ഭാ​വി സ​മ്പ​ദ് വ്യ​വ​സ്ഥ: ആ​ഗോ​ള ഉ​ച്ച​കോ​ടി റാ​സ​ല്‍ഖൈ​മ​യി​ല്‍

റാ​സ​ല്‍ഖൈ​മ: നാ​ലാ​മ​ത് ‘ഗ്ലോ​ബ​ല്‍ സി​റ്റി​സ​ണ്‍ ഫോ​റം വാ​ർ​ഷി​ക ഉ​ച്ച​കോ​ടി 2024’ ഡി​സം​ബ​ര്‍ ആ​ദ്യ​വാ​രം റാ​സ​ല്‍ഖൈ​മ​യി​ല്‍ ന​ട​ക്കു​മെ​ന്ന് ബ​ന്ധ​പ്പെ​ട്ട​വ​ര്‍ അ​റി​യി​ച്ചു. ‘ഫ്യൂ​ച്ച​ര്‍ ഓ​ഫ് വെ​ല്‍ത്ത്’ മു​ഖ്യ വി​ഷ​യ​മാ​യി ധ​ന സ​മ്പാ​ദ​നം, കൈ​കാ​ര്യ​ക​ര്‍തൃ​ത്വം തു​ട​ങ്ങി​യ പ​ഠ​ന​ങ്ങ​ള്‍ അ​വ​ത​രി​പ്പി​ക്ക​പ്പെ​ടു​ന്ന ആ​ഗോ​ള ഉ​ച്ച​കോ​ടി ഡി​സം​ബ​ര്‍ നാ​ല്, അ​ഞ്ച് തീ​യ​തി​ക​ളി​ല്‍ ഇ​ന്‍റ​ര്‍കോ​ണ്ടി​നെ​ന്‍റ​ല്‍ റാ​സ​ല്‍ഖൈ​മ മി​ന അ​ല്‍ അ​റ​ബ് റി​സോ​ര്‍ട്ട് ആ​ൻ​ഡ് സ്പാ​യി​ലാ​ണ് ന​ട​ക്കു​ക.

റാ​ക് ടൂ​റി​സം ഡെ​വ​ല​പ്മെ​ന്‍റ് അ​തോ​റി​റ്റി (ടി.​ഡി.​എ) -പ്രെ​സ്റ്റ​ല്‍ ആ​ൻ​ഡ്​ പാ​ര്‍ട്ണ​ര്‍ സം​യു​ക്ത സ​ഹ​ക​ര​ണ​ത്തി​ല്‍ ന​ട​ക്കു​ന്ന ഗ്ലോ​ബ​ല്‍ സ​മ്മി​റ്റി​ല്‍ ഭ​ര​ണം, സു​സ്ഥി​ര​ത തു​ട​ങ്ങി​യ വി​ഷ​യ​ങ്ങ​ളും ച​ര്‍ച്ച​യാ​കും.

ലോ​ക​ത​ല​ത്തി​ലു​ള്ള പ്ര​തി​ഭാ​ധ​ന​ര്‍, വ്യ​വ​സാ​യ പ്ര​മു​ഖ​ര്‍, ലോ​ക പ്ര​ശ​സ്ത ന​യ​രൂ​പ​ക​ര്‍ത്താ​ക്ക​ള്‍ തു​ട​ങ്ങി​യ​വ​ര്‍ ഒ​രു കു​ട​ക്കീ​ഴി​ല്‍ അ​ണി​നി​ര​ക്കു​ന്ന​താ​കും ഉ​ച്ച​കോ​ടി​യെ​ന്ന് സം​ഘാ​ട​ക​ര്‍ പ​റ​ഞ്ഞു. ആ​ധു​നി​ക യു​ഗ​ത്തി​ലെ സാ​മ്പ​ത്തി​ക മാ​നേ​ജ്മെ​ന്‍റ് ന​യം, സാ​മ്പ​ത്തി​ക മേ​ഖ​ല​യി​ലെ നൂ​ത​ന മാ​ര്‍ഗ​ങ്ങ​ള്‍, ആ​ഗോ​ള പൗ​ര​ത്വം തു​ട​ങ്ങി​യ​വ​യും ഫോ​റ​ത്തി​ല്‍ വി​ഷ​യീ​ഭ​വി​ക്കും.

ആ​ഗോ​ള ഹ​ബ് എ​ന്ന നി​ല​യി​ല്‍ റാ​സ​ല്‍ഖൈ​മ​യു​ടെ വ​ര്‍ധി​ച്ചു​വ​രു​ന്ന പ്രാ​ധാ​ന്യം എ​ടു​ത്തു​കാ​ട്ടു​ന്ന​താ​കും ആ​ഗോ​ള പൗ​ര​ന്മാ​രു​ടെ ഒ​ത്തു​ചേ​ര​ലെ​ന്ന് റാ​ക് ടി.​ഡി.​എ വൃ​ത്ത​ങ്ങ​ള്‍ പ​റ​ഞ്ഞു. ആ​ഗോ​ള​ത​ല​ത്തി​ലു​ള്ള ഈ​വ​ന്‍റു​ക​ളു​ടെ നി​യ​ന്ത്ര​ണ​ത്തി​നും സം​രം​ഭ​ക​രു​ടെ സു​സ്ഥി​ര വ​ള​ര്‍ച്ച​ക്കും പോ​ര്‍ട്ട്ഫോ​ളി​യോ മാ​നേ​ജ്മെ​ന്‍റി​നാ​യു​ള്ള ആ​ശ​യ​ങ്ങ​ള്‍ രൂ​പ​പ്പെ​ടു​ത്തു​ന്ന മു​ന്‍ നി​ര ഫോ​റ​മാ​ണ് പ്രെ​സ്റ്റ​ല്‍ ആ​ൻ​ഡ്​ പാ​ര്‍ട്ണ​ര്‍.

സ​ർ​വ​രെ​യും ഉ​ള്‍ക്കൊ​ള്ളു​ന്ന സു​സ്ഥി​ര​മാ​യ ഒ​രു ലോ​കം സൃ​ഷ്ടി​ക്കു​ക​യെ​ന്ന ‘ഗ്ലോ​ബ​ല്‍ സി​റ്റി​സ​ണ്‍ ഫോ​റ’​ത്തി​ന്‍റെ കാ​ഴ്ച്ച​പ്പാ​ടെ​ന്ന് സ്ഥാ​പ​ക​നും ചെ​യ​ര്‍മാ​നു​മാ​യ അ​ര്‍മാ​ന്‍ഡ് ആ​ര്‍ട്ട​ണ്‍ അ​ഭി​പ്രാ​യ​പ്പെ​ട്ടു.

ത​ല​മു​റ​ക​ളു​ടെ സ​മ്പ​ത്ത് ആ​സൂ​ത്ര​ണം, വൈ​വി​ധ്യ​മാ​ര്‍ന്ന അ​വ​സ​ര​ങ്ങ​ളി​ലേ​ക്കു​ള്ള പ്ര​വേ​ശ​നം, അ​പ​ക​ട സാ​ധ്യ​ത​ക​ളു​ടെ ല​ഘൂ​ക​ര​ണം, അ​തി​ര്‍ത്തി​ക്ക​പ്പു​റ​ത്തു​ള്ള സ​മ്പ​ദ് സം​ര​ക്ഷ​ണം തു​ട​ങ്ങി​യ​വ ഉ​റ​പ്പാ​ക്കു​ന്ന​തി​ന് ആ​ഗോ​ള മൊ​ബി​ലി​റ്റി നി​ര്‍ണാ​യ​ക​മാ​ണെ​ന്ന് പ്രെ​സ്റ്റ​ല്‍ ആ​ൻ​ഡ് പാ​ര്‍ട്ണ​ര്‍ സ്ഥാ​പ​ക പ​ങ്കാ​ളി ക​ട്ജ മു​ല്‍ഹൈം പ​റ​ഞ്ഞു.

0യു.​എ.​ഇ സു​പ്രീം കൗ​ണ്‍സി​ല്‍ അം​ഗ​വും റാ​സ​ല്‍ഖൈ​മ ഭ​ര​ണാ​ധി​പ​നു​മാ​യ ശൈ​ഖ് സ​ഊ​ദ് ബി​ന്‍ സ​ഖ​ര്‍ ആ​ല്‍ ഖാ​സി​മി​യു​ടെ മു​ഖ്യ ര​ക്ഷാ​ക​ര്‍തൃ​ത്വ​ത്തി​ലാ​ണ് റാ​സ​ല്‍ഖൈ​മ​യി​ല്‍ ‘ഗ്ലോ​ബ​ല്‍ സി​റ്റി​സ​ണ്‍ ഫോ​റം ആ​ന്വ​ല്‍ സ​മ്മി​റ്റ് 2024 ന​ട​ക്കു​ന്ന​ത്.