്​ ട്രാ​ക്കു​ണ​ർ​ന്ന​ത്​ ച​രി​ത്രം. ശേ​ഷം, 1900ൽ ​പാ​രി​സി​ലും, 1904ൽ ​സെ​ന്‍റ്​ ലൂ​യി​സി​ലും പി​ന്നാ​ലെ ഓ​രോ നാ​ലു​ വ​ർ​ഷ​ത്തി​ലു​മാ​യി ഒ​ളി​മ്പി​ക്സ്​ സ​ജീ​വ​മാ​യി വ​ന്ന​തോ​ടെ ഫു​ട്​​ബാ​ളി​നും ഒ​രു ലോ​ക​മേ​ള വേ​ണ​മെ​ന്ന ആ​ലോ​ച​ന​യു​ദി​ച്ചു.

കൂ​ബ​ർ​ട്ടി​ൽ ന​ൽ​കി​യ തീ​പ്പൊ​രി ഫു​ട്​​ബാ​ളി​ലെ വി​ശ്വ​മേ​ള​യി​ലേ​ക്കും പ​ട​ർ​ന്നു. 1904ൽ ​ഫ്ര​ഞ്ച്​ ​മാ​ധ്യ​മ പ്ര​വ​ർ​ത്ത​ക​നാ​യ റോ​ബ​ർ​ട്ട്​ ഗ്യു​വ​റി​ൻ പ്ര​ഥ​മ അ​ധ്യ​ക്ഷ​നാ​യാ​ണ്​ യൂ​റോ​പ്യ​ൻ രാ​ജ്യ​ങ്ങ​ൾ അം​ഗ​ങ്ങ​ളാ​യ ഒ​രു ഫു​ട്​​ബാ​ൾ ഫെ​ഡ​റേ​ഷ​ന്​ രൂ​പം ന​ൽ​കു​ന്ന​ത്. വെ​റും 28 വ​യ​സ്സ്​ മാ​ത്രം പ്രാ​യ​ത്തി​ൽ യു​വ​ത്വ​ത്തി​ന്‍റെ ചു​റു​ചു​റു​ക്കോ​ടെ ഫെ​ഡ​റേ​ഷ​ൻ ഇ​ന്‍റ​ർ​നാ​ഷ​ന​ൽ ഡി ​ഫു​ട്​​ബാ​ൾ അ​സോ​സി​യേ​ഷ​ൻ (ഫി​ഫ) എ​ന്ന കൂ​ട്ടാ​യ്മ​ക്ക്​ ഗ്യൂ​വ​റി​ൻ തു​ട​ക്കം കു​റി​ക്കു​ക​യാ​യി​രു​ന്നു. ര​ണ്ടു വ​ർ​ഷ​മേ അ​ദ്ദേ​ഹ​ത്തി​ന്​ ഈ ​പ​ദ​വി​യി​ൽ ഇ​രി​ക്കാ​നാ​യു​ള്ളൂ. പി​ന്നീ​ട്, ഇം​ഗ്ലീ​ഷ്​ ഫു​ട്​​ബാ​ൾ അ​ധി​കാ​രി​ക​ളി​ൽ ഒ​രാ​ളാ​യ ഡാ​നി​യേ​ൽ ബ​ർ​ലി വൂ​ൾ​ഫാ​ൾ അ​ധ്യ​ക്ഷ​നാ​യി സ്ഥാ​ന​മേ​റ്റ്, യൂ​റേ​പ്പി​ന്​ പു​റ​ത്തു നി​ന്നും അം​ഗ​രാ​ജ്യ​ങ്ങ​ളെ ഫി​ഫ​ക്കു കീ​ഴി​ൽ അ​ണി​നി​ര​ത്തി വി​പ​ലു​പ്പെ​ടു​ത്തു​മ്പോ​ഴേ​ക്കും ഒ​ന്നാം ലോ​ക​യു​ദ്ധം പൊ​ട്ടി​പ്പു​റ​പ്പെ​ട്ടു. 1921 ആ ​പ​ദ​വി​യി​ലെ​ത്തു​ന്ന വ്യ​ക്​​തി​യാ​ണ്​ ലോ​ക​ക​പ്പ്​ ഫു​ട്​​ബാ​ളി​ന്‍റെ ഉ​പ​ഞ്ജാ​താ​വാ​യി അ​റി​യ​പ്പെ​ടു​ന്ന സാ​ക്ഷാ​ൽ യു​ൾ​റി​മെ. എ​ന്നാ​ൽ, 1904ൽ ​​ഫി​ഫ​യു​ടെ രൂ​പ​വ​ത്ക​ര​ണ​ത്തി​ൽ പ​ങ്കാ​ളി​യും ര​ണ്ടാ​മ​ത്തെ സെ​ക്ര​ട്ട​റി ജ​ന​റ​ലും അ​തി​സ​മ്പ​ന്ന​നു​മാ​യ ഹോ​ള​ണ്ടു​കാ​ര​ൻ കോ​ർ​ണി​ലി​യ​സ്​ അ​ഗ​സ്റ്റ​സ്​ വി​ൽ​ഹം ഹി​ർ​ഷ്മാ​ൻ എ​ന്ന ബാ​ങ്ക​റു​ടെ ചി​ന്ത​യി​ലാ​യി​രു​ന്നു ഒ​ളി​മ്പി​ക്സ്​ മാ​തൃ​ക​യി​ൽ ഒ​രു ഫു​ട്​​ബാ​ൾ മേ​ള എ​ന്ന ആ​ശ​യം മൊ​ട്ടി​ടു​ന്ന​ത്. 1906 മു​ത​ൽ 1931 വ​രെ ലോ​ക​ഫു​ട്​​ബാ​ളി​ന്‍റെ കാ​ര്യ​ക്കാ​ര​ൻ എ​ന്ന ചു​മ​ത​ല വി​ൽ​ഹം ഹി​ർ​ഷ്മാ​നാ​യി​രു​ന്നു.

പി​യ​ർ​ഡി കൂ​ബ​ർ​ട്ടി​ൻ ഏ​തു​രീ​തി​യി​ലാ​ണോ ഒ​ളി​മ്പി​ക്സി​നെ പു​ന​രാ​രം​ഭി​ച്ച​ത്, അ​തു​പോ​ലൊ​രു സാ​ഹ​സി​ക​ത​യാ​യി​രു​ന്നു ഹി​ർ​ഷ്മാ​ന്‍റേ​തും. ഫു​ട്​​ബാ​ളി​ന്‍റെ പി​തൃ​ഭൂ​മി​യെ​ന്ന്​ വി​ശേ​ഷി​പ്പി​ക്കു​ന്ന ഇം​ഗ്ല​ണ്ടും അ​​വ​രോ​ട്​ ചേ​ർ​ന്ന അ​യ​ർ​ല​ൻ​ഡും സ്​​കോ​ട്​​ല​ൻ​ഡും പി​ന്തു​ണ​ച്ചാ​ൽ ആ ​സ്വ​പ്നം പൂ​വ​ണി​യു​മെ​ന്നാ​യി​രു​ന്നു ഹി​ർ​ഷ്മാ​ന്‍റെ​യും കൂ​ട്ട​രു​ടെ​യും ധാ​ര​ണ. സാ​ർ​വ​ദേ​ശീ​യ ഫു​ട്​​ബാ​ൾ മ​ത്സ​രം എ​ന്ന ആ​ശ​യ​വു​മാ​യി ക​യ​റി​യെ​ത്തി​യ ഹി​ർ​ഷ്മാ​ൻ നേ​രി​ട്ട​ത്​ പ​രി​ഹാ​സം നി​റ​ഞ്ഞ പ്ര​തി​ക​ര​ണ​ങ്ങ​ൾ.​ അ​ക്കാ​ല​ത്ത്​ ലോ​ക​ത്തെ ഏ​റ്റ​വും വ​ലി​യ ശ​ക്​​തി​യും സൂ​ര്യ​ന​സ്​​ത​മി​ക്കാ​ത്ത സാ​മ്രാ​ജ്യ​ത്തി​ന്‍റെ ഉ​ട​മ​ക​ളു​മാ​യ ഇം​ഗ്ല​ണ്ടി​ന്‍റെ നീ​ര​സ​ത്തോ​ടെ മു​ന്നോ​ട്ടു

പോ​വു​ക​യെ​ന്ന​ത് അ​സാ​ധ്യ​വു​മാ​യി​രു​ന്നു. പ്ര​തീ​ക്ഷി​ച്ച​തു ത​ന്നെ സം​ഭ​വി​ച്ചു. ഇം​ഗ്ല​ണ്ടും, അ​യ​ർ​ല​ൻ​ഡും സ്​​കോ​ട്​​ല​ൻ​ഡും ഉ​ൾ​​പ്പെ​ടെ​യു​ള്ള പ​വ​ർ​ഹൗ​സു​ക​ൾ സാ​ർ​വ​ദേ​ശീ​യ ഫു​ട്​​ബാ​ൾ മേ​ള എ​ന്ന ആ​ശ​യ​ത്തി​ൽ നി​ന്നും പി​ന്തി​രി​ഞ്ഞു. ഇ​തി​നി​ട​യി​ൽ ഒ​ന്നാം ലോ​ക യു​ദ്ധ​മെ​ത്തി. ക​ളി​ക്ക​ള​ങ്ങ​ളെ​ല്ലാം യു​ദ്ധ​ഭൂ​മി​ക​ളാ​യി. സ്​​റ്റേ​ഡി​യ​ങ്ങ​ളും മൈ​താ​ന​ങ്ങ​ളും പീ​ര​ങ്കി​ക​ളും ബോ​ബു​ക​ളും നി​ര​ങ്ങി. പ​ന്തു​ക​ൾ​ക്ക്​ പ​ക​രം മ​നു​ഷ്യ​ന്‍റെ ത​ല​ക​ൾ ഉ​രു​ണ്ടു​തു​ട​ങ്ങി. പി​ന്നെ ലോ​ക​യു​ദ്ധ​മെ​ല്ലാം അ​വ​സാ​നി​ച്ച ശേ​ഷം, ഹി​ർ​ഷ്മാ​ൻ ത​ന്‍റെ പ്ലാ​നു​ക​ൾ വീ​ണ്ടും പൊ​ടി​ത​ട്ടി​യെ​ടു​ത്തു. അ​പ്പോ​ഴേ​ക്കും കൂ​ട്ടാ​യി 1921ൽ ​സ്ഥാ​ന​മേ​റ്റ ഫി​ഫ പ്ര​സി​ഡ​ന്‍റ്​ യു​ൾ റി​മേ​യും എ​ത്തി. എ​ന്ത്​ വി​ല​കൊ​ടു​ത്തും, ലോ​ക​ത്തി​ന്‍റെ ഏ​ത്​ കോ​ണി​ലെ​ങ്കി​ലു​മാ​യി വി​ശ്വ ഫു​ട്​​ബാ​ൾ മേ​ള ന​ട​ത്ത​ണം എ​ന്ന ആ​ശ​യ​ക്കാ​ര​നാ​യി​രു​ന്നു

യു​ൾ​റി​മെ. അ​ങ്ങ​നെ, ഇം​ഗ്ല​ണ്ടി​നെ കൂ​ടി ക​ണ​ക്കാ​ക്കി അ​വ​ർ മ​ന​സ്സി​ലൊ​രു ലോ​ക​ക​പ്പ്​ ​ഗ്രൂ​പ് പ്ര​ഖ്യാ​പി​ച്ചു. കാ​ര്യ​ങ്ങ​ളെ​ല്ലാം മു​ന്നോ​ട്ടു​പോ​വു​മ്പോ​ൾ ഇം​ഗ്ല​ണ്ടും പി​ന്ത​ണ​ക്കു​മെ​ന്നാ​യി​രു​ന്നു ക​ണ​ക്കു കൂ​ട്ട​ൽ. ഒ​ളി​മ്പി​ക്​​സ്​ മാ​തൃ​ക​യി​ൽ​ ലോ​ക​രാ​ജ്യ​ങ്ങ​ളെ പ​​ങ്കെ​ടു​പ്പി​ച്ച്​ പാ​രീ​സി​ൽ ഒ​രു ഫു​ട്​​ബാ​ൾ മേ​ള​യെ​ന്ന ആ​ശ​യം അ​വ​ർ സ​ജീ​വ​മാ​ക്കി. 15 യൂ​റോ​പ്യ​ൻ രാ​ജ്യ​ങ്ങ​ളെ നാ​ല്​ ഗ്രൂ​പ്പു​ക​ളാ​ക്കി തി​രി​ച്ച്​ ഫി​ക്സ്​​ച​റും ഒ​രു​ക്കി. എ​ന്നാ​ൽ, ഒ​രു ഘ​ട്ട​ത്തി​ൽ പോ​ലും അ​നു​കൂ​ല​മാ​യി പ്ര​തി​ക​രി​ക്കാ​ത്ത, ഇം​ഗ്ല​ണ്ടും, അ​വ​രെ പി​ന്തു​ണ​ക്കു​ന്ന രാ​ജ്യ​ങ്ങ​ളു​മൊ​ന്നും ​ക​ളി​ക്കി​ല്ലെ​ന്ന്​ പ്ര​ഖ്യാ​പി​ച്ച​തോ​ടെ ആ​ദ്യ ലോ​ക​ക​പ്പ്​ ഫു​ട്​​ബാ​ൾ എ​ന്ന സ്വ​പ്നം മു​ള​യി​ലേ കൊ​ഴി​ഞ്ഞു​പോ​വു​മെ​ന്നാ​യി. ഫി​ഫ​യു​ടെ നി​ല​നി​ൽ​പ്പു​പോ​ലും ചോ​ദ്യ​ചെ​യ്യ​പ്പെ​ട്ട കാ​ലം.

എ​ന്നാ​ൽ, മു​ന്നോ​ട്ടു​വെ​ച്ച കാ​ലു​ക​ൾ പി​ന്നോ​ട്ടെ​ടു​ക്കാ​ൻ യു​ൾ​റി​മെ​യും ഹി​ർ​ഷ്മാ​നും ത​യാ​റാ​യി​രു​ന്നി​ല്ല. അ​വ​ർ, യൂ​റോ​പ്പി​ന്​ പു​റ​ത്തെ ഫു​ട്​​ബാ​ൾ സാ​ധ്യ​ത​ക​​ളെ കു​റി​ച്ച്​ അ​ന്വേ​ഷ​ണ​മാ​രം​ഭി​ച്ചു.

ഉ​റു​ഗ്വാ​യ്​ ആ​ദ്യ ലോ​ക​ക​പ്പി​ന്​ കി​ക്കോ​ഫ്​

ഇം​ഗ്ല​ണ്ടും, അ​വ​രു​ടെ സൗ​ഹൃ​ദ രാ​ജ്യ​ങ്ങ​ളും ഫു​ട്​​ബാ​ൾ മേ​ള​യെ​ന്ന ആ​ശ​യ​ത്തോ

ട്​ ​പു​റം​തി​രി​ഞ്ഞ​​പ്പോ​ൾ മ​റ്റു​വ​ഴി​ക​ൾ തേ​ടാ​ൻ ഫി​ഫ മേ​ധാ​വി​ക​ൾ നി​ർ​ബ​ന്ധി​ത​രാ​യി. യു​ദ്ധാ​ന​ന്ത​രം യൂ​റോ​പ്പി​ലു​ണ്ടാ​യ സാ​മ്പ​ത്തി​ക മാ​ന്ദ്യ​വും ഇം​ഗ്ലീ​ഷ്​ ടീ​മു​ക​ളു​ടെ പി​ൻ​വാ​ങ്ങ​ലി​ന്​ ഒ​രു കാ​ര​ണ​മാ​യി​രു​ന്നു. ലോ​ക​ക​പ്പ്​ ക​ളി​ച്ച്​ തി​രി​കെ​യെ​ത്തു​മ്പോ​ൾ ത​ങ്ങ​ളു​ടെ ജോ​ലി ന​ഷ്ട​പ്പെ​ടു​മോ​യെ​ന്ന ആ​ശ​ങ്ക സ​ജീ​വ​മാ​യ​തും തി​രി​ച്ച​ടി​യാ​യി.

എ​ന്നാ​ൽ, യൂ​റോ​പ്പി​ൽ സാ​ർ​വ​ദേ​ശീ​യ ഫു​ട്​​ബാ​ൾ മേ​ള ന​ട​ക്കി​ല്ലെ​ന്ന്​ ഉ​റ​പ്പി​ച്ച​തോ​ടെ അ​ക്കാ​ല​ത്ത്​ ഒ​ളി​മ്പി​ക്സ്​ ഫു​ട്​​ബാ​ളി​ൽ കേ​മ​ന്മാ​രാ​യ ലാ​റ്റി​ന​മേ​രി​ക്ക​യി​ലേ​ക്കാ​യി യു​ൾ​റി​മേ-​ഹി​ർ​ഷ്മാ​ൻ ചി​ന്ത​ക​ൾ. 1924 പാ​രി​സ്, 1928 ആം​സ്റ്റ​ർ​ഡാം ഒ​ളി​മ്പി​ക്സി​ൽ ഫു​ട്​​ബാ​ൾ ജേ​താ​ക്ക​ളാ​യി​രു​ന്ന ഉ​റു​ഗ്വാ​യ്​ വേ​ദി​യൊ​രു​ക്കാ​നു​ള്ള സ​ന്ന​ദ്ധ​ത അ​റി​യി​ച്ച്​ രം​ഗ​ത്തെ​തി. ഇ​തോ​ടൊ​പ്പം ത​ന്നെ അ​വ​രെ പ്രേ​രി​പ്പി​ച്ച ഒ​ന്നാ​യി​രു​ന്നു 1924 ഒ​ളി​മ്പി​ക്സ്​ ഫു​ട്​​ബാ​ൾ ഫൈ​ന​ലി​ന്​ സാ​ക്ഷി​യാ​വാ​ൻ 40,000 കാ​ണി​ക​ൾ ഒ​ഴു​കി​യെ​ത്തി​യ അ​നു​ഭ​വ​വും. ഫു​ട്​​ബാ​ൾ ഒ​രു ജ​ന​കീ​യ ഗെ​യി​മാ​ണെ​ന്നും, വ​ലി​യ വി​പ​ണി സാ​ധ്യ​ത​യാ​ണ്​ മു​ന്നി​ലു​ള്ള​തെ​ന്നും തി​രി​ച്ച​റി​യാ​ൻ സാ​മ്പ​ത്തി​ക വി​ദ​ഗ്​​ധ​ൻ കൂ​ടി​യാ​യ ഹി​ർ​ഷ്മാ​ന്​ മ​റ്റൊ​ന്നും വേ​ണ്ടി​യി​രു​ന്നി​ല്ല. ​

ത​ല​സ്ഥാ​ന​മാ​യ​ മോ​ണ്ട​വി​ഡി​യോ ന​ഗ​ര​ത്തെ പ്ര​ഥ​മ ലോ​ക​ക​പ്പ്​ വേ​ദി​യാ​യി തെ​ര​ഞ്ഞെ​ടു​ത്തു. ഇ​തി​നി​ട​യി​ൽ യൂ​റോ​പ്പി​ലും ചി​ല മാ​റ്റ​ങ്ങ​ളു​ണ്ടാ​യി. ഓ​സ്​​ട്രി​യ​ൻ ഫു​ട്​​ബാ​ൾ അ​ധി​പ​ൻ ഡോ. ​ഹ്യൂ​ഗോ മൈ​സ​ൽ യു​ൾ​റി​മേ​ക്ക്​ പി​ന്തു​ണ പ്ര​ഖ്യാ​പി​ച്ചു. ഒ​പ്പാം, ഫ്രാ​ൻ​സ്, ബെ​ൽ​ജി​യം, യൂ​ഗോ​സ്ലാ​വ്യ രാ​ജ​യ​ങ്ങ​ളും സ​ഹ​ക​ര​ണ​മ​റി​യി​ച്ചു. ആ​വേ​ശം കൂ​ടി​യ യു​ൾ​റി​മേ ത​നി ത​ങ്ക​ത്തി​ൽ തീ​ർ​ത്ത ഒ​രു ട്രോ​ഫി ജേ​താ​ക്ക​ൾ​ക്കാ​യി ​ന​ൽ​കാ​മെ​ന്നേ​റ്റ​തോ​ടെ പ്ര​ഥ​മ ലോ​ക​ക​പ്പി​ന്​ എ​ല്ലാ സാ​ധ്യ​ത​യും തെ​ളി​യു​ക​യാ​യി​രു​ന്നു. 1929 ബാ​ഴ്​​സ​ലോ​ണ ഫി​ഫ കോ​ൺ​ഗ്ര​സി​ൽ ആ​ദ്യ ലോ​ക​ക​പ്പി​ന്‍റെ വേ​ദി​യാ​യ മോ​ണ്ടി​വീ​ഡി​യോ ന​ഗ​ര​ത്തെ പ്ര​ഖ്യാ​പി​ച്ചു.

ക​പ്പു​യ​ർ​ത്തി​യ ഉ​റു​ഗ്വാ​യ്​

പ്ര​തി​സ​ന്ധി​ക​ളെ​യെ​ല്ലാം ത​ര​ണം ചെ​യ്ത്​ 13 ടീ​മു​ക​ളു​മാ​യി പ്ര​ഥ​മ ലോ​ക​ക​പ്പി​ന്​ മോ​ണ്ട​വീ​ഡി​യോ ന​ഗ​ര​ത്തി​ലെ മൂ​ന്ന്​ വേ​ദി​ക​ളി​ൽ പ​ന്തു​രു​ണ്ടു. അ​ർ​ജ​ന്‍റീ​ന, ചി​ലി, ഫ്രാ​ൻ​സ്, മെ​ക്സി​കോ എ​ന്നി​വ​ർ ഗ്രൂ​പ്​ ഒ​ന്നി​ൽ. യൂ​ഗോ, ബ്ര​സീ​ൽ, ബൊ​ളീ​വി​യ ര​ണ്ടി​ലും, ഉ​​റു​ഗ്വാ​യ്, റു​മേ​നി​യ, പെ​റു ടീ​മു​ക​ൾ മൂ​ന്നി​ലും, അ​മേ​രി​ക്ക, പ​ര​ഗ്വേ, ബെ​ൽ​ജി​യം ടീ​മു​ക​ൾ നാ​ലി​ലു​മാ​യി മ​ത്സ​രി​ച്ചു. ഓ​രോ ഗ്രൂ​പ്പി​ലെ​യും വി​ജ​യി​ക​ൾ സെ​മി​യി​ലെ​ത്തി. ഒ​ന്നാം സെ​മി​യി​ൽ അ​ർ​ജ​ന്‍റീ​ന 6-1ന്​ ​അ​മേ​രി​ക്ക​യെ​യും, ര​ണ്ടാം സെ​മി​യി​ൽ ഉ​റു​ഗ്വാ​യ്​ 6-1ന്​ ​യൂ​ഗോ​യെ​യും തോ​ൽ​പി​ച്ചു. ഫൈ​ന​ലി​ൽ ലാ​പ്ലാ​റ്റ ന​ദി ക​ട​ന്ന്​ ഒ​ഴു​കി​യെ​ത്തി​യ അ​ർ​ജ​ന്‍റീ​ന ആ​രാ​ധ​ക​ർ​ക്ക്​ മു​ന്നി​ൽ നി​റ​ഞ്ഞു ക​ളി​ച്ച ഉ​റു​ഗ്വാ​യ്​ പ്ര​ഥ​മ കി​രീ​ടം ചൂ​ടി.

ടീ​മു​ക​ൾ​ക്കാ​യി പെ​ടാ​പാ​ട്​

രാ​ജ്യ​ങ്ങ​ളും ഭൂ​ഖ​ണ്ഡ​ങ്ങ​ളും ക​ട​ന്ന്​ തെ​ക്ക​ന​മേ​രി​ക്ക​യി​ലെ ഉ​റു​ഗ്വാ​യി​ൽ ലോ​ക​ക​പ്പ്​ ഫു​ട്​​ബാ​ൾ ന​ട​ക്കു​മ്പോ​ൾ യൂ​റോ​പ്യ​ൻ ടീ​മു​ക​ളെ പ​​ങ്കെ​ടു​പ്പി​ക്ക​ലാ​യി​രു​ന്നു വ​ലി​യ വെ​ല്ലു​വി​ളി. അ​തി​നാ​യി പ​ല വാ​ഗ്ദാ​ന​ങ്ങ​ളും ഇ​ട​പെ​ട​ലു​ക​ളും ത​ന്നെ ഫി​ഫ പ്ര​സി​ഡ​ന്‍റ്​​ യു​ൾ​റി​മെ ന​ട​ത്തേ​ണ്ടി​വ​ന്നു. ഇം​ഗ്ല​ണ്ട്, ഇ​റ്റ​ലി, സ്​​പെ​യി​ൻ, ജ​ർ​മ​നി, ഹോ​ണ്ട്​ ടീ​മു​ക​ൾ പ​​ങ്കെ​ടു​ക്കി​ല്ലെ​ന്ന്​ പ്ര​ഖ്യാ​പി​ച്ച​തോ​ടെ മ​റ്റു ടീ​മു​ക​ൾ​ക്കു പി​ന്നാ​ലെ​യാ​യി അ​ദ്ദേ​ഹ​ത്തി​ന്‍റെ ചി​ന്ത​ക​ൾ. അ​ർ​ധ​സ​മ്മ​ത​ത്തി​നി​ട​യി​ലും സാ​മ്പ​ത്തി​ക പ​രാ​ധീ​ന​ത ഉ​ന്ന​യി​ച്ച്​ പി​ന്മാ​റാ​ൻ ഒ​രു​ങ്ങി​യ​വ​രോ​ട്, യാ​ത്രാ​െ​ചി​ല​വ്​ ന​ൽ​കാ​മെ​ന്ന വാ​ഗ്ദാ​ന​വു​മാ​യി ആ​തി​ഥേ​യ​രാ​യ ഉ​റു​ഗ്വാ​യ്​ രം​ഗ​ത്തെ​ത്തി. ബെ​ൽ​ജി​യം, ഫ്രാ​ൻ​സ്, റു​മേ​നി​യ, യൂ​ഗോ​സ്ലാ​വ്യ ടീ​മു​ക​ളെ ആ​തി​ഥേ​യ​ർ യാ​ത്രാ ചി​ല​വ്​ വ​ഹി​ച്ച്​ ടൂ​ർ​ണ​മെ​ന്‍റി​ൽ പ​​ങ്കെ​ടു​പ്പി​ക്കാ​ൻ ത​യാ​റാ​യി. ലോ​ക​ക​പ്പി​ന്​ പി​ന്തു​ണ പ്ര​ഖ്യാ​പി​ച്ച റു​മേ​നി​യ​ൻ രാ​ജാ​വ്​ ക​രോ​ൾ ഒ​രു​പ​ടി കൂ​ടി ക​ട​ന്ന്​ ഇ​ട​പെ​ട്ടു. ടീം ​അം​ഗ​ങ്ങ​ൾ​ക്ക്​ ജോ​ലി​യി​ൽ നി​ന്നും മൂ​ന്ന്​ മാ​സം അ​വ​ധി ന​ൽ​കി​യും, തി​രി​കെ​ വ​രു​മ്പോ​ൾ ജോ​ലി ഉ​റ​പ്പു ന​ൽ​കി​യു​മാ​ണ്​ അ​ദ്ദേ​ഹം ലോ​ക​ക​പ്പ്​ ടീ​മി​നെ യാ​ത്ര​യാ​ക്കി​യ​ത്.

ഒ​രു ബോ​ട്ടി​ലേ​റി പോ​യ നാ​ല്​ ടീ​മു​ക​ൾ

ഇ​ന്ന്​ ഇ​തെ​ല്ലാം ഒ​രു ക​ട​ങ്ക​ഥ​പോ​ലെ തോ​ന്നും. ചാ​ർ​ട്ട​ർ ചെ​യ്ത വി​മാ​ന​ത്തി​ൽ, താ​ര​ത്തി​ള​ക്ക​ത്തോ​ടെ ടീ​മു​ക​ൾ സ​ഞ്ച​രി​ക്കു​മ്പോ​ൾ 1930ൽ ​യൂ​റോ​പ്പി​ൽ​നി​ന്നു​ള്ള നാ​ലു​ടീ​മു​ക​ളു​ടെ യാ​​ത്ര ഒ​രു ബോ​ട്ടി​ലേ​റി​യാ​യി​രു​ന്നു. ആ​ഴ്ച​യി​ലേ​റെ എ​ടു​ത്ത ക​ട​ൽ യാ​ത്ര​ക്കൊ​ടു​വി​ലാ​യി​രു​ന്നു അ​വ​ർ വേ​ദി​യാ​യ മോ​ണ്ട​വീ​ഡി​യോ​യി​ലെ​ത്തി​യ​ത്.

സ്​​കോ​ട്​​ല​ൻ​ഡ്​ അ​മേ​രി​ക്ക​യാ​യി

ടൂ​ർ​ണ​മെ​ന്‍റി​ന്‍റെ ഉ​ദ്​​ഘാ​ട​ന മ​ത്സ​ര​ത്തി​ൽ അ​മേ​രി​ക്ക ബെ​ൽ​ജി​യ​ത്തെ തോ​ൽ​പി​ക്കു​ന്നു. അ​മേ​രി​ക്ക​യു​ടെ ക​രു​ത്ത​റി​യി​ക്കു​ന്ന മ​ത്സ​ര ഫ​ലം. എ​ന്നാ​ൽ, പി​ന്നീ​ടാ​ണ​റി​യു​ന്ന​ത്​ അ​മേ​രി​ക്ക​ൻ ടീം ​നി​റ​യെ യൂ​റോ​പ്യ​ൻ താ​ര​ങ്ങ​ളാ​യി​രു​ന്നു​വെ​ന്ന ക​ഥ. ലോ​ക​ക​പ്പി​ൽ പ​​ങ്കെ​ടു​ക്കാ​ൻ താ​ൽ​പ​ര്യ​മു​ണ്ടാ​യി​രു​ന്ന ടീ​മാ​യി​രു​ന്നു സ്​​കോ​ട്​​ല​ൻ​ഡ്. എ​ന്നാ​ൽ, ഇം​ഗ്ല​ണ്ടി​ന്‍റെ ഇ​ട​പെ​ട​ൽ അ​വ​രെ പി​ന്തി​രി​പ്പി​ച്ചു. അ​തേ​സ​മ​യം, ലോ​ക​ക​പ്പി​ൽ ക​ളി​ക്കാ​ൻ തീ​രു​മാ​നി​ച്ച അ​മേ​രി​ക്ക​യാ​വ​ട്ടെ ത​ങ്ങ​ളു​ടെ സ്​​കോ​ട്ടി​ഷ്​ സ്വാ​ധീ​നം ഉ​പ​യോ​ഗി​ച്ച്​ രാ​ത്രി​യോ​ട്​ രാ​ത്രി സ്​​കോ​ട്ടി​ഷ്​ ടീ​മി​ന്​ ഒ​ന്ന​ട​ങ്കം പൗ​ര​ത്വം ന​ൽ​കി ത​ങ്ങ​ളു​ടെ ടീ​മാ​ക്കി മാ​റ്റി. ഇ​ങ്ങ​നെ മ​റ്റൊ​രു ക​ഥ​കൂ​ടി​യു​ണ്ട്​ പ്ര​ഥ​മ ലോ​ക​ക​പ്പി​ൽ. ആ​റു​ പേ​രു​മാ​യി ഉ​റു​ഗ്വാ​യി​ലെ​ത്തി​യ യൂ​ഗോ​സ്ലാ​വ്യ​ക്ക്​ ക​ള​ത്തി​ലി​റ​ങ്ങാ​ൻ ആ​ളി​ല്ല. ഇ​ത​റി​ഞ്ഞ യു​ൾ​റി​മെ ഫ്രാ​ൻ​സി​ലെ​ത്തി അ​വി​ടെ ക​ളി​ച്ചി​രു​ന്ന ഏ​താ​നും യൂ​ഗോ താ​ര​ങ്ങ​ളെ ത​പ്പി​പ്പി​ടി​ച്ച്​ ഉ​റു​ഗ്വാ​യി​ലെ​ത്തി യു​ഗോ ഫു​ൾ​ടീ​മാ​ക്കി മാ​റ്റി​യെ​ന്നാ​ണ്​ ഈ ​ക​ഥ.

ഇം​ഗ്ലീ​ഷു​കാ​ർ അ​വ​ഗ​ണി​ച്ച ലോ​ക​ക​പ്പ്​

ജ​ന​ല​ക്ഷ​ങ്ങ​ൾ ഒ​ഴു​കി​യെ​ത്തി​യും, തെ​ക്ക​ന​മേ​രി​ക്ക​യി​ൽ ആ​രാ​ധ​ക​ർ ത​മ്മി​ലെ ഏ​റ്റു​മു​ട്ട​ലും ക​ഴി​ഞ്ഞ ലോ​ക​ക​പ്പ്​ പ​ക്ഷേ, യൂ​റോ​പ്പ്​ ത​മ​സ്ക​രി​ച്ചു. 'ലാ​റ്റി​ന​മേ​രി​ക്ക​ൻ ലോ​ക​ക​പ്പ്​ ഉ​റു​ഗ്വാ​യ്​ ജ​യി​ച്ചു' എ​ന്നാ​യി​രു​ന്നു ഇം​ഗ്ലീ​ഷ്​ പ​ത്ര​ങ്ങ​ൾ ത​ല​വാ​ച​ക​മെ​ഴു​തി​യ​ത്.

'ലോ​ക​ക​പ്പ്​ എ​ന്ന്​ വി​ളി​ക്ക​പ്പെ​ടു​ന്ന ടൂ​ർ​ണ​മെ​ന്‍റ്​' ആ​യി ദി ​ടൈം​സ്​ ഓ​ഫ്​ ല​ണ്ട​ന്‍റെ ത​ല​ക്കെ​ട്ട്. എ​ങ്കി​ലും ലോ​ക​ക​പ്പി​ന്‍റെ വി​ജ​യം യൂ​റോ​പ്പി​ലെ​യും ലാ​റ്റി​ന​മേ​രി​ക്ക​യി​ലെ​യും കാ​ണി​ക​ളെ ഉ​ണ​ർ​ത്താ​നു​ള്ള ഒ​ന്നാ​യി മാ​റി.

ഒരു ഫൈനൽ, രണ്ട്​ പന്തുകൾ

ഫൈനലിന്​ ഇറങ്ങും മുമ്പേ ഏത്​ പന്ത്​ ഉപയോഗിക്കുമെന്നതായിരുന്നു തർക്കം. ഔദ്യോ

ഗിക പന്തുകളില്ലാത്തതിനാൽ ഓരോ ടീമും തങ്ങൾ കളിച്ചുവന്ന പന്തിലും ഭാഗ്യമുണ്ടെന്ന്

വിശ്വസിച്ചു. അർജന്‍റീനയും ഉറുഗ്വായും ഏറ്റുമുട്ടിയ ഫൈനലിൽ ഇരു ടീമുകൾക്കും തങ്ങളുടെ പന്ത്​ മതിയെന്നായി വാദം. ഒടുവിൽ ഒരു പരിഹാരം കണ്ടെത്തി. ഇരു പകുതികളിലുമായി രണ്ടുപന്തുകൾ ഉപയോഗിക്കാമെന്നായി. അങ്ങനെ ആദ്യ പകുതിയിൽ അർജന്‍റീനക്കാരുടെ 12 പാനൽ ടി മോഡൽ തുകൽ പന്ത്​ ഉപയോഗിച്ച്​ കളിതുടങ്ങി. 2-1ന്​ അർജന്‍റീന ലീഡ്​ നേടിയ ഒന്നാം പകുതി. രണ്ടാം പകുതിയിൽ ഉറുഗ്വായുടെ പന്ത്​ കളത്തിലെത്തിയപ്പോൾ 'ഭാഗ്യം' അവർക്കൊപ്പമായി. 4-2ന്‍റെ ജയത്തോടെ ഉറുഗ്വായ്​ കിരീടമണിഞ്ഞു.