ദു​ബൈ വി​മാ​ന​ത്താ​വ​ള​ത്തി​ലെ സേ​വ​ന​ങ്ങ​ൾ വി​ല​യി​രു​ത്തി ജി.​ഡി.​ആ​ർ.​എ​ഫ്.​എ

ദു​ബൈ: ബ​ലി​പെ​രു​ന്നാ​ളി​ന്‍റെ ആ​ദ്യ ദി​ന​ത്തി​ൽ യാ​ത്ര​ക്കാ​ർ​ക്ക് ല​ഭി​ക്കേ​ണ്ട സേ​വ​നം ഉ​റ​പ്പാ​ക്കാ​നും ഈ​ദ് ആ​ശം​സ​ക​ൾ നേ​രാ​നും ദു​ബൈ വി​മാ​ന​ത്താ​വ​ള​ത്തി​ൽ ഉ​ന്ന​ത ഉ​ദ്യോ​ഗ​സ്ഥ​ർ സ​ന്ദ​ർ​ശ​നം ന​ട​ത്തി.

ജി.​ഡി.​ആ​ർ.​എ​ഫ്.​എ ദു​ബൈ ഡ​യ​റ​ക്ട​ർ ജ​ന​റ​ൽ, ല​ഫ്റ്റ​ന​ന്‍റ്​ ജ​ന​റ​ൽ മു​ഹ​മ്മ​ദ് അ​ഹ്മ​ദ് അ​ൽ മ​ർ​റി, അ​സി. ഡ​യ​റ​ക്ട​ർ മേ​ജ​ർ ജ​ന​റ​ൽ ഉ​ബൈ​ദ് മു​ഹൈ​ർ ബി​ൻ സു​റൂ​ർ എ​ന്നി​വ​ര​ട​ക്ക​മു​ള്ള ഉ​ന്ന​ത ഉ​ദ്യോ​ഗ​സ്ഥ​രാ​ണ് വി​മാ​ന​ത്താ​വ​ള​ത്തി​ൽ സ​ന്ദ​ർ​ശ​നം ന​ട​ത്തി​യ​ത്.

ഈ​ദ് കാ​ല​ത്ത് സ​ഞ്ചാ​രി​ക​ൾ​ക്ക് സ​ന്തോ​ഷ​ക​ര​മാ​യ അ​നു​ഭ​വം ഉ​റ​പ്പാ​ക്കു​ന്ന​തി​ന്‍റെ ഭാ​ഗ​മാ​യാ​ണ്​ സ​ന്ദ​ർ​ശ​നം.

ദു​ബൈ​യു​ടെ പ്ര​ശ​സ്തി നി​ല​നി​ർ​ത്തു​ന്ന​തി​നും ലോ​ക​മെ​മ്പാ​ടു​മു​ള്ള യാ​ത്ര​ക്കാ​ർ​ക്ക് മി​ക​ച്ച യാ​ത്രാ​സൗ​ക​ര്യ​ങ്ങ​ൾ ന​ൽ​കു​ന്ന​തി​നും വേ​ണ്ടി ജി.​ഡി.​ആ​ർ.​എ​ഫ്.​എ മി​ക​ച്ച സൗ​ക​ര്യ​ങ്ങ​ളാ​ണ്​ ഒ​രു​ക്കി​യി​ട്ടു​ള്ള​ത്.

വി​മാ​ന​ത്താ​വ​ള​ത്തി​ലെ പ്ര​വ​ർ​ത്ത​ന​ങ്ങ​ൾ ഉ​ദ്യോ​ഗ​സ്ഥ​ർ ശ്ര​ദ്ധാ​പൂ​ർ​വം പ​രി​ശോ​ധി​ച്ചു. അ​വ​ധി ദി​വ​സ​ത്തി​ലും യാ​ത്ര​ക്കാ​ർ​ക്ക് വേ​ഗ​ത്തി​ലും സു​ഗ​മ​മാ​യും യാ​ത്ര ചെ​യ്യാ​ൻ സേ​വ​നം ചെ​യ്യു​ന്ന ഉ​ദ്യോ​ഗ​സ്ഥ​രു​ടെ മി​ക​വി​നെ പ്ര​ത്യേ​കം ല​ഫ്റ്റ​ന​ന്‍റ്​ ജ​ന​റ​ൽ അ​ഭി​ന​ന്ദി​ച്ചു.

അ​വ​ർ​ക്ക് ഈ​ദ് ആ​ശം​സ​ക​ളും നേ​ർ​ന്നു. നാ​ലു മു​ത​ൽ 12 വ​യ​സ്സ് വ​രെ​യു​ള്ള കു​ട്ടി​ക​ൾ​ക്കാ​യി 2023 ഏ​പ്രി​ലി​ൽ തു​ട​ങ്ങി​യ ‘കി​ഡ്സ് പാ​സ്പോ​ർ​ട്ട് പ്ലാ​റ്റ്‌​ഫോം’, സ്മാ​ർ​ട്ട് ഗേ​റ്റു​ക​ൾ, സ്മാ​ർ​ട്ട് ട്രാ​ക്ക് തു​ട​ങ്ങി​യ വി​മാ​ന​ത്താ​വ​ള​ത്തി​ലെ സൗ​ക​ര്യ​ങ്ങ​ളും ഉ​ദ്യോ​ഗ​സ്ഥ സം​ഘം സ​ന്ദ​ർ​ശി​ച്ചു.

ഈ ​സേ​വ​ന​ങ്ങ​ൾ യാ​ത്ര​ക്കാ​ർ​ക്ക് തൃ​പ്തി നി​റ​ഞ്ഞ സ​ർ​വി​സ് ല​ഭ്യ​മാ​ക്കു​ക​യും യാ​ത്ര കൂ​ടു​ത​ൽ ആ​സ്വാ​ദ്യ​ക​ര​മാ​ക്കു​ക​യും ചെ​യ്യു​ന്നു​വെ​ന്ന് അ​ൽ മ​ർ​റി പ​റ​ഞ്ഞു.

യാ​ത്ര​ക്കാ​ർ​ക്ക് സു​ര​ക്ഷി​ത​വും സൗ​ക​ര്യ​പ്ര​ദ​വു​മാ​യ യാ​ത്രാ​നു​ഭ​വം ന​ൽ​കാ​ൻ ദു​ബൈ എ​പ്പോ​ഴും പ്ര​തി​ജ്ഞാ​ബ​ദ്ധ​മാ​ണെ​ന്ന് അ​ദ്ദേ​ഹം വ്യ​ക്ത​മാ​ക്കി. സം​ഘം യാ​ത്ര​ക്കാ​രെ അ​ഭി​വാ​ദ്യം ചെ​യ്യു​ക​യും അ​വ​ർ​ക്ക് ഈ​ദ് ആ​ശം​സ​ക​ൾ നേ​രു​ക​യും ചെ​യ്തു.