​ഗ്ലോബൽ വില്ലേജിൽ വിൽക്കുന്നത്​ ദുബൈ നഗരസഭ പരിശോധിച്ച്​ ഉറപ്പാക്കിയ ഭക്ഷണം

ദുബൈ: കുടുംബവും കുട്ടികളുമെല്ലാം കൂടി ഉല്ലാസ കേന്ദ്രമായ ഗ്ലോബൽ വില്ലേജിൽ പോകു​േമ്പാൾ ഭക്ഷണത്തി​​​െൻറ വൃത്തിയേയും നിലവാരത്തേയും കുറിച്ച്​ ശങ്ക വേണ്ട. ദുബൈ നഗരസഭയുടെ കേന്ദ്ര ലാബിൽ പരിശോധിച്ച്​ നിലവാരം ഉറപ്പാക്കിയ ഭക്ഷണമാണ്​ ഇവിടെ പ്രദർശിപ്പിക്കുകയും വിൽക്കുകയൂം ചെയ്യുന്നതെന്ന്​  നഗരസഭ വ്യക്​തമാക്കി. ഭക്ഷ്യ സുരക്ഷാ വിഭാഗവുമായി സഹകരിച്ചാണ്​ വ്യത്യസ്​ത രീതിയിലെ പരിശോധനകൾ നടത്തുന്നത്​. ലോകത്തി​​​െൻറ എല്ലാ കോണുകളിൽ നിന്നും ആളുകൾ വന്നെത്തുന്ന ഗ്ലോബൽ വില്ലേജിലെ ഭക്ഷ്യ സുരക്ഷ ഉറപ്പാക്കൽ അത്യന്താപേക്ഷിതമാണ്​. കലർപ്പുകളിലെന്നും മായം ചേർത്തിട്ടില്ലെന്നും രോഗാണു മുക്​തമാണെന്നും ഉറപ്പാക്കാൻ അത്യാധുനിക ഉപകരണങ്ങളുടെ സഹായത്തോടെയാണ്​ പരിശോധനകൾ നടത്തുക. ​േതൻ, സുഗന്ധ വ്യഞ്​ജനങ്ങൾ, പാൽ ഉൽപന്നങ്ങൾ, ഹെർബൽ വസ്​തുക്കൾ, നേരിട്ട്​ കഴിക്കാവുന്ന വസ്​തുക്കൾ എന്നിവയെല്ലാം പരിശോധനാ വിധേയമാക്കുന്നുണ്ട്​.