ഗൾഫ് മാധ്യമം-ജോയ് ആലുക്കാസ് മത്സരം: വിജയികൾക്ക് സമ്മാനം നൽകി
text_fieldsഗൾഫ് മാധ്യമം-ജോയ് ആലുക്കാസ് മത്സര വിജയികൾക്ക് ജോയ് ആലുക്കാസ് പ്രതിനിധി സമ്മാനങ്ങൾ നൽകുന്നു
ദുബൈ: ക്രിസ്മസ്, ന്യൂ ഇയർ ആഘോഷങ്ങളുടെ ഭാഗമായി 'ഗൾഫ് മാധ്യമവും' ജോയ് ആലുക്കാസും ചേർന്നൊരുക്കിയ ജോയ് വിത്ത് സാന്റ, എൻജോയ് ന്യൂ ഇയർ എന്നീ മത്സരങ്ങളുടെ യു.എ.ഇയിലെ വിജയികൾക്ക് സമ്മാനങ്ങൾ വിതരണം ചെയ്തു. ഗൾഫ് മാധ്യമത്തിന്റെ സമൂഹമാധ്യമങ്ങൾ വഴി നടന്ന മത്സരത്തിലെ വിജയികൾക്കാണ് സമ്മാനങ്ങൾ നൽകിയത്. ക്രിസ്മസ്, ന്യൂ ഇയർ ആഘോഷദിനങ്ങളിലെ അവിസ്മരണീയ ചിത്രങ്ങൾ അയച്ചവരെയാണ് പരിഗണിച്ചത്. എല്ലാ ജി.സി.സിയിലും മത്സരം നടന്നിരുന്നു. കേരളത്തിനകത്തും പുറത്തുമുള്ള നിരവധി പേർ പങ്കെടുത്തു. വിജയികളായ സോജി ചാക്കോ, ഷീന വളപ്പിൽവീട്ടിൽ, സ്നേഹ എസ്. അയ്യർ, സോണിയ അയ്ലാനി, അൻസില ഷംനാസ്, ഷൈമി വർക്കി, ശ്രീധരൻ രതീഷ് എന്നിവർക്ക് ജോയ് ആലുക്കാസിന്റെ വിവിധ ഷോറൂമുകളിൽ നടന്ന ചടങ്ങുകളിൽ സമ്മാനങ്ങൾ നൽകി. ജോയ് ആലുക്കാസ് പ്രതിനിധികളായ സി.കെ.ടി. സാജിദ് (അബൂദബി), സുധീഷ് (ദുബൈ), ദീപു (റാസൽഖൈമ) എന്നിവർ സമ്മാനങ്ങൾ കൈമാറി. അടുത്ത ആഘോഷ വേളകളിലും മത്സരങ്ങൾ തുടരുമെന്ന് മാനേജ്മെന്റ് അിറയിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.