ഇ​ന്ധ​ന​വി​ല പു​തു​ക്കി; പെ​ട്രോ​ൾ, ഡീ​സ​ൽ വി​ല കൂ​ടി

ദു​ബൈ: യു.​എ.​ഇ​യി​ൽ ആ​ഗ​സ്റ്റ്​ മാ​സ​ത്തി​ലെ പു​തു​ക്കി​യ ഇ​ന്ധ​ന​വി​ല പ്ര​ഖ്യാ​പി​ച്ചു. ജൂ​ലൈ മാ​സ​ത്തെ അ​പേ​ക്ഷി​ച്ച്​ പെ​ട്രോ​ളി​നും ഡീ​സ​ലി​നും വി​ല വ​ർ​ധി​ച്ചു. സൂ​പ്പ​ർ 98 പെ​ട്രോ​ൾ ലി​റ്റ​റി​ന്​ ആ​റ്​ ഫി​ൽ​സും സ്​​പെ​ഷ​ൽ 95 പെ​ട്രോ​ളി​ന്​ അ​ഞ്ച്​ ഫി​ൽ​സും ഇ​പ്ല​സ്​ 91ന്​ ​ആ​റ്​ ഫി​ൽ​സു​മാ​ണ്​ കൂ​ടി​യ​ത്.

ഡീ​സ​ലി​ന്​ ആ​റ്​ ഫി​ൽ​സും കൂ​ടി. ആ​ഗ​സ്റ്റി​ൽ സൂ​പ്പ​ർ 98 പെ​ട്രോ​ളി​ന്​ 2.99 ദി​ർ​ഹ​മി​ൽ നി​ന്ന്​ 3.05 ദി​ർ​ഹ​മാ​കു​മ്പോ​ൾ സ്​​പെ​ഷ​ൽ 95 പെ​ട്രോ​ൾ വി​ല 2.88 ദി​ർ​ഹ​മി​ൽ നി​ന്ന്​ 2.93 ദി​ർ​ഹ​മാ​യും ഇ​പ്ല​സ്​ 91ന്​ 2.80​ൽ നി​ന്ന്​ 2.86 ദി​ർ​ഹ​മാ​യും വ​ർ​ധി​ക്കും. ഡീ​സ​ൽ വി​ല​ 2.80ൽ ​നി​ന്ന്​ 2.95 ആ​യും വ​ർ​ധി​ക്കും.

ആ​ഗോ​ള ത​ല​ത്തി​ൽ ക്രൂ​ഡ്​ ഓ​യി​ൽ വി​ല​യെ അ​ടി​സ്ഥാ​ന​മാ​ക്കി​യാ​ണ്​ വി​ല നി​ർ​ണ​യ സ​മി​തി രാ​ജ്യ​ത്ത്​ വി​ല പു​തു​ക്കി നി​ശ്ച​യി​ക്കു​ന്ന​ത്. ക​ഴി​ഞ്ഞ ര​ണ്ട്​ മാ​സം തു​ട​ർ​ച്ച​യാ​യി ഇ​ന്ധ​ന വി​ല കു​റ​വാ​യി​രു​ന്നു. അ​തേ​സ​മ​യം, വി​ല വ​ർ​ധ​ന​ക്ക് ആ​നു​പാ​തി​ക​മാ​യി യു.​എ.​ഇ​യി​ലെ ടാ​ക്സി നി​ര​ക്കു​ക​ളി​ലും മാ​റ്റം വ​രും.

അ​ജ്മാ​ൻ എ​മി​റേ​റ്റി​ലെ ഗ​താ​ഗ​ത വ​കു​പ്പാ​യ അ​ജ്മാ​ൻ ട്രാ​ൻ​സ്‌​പോ​ർ​ട്ട് അ​തോ​റി​റ്റി ഇ​തി​ന​കം ടാ​ക്സി നി​ര​ക്കു​ക​ൾ വ​ർ​ധി​പ്പി​ച്ച​താ​യി പ്ര​ഖ്യാ​പി​ച്ചി​ട്ടു​ണ്ട്. ഓ​രോ കി​ലോ​മീ​റ്റ​റി​നും 1.83 ദി​ർ​ഹം ഈ​ടാ​ക്കു​മെ​ന്നാ​ണ്​ അ​തോ​റി​റ്റി അ​റി​യി​ച്ചി​ട്ടു​ള്ള​ത്. ജൂ​ലൈ​യി​ൽ കി​ലോ​മീ​റ്റ​റി​ന്​ 1.82 ദി​ർ​ഹ​മാ​യി​രു​ന്നു നി​ര​ക്ക്. നി​ല​വി​ലെ നി​ര​ക്കി​ല്‍ നി​ന്നും ഒ​രു ഫി​ൽ​സാ​ണ്​ ആ​ഗ​സ്റ്റി​ൽ അ​ധി​കം.