രു​ചി മേ​ളം തീ​ർ​ക്കാ​ൻ ദു​ബൈ; ‘ഗ​ൾ​ഫു​ഡി’​ന്​ നാ​ളെ​ തു​ട​ക്കം

ദു​ബൈ: ലോ​ക​ത്തി​ന്‍റെ അ​ഷ്ട​ദി​ക്കു​ക​ളി​ൽ നി​ന്നു​മു​ള്ള രു​ചി​ഭേ​ദ​ങ്ങ​ളെ പ​രി​ച​യ​പ്പെ​ടു​ത്തു​ന്ന ഭ​ക്ഷ്യ, പാ​നീ​യ ഉ​ൽ​പാ​ദ​ന വി​ത​ര​ണ രം​ഗ​ത്തെ ഏ​റ്റ​വും വ​ലി​യ പ്ര​ദ​ർ​ശ​ന​മാ​യ ‘ഗ​ൾ​ഫു​ഡി’​ന്‍റെ 29ാം എ​ഡി​ഷ​ന്​ ദു​ബൈ വേ​ൾ​ഡ്​ ട്രേ​ഡ്​ സെ​ന്‍റ​റി​ൽ തി​ങ്ക​ളാ​ഴ്ച​ തു​ട​ക്ക​മാ​വും. ഫെ​ബ്രു​വ​രി 19 മു​ത​ൽ 23 വ​രെ അ​ഞ്ചു ദി​വ​സ​ങ്ങ​ളി​ലാ​യി ന​ട​ക്കു​ന്ന മേ​ള​യി​ൽ ഭ​ക്ഷ്യ ഉ​ത്​​പ​ന്ന, വി​ത​ര​ണ രം​ഗ​ത്തു​ള്ള ലോ​ക​ത്തെ ഏ​റ്റ​വും പ്ര​മു​ഖ​രാ​യ 5,500 ക​മ്പ​നി​ക​ളാ​ണ്​ പ​​ങ്കെ​ടു​ക്കു​ന്ന​ത്. എ​ട്ട്​ മേ​ഖ​ല​ക​ളി​ൽ നി​ന്നാ​യി ഒ​രു ല​ക്ഷ​ത്തി​ല​ധി​കം പു​തി​യ ഉ​ൽ​പ്പ​ന്ന​ങ്ങ​ളും നൂ​ത​ന ആ​ശ​യ​ങ്ങ​ളും ഇ​വ​ർ പ്ര​ദ​ർ​ശി​പ്പി​ക്കും. 190 പ​വ​ലി​യ​നു​ക​ളാ​ണ്​ ഇ​ത്ത​ണ ഒ​രു​ക്കു​ന്ന​ത്. 49 ശ​ത​മാ​നം പു​തി​യ പ്ര​ദ​ർ​ശ​ക​ർ മേ​ള​യു​ടെ ഭാ​ഗ​മാ​കും. വി​ശാ​ല​മാ​യ സൗ​ക​ര്യ​ങ്ങ​ളോ​ടെ 24 ഹാ​ളു​ക​ളി​ലാ​ണ് ഇ​ത്ത​വ​ണ​ പ്ര​ദ​ർ​ശ​നം. ആ​കെ 10 ല​ക്ഷം ച​തു​ശ്ര അ​ടി​യി വി​സ്തീ​ർ​ണ​ത്തി​ലാ​ണ്​​ പ്ര​ദ​ർ​ശ​നം ഒ​രു​ക്കു​ന്ന​ത്. ഭ​ക്ഷ്യ പ്ര​ദ​ർ​ശ​ന​ത്തോ​ടൊ​പ്പം സു​സ്ഥി​ര​മാ​യ ആ​ശ​യ​ങ്ങ​ളും പ്ര​കൃ​തി സൗ​ഹൃ​ദ പ​ദ്ധ​തി​ക​ളും ക​മ്പ​നി​ക​ൾ അ​വ​ത​രി​പ്പി​ക്കും.

പു​തി​യ ക​മ്പ​നി​ക​ൾ​ക്ക്​ പ​ര​സ്പ​രം ച​ർ​ച്ച ചെ​യ്യാ​നും സ​ഹ​ക​ര​ണ ക​രാ​റു​ക​ളി​ലെ​ത്താ​നും മേ​ള​യെ ഉ​പ​യോ​ഗ​പ്പെ​ടു​ത്തും. അ​ന്താ​രാ​ഷ്ട​ട്ര ത​ല​ത്തി​ൽ പ്ര​ശ​സ്ത​മാ​യ മി​ക്ക ബ്രാ​ൻ​ഡു​ക​ളും എ​ത്തി​ച്ചേ​രു​ന്ന മേ​ള​യി​ൽ ക​ഴി​ഞ്ഞ വ​ർ​ഷ​ത്തേ​ക്കാ​ൾ റെ​ക്കോ​ർ​ഡ്​ എ​ണ്ണം സ​ന്ദ​ർ​ശ​ക​രെ​യാ​ണ്​ പ്ര​തീ​ക്ഷി​ക്കു​ന്ന​ത്. പ്ര​ദ​ർ​ശ​ന​വും വി​ൽ​പ​ന​യും നി​ക്ഷേ​പ സാ​ധ്യ​ത​ക​ളും തു​റ​ന്നി​ടു​ന്ന മേ​ള​യി​ൽ ഭ​ക്ഷ്യ ഉ​ത്​​പ​ന്ന മേ​ഖ​ല​യി​ലെ പു​തി​യ സാ​ധ്യ​ത​ക​ളും പ​ദ്ധ​തി​ക​ളും ച​ർ​ച്ച ചെ​യ്യും. ലോ​ക പ്ര​ശ​സ്ത​രാ​യ സെ​ലി​ബ്രി​റ്റി ഷെ​ഫു​മാ​രും മേ​ള​യി​ൽ പ​​​ങ്കെ​ടു​ക്കു​ന്നു​ണ്ട്. ലോ​ക​ത്തി​ന്‍റെ നാ​നാ ഭാ​ഗ​ത്തു നി​ന്നും ഭ​ക്ഷ്യ​രു​ചി​ക​ൾ തേ​ടി അ​ഞ്ചു ദി​വ​സ​വും സ​ന്ദ​ർ​ശ​ക​ർ ദു​ബൈ​യി​ലേ​ക്കൊ​ഴു​കും. ഗ​ൾ​ഫു​ഡി​നെ​ത്തു​ന്ന​വ​ർ​ക്ക്​ ക​ഴി​ഞ്ഞ വ​ർ​ഷ​ത്തെ പോ​ലെ ഇ​ത്ത​വ​ണ​യും സൗ​ജ​ന്യ ഷ​ട്ടി​ൽ സ​ർ​വീ​സ്, പാ​ർ​ക്കി​ങ്​​ സൗ​ക​ര്യ​ങ്ങ​ൾ​ ദു​ബൈ റോ​ഡ്​ ഗ​താ​ഗ​ത അ​തോ​റി​റ്റി (ആ​ർ.​ടി.​എ) ഒ​രു​ക്കും.