പെരുന്നാൾ ചിത്രത്തിന് സ്വർണ സമ്മാനം; അവസരം നാളെക്കൂടി മാത്രം
text_fieldsദുബൈ: ബലിപെരുന്നാൾ ആഘോഷ ചിത്രങ്ങൾക്ക് സ്വർണ സമ്മാനം ലഭിക്കുന്ന 'ജോയ് ഓഫ് ഈദുൽ അദ്ഹ' മത്സരത്തിൽ പങ്കെടുക്കാൻ ശനിയാഴ്ചവരെ മാത്രം അവസരം. എല്ലാ ഗൾഫ് രാജ്യങ്ങളിലും സമ്മാനങ്ങളിലുള്ളവർക്കും അവസരമുണ്ട്. ആഘോഷ ദിനങ്ങളിലെ ഫോട്ടോയോ വിഡിയോയോ ഗൾഫ് മാധ്യമം ഫേസ്ബുക്ക് പേജിൽ പോസ്റ്റ് ചെയ്യുന്നവർക്കാണ് സ്വർണ സമ്മാനം ലഭിക്കുക. ഗൾഫിലുള്ളവർക്കും അവധിക്ക് നാട്ടിലെത്തിയവർക്കും പങ്കെടുക്കാം. പോസ്റ്റ് ചെയ്തവരിൽനിന്ന് തെരഞ്ഞെടുക്കപ്പെടുന്നവർക്കാണ് സമ്മാനം ലഭിക്കുക. യു.എ.ഇയിൽ നാല് ഗ്രാം വീതം എട്ട് പേർക്കാണ് സമ്മാനം നൽകുന്നത്.
ഈദ് യാത്രകൾ, പെരുന്നാൾ നമസ്കാരം, ഈദ്ഗാഹ്, ഒത്തുചേരലുകൾ, കുടുംബത്തോടൊപ്പമുള്ള സന്തോഷ നിമിഷങ്ങൾ തുടങ്ങിയ സന്ദർഭങ്ങളിലെ ചിത്രങ്ങളെല്ലാം സമ്മാനത്തിന് പരിഗണിക്കും. ബന്ധുക്കൾ, സുഹൃത്തുക്കൾ, സഹോദരങ്ങൾ, സഹപ്രവർത്തകർ, അതിഥികൾ, അയൽക്കാർ, വിദേശികൾ തുടങ്ങിയവർക്കൊപ്പമുള്ള ഈദ് ആഘോഷ ചിത്രങ്ങളും അയക്കാം. ചെറിയ പെരുന്നാൾ സന്ദർഭത്തിൽ സംഘടിപ്പിച്ച സമാനമായ മത്സരത്തിൽ നിരവധിപേർക്കാണ് സ്വർണ സമ്മാനം നേടാനായത്. മത്സരത്തിന്റെ നിർദേശങ്ങൾ പാലിച്ചായിരിക്കണം പങ്കെടുക്കേണ്ടത്.
നിങ്ങൾ ചെയ്യേണ്ടത്
ഗൾഫ് മാധ്യമം യു.എ.ഇ (facebook.com/GulfMadhyamamUAE) ഫേസ്ബുക്ക് പേജ് ലൈക്ക്/ഫോളോ ചെയ്യുക.
ഈ പേജിലെ JOY of Eid ul Adha എന്ന പോസ്റ്റിന്റെ കമൻറ് ബോക്സിൽ നിങ്ങളുടെ ഫോട്ടോ/വിഡിയോ കമന്റ് ചെയ്യുക.
ഒരു മിനിറ്റിൽ കവിയാത്ത വിഡിയോ ആയിരിക്കണം
രജിസ്ട്രേഷൻ പൂർത്തീകരിക്കുക
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.