ഗ്ലോബൽ വില്ലേജി​െൻറ വി.​െഎ.പി പാക്കുകൾ നാലു ദിവസം കൊണ്ട്​ വിറ്റു തീർന്നു

ദുബൈ: ലോക സാംസ്​കാരിക ഉത്സവമായി മാറുന്ന ദുബൈ ഗ്ലോബൽ വില്ലേജി​​െൻറ 22ാം സീസനിലേക്കുള്ള വി.​െഎ.പി പാക്കുകൾ അവതരിപ്പിച്ച്​ നാലു ദിവസത്തിനകം വിറ്റുതീർന്നു. നാലായിരത്തിലേറെ വി.​െഎ.പി പാക്കുകളാണ്​ റെക്കോർഡ്​ വേഗത്തിൽ തീർന്നത്​. വി.​െഎ.പി കാർ പാസ്​, വി.​െഎ.പി സോൺ പാർക്കിങ്​ ടിക്കറ്റ്​, വി.​െഎ.പി ഫൺഫെയർ കാർഡ്​ എന്നിങ്ങനെ പ്രത്യേക സൗകര്യങ്ങളടങ്ങിയ വി.​െഎ.പി പാക്കുകൾ ​ഗ്ലോബൽ വില്ലേജിലെ വിൽപന കേന്ദ്രം, വിർജിൻ മെഗാസ്​റ്റോർ, www.mazadat.ae സൈറ്റ്​ എന്നിവ മുഖേനയാണ്​ നൽകിയിരുന്നത്​.   

 പ്രത്യേക സൗകര്യങ്ങളോടെ സന്ദർശകർക്ക്​ കുടുംബ സമേതം എത്തി ആസ്വദിക്കാൻ അവസരമൊരുക്കുന്ന ഫാമിലി പാക്ക്​ ടിക്കറ്റുകൾ വിവിധ കേന്ദ്രങ്ങൾ മുഖേന ഇപ്പോഴും ലഭ്യമാണ്​. കഴിഞ്ഞ സീസനിൽ 56 ലക്ഷം സന്ദർശകരെ വരവേറ്റ ഗ്ലോബൽ വില്ലേജ്​ രാജ്യത്തെ ഏറ്റവും മികച്ച വിനോദ കേന്ദ്രമാണെന്ന്​ ഇൗ വർഷത്തെ  യൂ ഗവ്​ ബ്രാൻറ്​ ഇൻഡക്​സ്​ റിപ്പോർട്ടിൽ പറയുന്നു. അടുത്ത മാസം ഒന്നിനാരംഭിക്കുന്ന 22ാം സീസനുവേണ്ടിയുള്ള ഒരുക്കങ്ങൾ അവസാന ഘട്ടത്തിലാണ്​.