പൊതുമാപ്പ് കേന്ദ്രങ്ങളിൽ മികച്ച സുരക്ഷയൊരുക്കി ജി.ഡി.ആർ.എഫ്.എ

ദു​ബൈ: പൊ​തു​മാ​പ്പ് സേ​വ​ന കേ​ന്ദ്ര​ത്തി​ൽ അ​തീ​വ സു​ര​ക്ഷാ സൗ​ക​ര്യ​ങ്ങ​ളും അ​ടി​യ​ന്ത​ര സേ​വ​ന​ങ്ങ​ളും ഉ​റ​പ്പാ​ക്കി​യി​ട്ടു​ണ്ടെ​ന്ന്​ ദു​ബൈ ജ​ന​റ​ൽ ഡ​യ​റ​ക്ട​റേ​റ്റ് ഓ​ഫ് റെ​സി​ഡ​ൻ​സി ആ​ൻ​ഡ് ഫോ​റി​നേ​ഴ്സ് അ​ഫ​യേ​ഴ്സ് (ജി.​ഡി.​ആ​ർ.​എ​ഫ്.​എ) അ​റി​യി​ച്ചു.

എ​ല്ലാ​വ​ർ​ക്കും സു​ര​ക്ഷി​ത​വും സു​സ്ഥി​ര​വു​മാ​യ ഒ​രു സാ​ഹ​ച​ര്യം ഒ​രു​ക്കു​ന്ന​തി​ന്‍റെ ഭാ​ഗ​മാ​യാ​ണ്​ പൊ​തു​മാ​പ്പ് നീ​ട്ടി​യ​ത്. ഈ ​മാ​നു​ഷി​ക സം​രം​ഭം വി​ജ​യി​പ്പി​ക്കു​ന്ന​തി​ൽ ക​മ്യൂ​ണി​റ്റി സു​ര​ക്ഷ പ്ര​ധാ​ന​മാ​ണ്. അ​തി​നാ​യി സേ​വ​ന കേ​ന്ദ്ര​ങ്ങ​ൾ സു​ര​ക്ഷി​ത​മാ​ക്കു​ന്ന​തി​ന്​ സാ​ധ്യ​മാ​യ എ​ല്ലാ ശ്ര​മ​ങ്ങ​ളും ഡ​യ​റ​ക്ട​റേ​റ്റ്​ ന​ട​ത്തു​​മെ​ന്ന്​ ജി.​ഡി.​ആ​ർ.​എ​ഫ്.​എ​യി​ലെ മേ​ജ​ർ ജ​ന​റ​ൽ ഡോ. ​അ​ലി ബി​ൻ അ​ജി​ഫ് അ​ൽ സാ​ബി പ​റ​ഞ്ഞു.

50,000 മ​ണി​ക്കൂ​ർ തൊ​ഴി​ൽ സ​മ​യ​മാ​ണ്​​ പൊ​തു​മാ​പ്പ്​ കേ​ന്ദ്ര​ങ്ങ​ൾ​ക്കാ​യി സ​മ​ർ​പ്പി​ക്ക​പ്പെ​ട്ട​ത്. ഈ ​കാ​ല​യ​ള​വി​ൽ അ​നി​ഷ്ട സം​ഭ​വ​ങ്ങ​ളൊ​ന്നും റി​പ്പോ​ർ​ട്ട് ചെ​യ്തി​ട്ടി​ല്ല. മാ​ത്ര​മ​ല്ല, പൊ​തു​മാ​പ്പ് കേ​ന്ദ്ര​ങ്ങ​ളി​ൽ ഓ​ക്സി​ജ​ന്‍റെ അ​ള​വ് ക്ര​മീ​ക​രി​ക്കു​ന്ന​തു​ൾ​പ്പെ​ടെ സ​മ​ഗ്ര​മാ​യ പാ​രി​സ്ഥി​തി​ക വി​ല​യി​രു​ത്ത​ലു​ക​ളും ന​ട​ത്തി.

പാ​രി​സ്ഥി​തി​ക ആ​ഘാ​തം കു​റ​ക്കു​ന്ന​തി​നു​ള്ള എ​ല്ലാ ശ്ര​മ​ങ്ങ​ളും ന​ട​ത്തി​യെ​ന്ന് അ​ദ്ദേ​ഹം കൂ​ട്ടി​ച്ചേ​ർ​ത്തു. പൊ​തു മാ​പ്പ്​ കേ​ന്ദ്ര​ങ്ങ​ളി​ൽ തു​ട​ർ​ച്ച​യാ​യ ദൈ​നം​ദി​ന സു​ര​ക്ഷാ വി​ല​യി​രു​ത്ത​ലു​ക​ൾ ഉ​ൾ​പ്പെ​ടു​ന്ന സ​മ​ഗ്ര​മാ​യ റി​സ്ക് മാ​നേ​ജ്മെ​ന്‍റ്​ പ്ലാ​ൻ ന​ട​പ്പി​ലാ​ക്കു​ന്ന​തി​ൽ ശ്ര​ദ്ധ കേ​ന്ദ്രീ​ക​രി​ക്കു​ന്ന​താ​യി റി​സ്ക് ആ​ൻ​ഡ് ക്രൈ​സി​സ് ടീം ​ഡെ​പ്യൂ​ട്ടി ത​ല​വ​നും ജി.​ഡി.​ആ​ർ.​എ​ഫ്.​എ​യി​ലെ എ​ൻ​വ​യോ​ൺ​മെ​ന്‍റ്​ ആ​ൻ​ഡ് ഒ​ക്യു​പേ​ഷ​ന​ൽ സേ​ഫ്റ്റി ഡി​പ്പാ​ർ​ട്ട്‌​മെ​ന്‍റ്​ ത​ല​വ​നു​മാ​യ ഫ​സ്റ്റ് ലെ​ഫ്റ്റ​ന​ന്‍റ്​ ഖ​ലീ​ഫ മു​ഹ​മ്മ​ദ് ബി​ൻ മ​സീ​നെ പ​റ​ഞ്ഞു.

സു​ര​ക്ഷ​യും പ്ര​തി​രോ​ധ​വും വ​ർ​ധി​പ്പി​ക്കു​ന്ന​തി​ന്‍റെ ഭാ​ഗ​മാ​യി ജീ​വ​ന​ക്കാ​ർ​ക്ക്​ പ്ര​ത്യേ​കം പ​രി​ശീ​ല​നം സം​ഘ​ടി​പ്പി​ച്ചി​രു​ന്നു. അ​ടി​യ​ന്ത​ര ഘ​ട്ട​ങ്ങ​ളി​ൽ പ്ര​തി​ക​രി​ക്കാ​നും പ്ര​ഥ​മ ശു​ശ്രൂ​ഷ ന​ൽ​കാ​നു​മാ​യി 99 ജീ​വ​ന​ക്കാ​ർ​ക്കും ആ​രോ​ഗ്യ, തൊ​ഴി​ൽ സു​ര​ക്ഷ​ക്കാ​യി 127 ജീ​വ​ന​ക്കാ​ർ​ക്കും എ​മ​ർ​ജ​ൻ​സി മാ​നേ​ജ്​​മെ​ന്‍റി​ൽ 104 ജീ​വ​ന​ക്കാ​ർ​ക്കും പ​രി​ശീ​ല​നം ന​ൽ​കി​യ​താ​യും അ​ദ്ദേ​ഹം പ​റ​ഞ്ഞു.