പെൺസുഹൃത്തിന്‍റെ കൊലപാതകം: അറബ്​ യുവാവിന്​ വധശിക്ഷ

ദു​ബൈ: പെ​ൺ​സു​ഹൃ​ത്തി​നെ ക​ഴു​ത്ത​റു​ത്ത്​ കൊ​ല​പ്പെ​ടു​ത്തി​യ കേ​സി​ൽ അ​റ​ബ്​ വം​ശ​ജ​നാ​യ യു​വാ​വി​ന്​​ ദു​ബൈ ക്രി​മി​ന​ൽ കോ​ട​തി വ​ധ​ശി​ക്ഷ വി​ധി​ച്ചു. 2020 ജൂ​ലൈ​യി​ൽ ന​ട​ന്ന കൊ​ല​പാ​ത​ക കേ​സി​ൽ ചൊ​വ്വാ​ഴ്ച​യാ​ണ്​​ കോ​ട​തി വി​ധി പ്ര​സ്താ​വി​ച്ച​ത്. യൂ​റോ​പ്യ​ൻ വം​ശ​ജ​യാ​യ യു​വ​തി​യാ​ണ്​ കൊ​ല്ല​പ്പെ​ട്ട​ത്. യു​വാ​വു​മാ​യു​ള്ള ബ​ന്ധം അ​വ​സാ​നി​പ്പി​ച്ച്​ മ​റ്റൊ​രാ​ളെ പ്ര​ണ​യി​ച്ച​തി​ലു​ള്ള പ്ര​തി​കാ​ര​മാ​ണ്​​​ കൊ​ല​പാ​ത​ക​ത്തി​ന്​ കാ​ര​ണ​മെ​ന്നാ​ണ്​ അ​ന്വേ​ഷ​ണ ഉ​ദ്യോ​ഗ​സ്ഥ​ർ ക​ണ്ടെ​ത്തി​യ​ത്.

യു​വ​തി​യെ ദി​വ​സ​ങ്ങ​ളോ​ളം നി​രീ​ക്ഷി​ച്ച യു​വാ​വ്​ യു​വ​തി​യു​ടെ വീ​ട്ടി​ൽ അ​തി​ക്ര​മി​ച്ചു ക​യ​റി ക​ഴു​ത്ത​റു​ക്കു​ക​യും വ​യ​റ്റി​ൽ കു​ത്തു​ക​യു​മാ​യി​രു​ന്നു. ശ​ബ്​​ദം കേ​ട്ടെ​ത്തി​യ സു​ര​ക്ഷ ജീ​വ​ന​ക്കാ​ര​നാ​ണ്​ യു​വ​തി​യെ ര​ക്ത​ത്തി​ൽ കു​ളി​ച്ച​നി​ല​യി​ൽ ക​ണ്ട​ത്. ഇ​യാ​ൾ ഉ​ട​ൻ ദു​ബൈ പൊ​ലീ​സി​നെ വി​വ​ര​മ​റി​യി​ച്ചു. പൊ​ലീ​സ്​ എ​ത്തി യു​വ​തി​യെ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും മ​രി​ച്ചി​രു​ന്നു. തു​ട​ർ​ന്ന്​ ന​ട​ന്ന അ​ന്വേ​ഷ​ണ​ത്തി​ലാ​ണ്​ പ്ര​തി​യെ​ക്കു​റി​ച്ച്​ സൂ​ച​ന ല​ഭി​ച്ച​ത്. വൈ​കാ​തെ ഒ​രു ഷോ​പ്പി​ങ്​ മാ​ളി​ന​ടു​ത്ത്​ വെ​ച്ച്​ പ്ര​തി​യെ അ​റ​സ്റ്റു ചെ​യ്യു​ക​യു​മാ​യി​രു​ന്നു.

2017 മു​ത​ൽ യു​വ​തി​യു​മാ​യി ബ​ന്ധ​മു​ണ്ടാ​യി​രു​ന്ന​താ​യി യു​വാ​വ്​ സ​മ്മ​തി​ച്ചി​രു​ന്നു. സ​മൂ​ഹ മാ​ധ്യ​മ​ങ്ങ​ളി​ലൂ​ടെ​യാ​ണ്​ യു​വ​തി​ക്ക്​ മ​റ്റൊ​രാ​ളു​മാ​യി അ​ടു​പ്പ​മു​ള്ള കാ​ര്യം യു​വാ​വ്​ അ​റി​യു​ന്ന​ത്. ഇ​തി​നി​ടെ യു​വ​തി രാ​ജ്യം വി​ട്ടു. എ​ന്നാ​ൽ, ര​ണ്ടു വ​ർ​ഷ​ത്തി​ന്​ ശേ​ഷം യു​വ​തി ദു​ബൈ​യി​ൽ തി​രി​കെ​യെ​ത്തി​യ​പ്പോ​ഴാ​ണ്​ യു​വാ​വ്​ കൊ​ല​പാ​ത​കം ആ​സൂ​ത്ര​ണം ചെ​യ്ത​ത്.