ഗ്ലോ​ബ​ൽ ചാ​മ്പ്യ​ൻ​സ് അ​റേ​ബ്യ​ൻ​സ് ടൂ​ർ: ഇ​ന്നു​മു​ത​ൽ അ​ജ്മാ​നി​ൽ

അ​ജ്മാ​ൻ: ഗ്ലോ​ബ​ൽ ചാ​മ്പ്യ​ൻ​സ് അ​റേ​ബ്യ​ൻ​സ് ടൂ​ർ 2025 സീ​സ​ണി​ന്‍റെ ആ​ദ്യ ഘ​ട്ട​ത്തി​ന് അ​ജ്മാ​നി​ലെ അ​ൽ സോ​റ ബീ​ച്ച് ആ​തി​ഥേ​യ​ത്വം വ​ഹി​ക്കും. വെ​ള്ളി​യാ​ഴ്ച മു​ത​ൽ ജ​നു​വ​രി ആ​റു വ​രെ അ​ൽ സോ​റ ബീ​ച്ച്ഫ്ര​ണ്ടി​ലാ​ണ് പ​രി​പാ​ടി അ​ര​ങ്ങേ​റു​ന്ന​ത്. 2025ലെ ​ജി.​സി.​എ.​ടി​യു​ടെ യൂ​റോ​പ്പ്, മി​ഡി​ലീ​സ്റ്റ് പ​ര​മ്പ​ര​യു​ടെ ആ​വേ​ശ​ക​ര​മാ​യ ര​ണ്ടാം സീ​സ​ണി​ന്റെ തു​ട​ക്ക​മാ​ണി​ത്. ആ​കെ എ​ട്ട് ഘ​ട്ട​ങ്ങ​ളും ഡി​സം​ബ​റി​ൽ ന​ട​ക്കു​ന്ന വേ​ൾ​ഡ് അ​റേ​ബ്യ​ൻ ഹോ​ഴ്സ് ചാ​മ്പ്യ​ൻ​ഷി​പ് സു​പ്രീ​മും ഇ​തി​ൽ ഉ​ൾ​പ്പെ​ടും. ഗ്ലോ​ബ​ൽ ചാ​മ്പ്യ​ൻ​സ് അ​റേ​ബ്യ​ൻ​സ് ടൂ​ർ മി​ക​ച്ച അ​റേ​ബ്യ​ൻ കു​തി​ര​ക​ളെ അ​ജ്മാ​ൻ എ​മി​റേ​റ്റി​ലേ​ക്ക് കൊ​ണ്ടു​വ​രും.

2025ലെ ​പ​ര​മ്പ​ര​യി​ലു​ട​നീ​ളം ര​ണ്ട് കോ​ടി യൂ​റോ വി​ല​മ​തി​ക്കു​ന്ന സ​മ്മാ​ന​ത്തു​ക​യും ന​ല്‍കു​ന്നു​ണ്ട്. ലോ​ക​മെ​മ്പാ​ടു​മു​ള്ള മി​ക​ച്ച മ​ത്സ​രാ​ർ​ഥി​ക​ൾ ചാ​മ്പ്യ​ന്‍ഷി​പ്പി​ല്‍ മ​ത്സ​രി​ക്കും. അ​റേ​ബ്യ​ൻ കു​തി​ര​യു​ടെ വ്യ​തി​രി​ക്ത​ത ലോ​ക വേ​ദി​യി​ൽ പ്രോ​ത്സാ​ഹി​പ്പി​ക്കു​ക എ​ന്ന​താ​ണ് ഈ ​പ​ര​മ്പ​ര​യു​ടെ ല​ക്ഷ്യം. ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ല്‍നി​ന്നു​ള്ള വി​ദ​ഗ്ധ ജ​ഡ്ജി​മാ​ർ ഓ​രോ കു​തി​ര​യെ​യും അ​ഞ്ച് മാ​ന​ദ​ണ്ഡ​ങ്ങ​ൾ അ​ടി​സ്ഥാ​ന​മാ​ക്കി വി​ല​യി​രു​ത്തും.

ഓ​രോ​ന്നി​നും 20 പോ​യ​ന്റു​ക​ൾ ല​ഭി​ക്കും. പ​ര​മാ​വ​ധി 100 പോ​യ​ന്റാ​ണ്​ ല​ഭി​ക്കു​ക. ഓ​രോ ക്ലാ​സി​ലും ഏ​റ്റ​വും കൂ​ടു​ത​ൽ സ്കോ​ർ നേ​ടു​ന്ന കു​തി​ര​ക​ൾ​ക്ക് സീ​സ​ണി​ലു​ട​നീ​ളം പോ​യ​ന്റു​ക​ൾ ല​ഭി​ക്കും. ചാ​മ്പ്യ​ൻ​ഷി​പ് വി​ജ​യ​ങ്ങ​ൾ​ക്ക് ബോ​ണ​സ് പോ​യ​ന്റ് ല​ഭി​ക്കും. യൂ​റോ​പ്പ്, മി​ഡി​ലീ​സ്റ്റ് ഘ​ട്ട​ങ്ങ​ളി​ൽ​നി​ന്നു​ള്ള സ്വ​ർ​ണ, വെ​ള്ളി, വെ​ങ്ക​ല ചാ​മ്പ്യ​ന്മാ​ർ സു​പ്രീം വേ​ൾ​ഡ് ചാ​മ്പ്യ​ൻ ആ​കാ​നു​ള്ള അ​വ​സ​ര​ത്തി​നാ​യി ഈ ​വ​ർ​ഷാ​വ​സാ​നം അ​മേ​രി​ക്കാ​സ് പ​ര​മ്പ​ര​യി​ലെ ചാ​മ്പ്യ​ന്മാ​രു​മാ​യി ഏ​റ്റു​മു​ട്ടും. ലോ​കോ​ത്ത​ര വി​നോ​ദം, ഷോ​പ്പി​ങ്, സാം​സ്കാ​രി​ക പ്ര​വ​ർ​ത്ത​ന​ങ്ങ​ൾ എ​ന്നി​വ ഉ​ൾ​ക്കൊ​ള്ളു​ന്ന ഈ ​പ​രി​പാ​ടി കാ​ണി​ക​ൾ​ക്ക് മ​റ​ക്കാ​നാ​വാ​ത്ത അ​നു​ഭ​വ​മാ​യി​രി​ക്കും. ജ​നു​വ​രി മൂ​ന്നു മു​ത​ൽ ആ​റു​വ​രെ ന​ട​ക്കു​ന്ന മേ​ള എ​ല്ലാ ദി​വ​സ​വും 3.30 ന് ​ആ​രം​ഭി​ക്കും. കാ​ണി​ക​ൾ​ക്ക് ഷോ​യി​ലേ​ക്ക്​ പ്ര​വേ​ശ​നം സൗ​ജ​ന്യ​മാ​ണ്.