കടലാസ്​ രഹിത ദുബൈ പദ്ധതിക്ക്​  ശൈഖ്​ ഹംദാൻ തുടക്കമിട്ടു

ദുബൈ: സ്​മാർട്ട്​ നഗരമെന്ന പേരിന്​ കൂടുതൽ കരുത്തേകുന്ന കടലാസ്​ രഹിത ഭരണ നിർവഹണത്തിനുള്ള പദ്ധതി തന്ത്രം ദുബൈ കിരീടാവകാശിയും എക്​സിക്യുട്ടിവ്​ കൗൺസിൽ ചെയർമാനുമായ ശൈഖ്​ ഹംദാൻ ബിൻ മുഹമ്മദ്​ ബിൻ റാശിദ്​ ആൽ മക്​തൂം പ്രഖ്യാപിച്ചു. 2021നു ശേഷം ദുബൈ സർക്കാറിനു കീഴിലെ ഒരു രേഖയും കടലാസിലായി ലഭിക്കില്ല.  ദുബൈ ഡിസൈൻ ഡിസ്​ട്രിക്​ടിലെ സ്​മാർട്​ ദുബൈ ഒഫീസ്​ സന്ദർശന ശേഷമാണ്​ പദ്ധതി പ്രഖ്യാപിച്ചത്​.

ദുബൈയെ എല്ലാ അർഥത്തിലും സ്​മാർട്ട്​ നഗരമാക്കി മാറ്റുക എന്ന യു.എ.ഇ വൈസ്​ പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂമി​​​െൻറ ദർശനങ്ങളിലൂന്നിയാണ്​ പദ്ധതി നടപ്പാക്കുന്നതെന്നും അത്യാധുനിക സാ​േങ്കതിക വിദ്യകളെ ഒരുമിപ്പിച്ച്​ ചേർത്ത്​  സമഗ്രമായ ഭരണ നിർവഹണ നടപടികളാണ്​ വിഭാവനം ചെയ്യുന്നതെന്നും ശൈഖ്​ ഹംദാൻ പറഞ്ഞു. വർഷം തോറും 100 കോടി കടലാസുകളാണ്​ ദുബൈയിലെ സർക്കാർ ഒഫീസുകളിൽ ഉപയോഗിക്കുന്നത്​.

2021ന്​ ശേഷം രേഖകളെല്ലാം സ്​മാർട്ട്​ രീതിയിലാവുന്നതോടെ അത്രയേറെ കടലാസുകൾ പാഴാവുന്നത്​ തടയാൻ കഴിയും.ദുബൈക്ക്​ മാത്രമല്ല, മുഴുലോകത്തി​​​െൻറയും നൻമക്കായുള്ള ശ്രമമാണിതെന്നും അദ്ദേഹം പറഞ്ഞു. റെക്കോർഡ്​ സമയത്തിനുള്ളിൽ ദുബൈയെ ലോകത്തെ ഏറ്റവും സ്​മാർട്ടും വിജയകരവുമായ നഗരമാക്കി മാറ്റുക എന്ന ഉദ്യമമാണിതെന്ന്​  സ്​മാർട്ട്​ ഒഫീസ്​ ഡയറക്​ടർ ജനറൽ ഡോ. ​െഎഷ ബിൻത്​ ബുട്ടി ബിൻ ബിഷ്​ർ അഭിപ്രായപ്പെട്ടു. എക്​സിക്യുട്ടിവ്​ കൗൺസിൽ സെക്രട്ടറി ജനറൽ അബ്​ദുല്ല അൽ ബസ്​തിയും ശൈഖ്​ ഹംദാനൊപ്പമുണ്ടായിരുന്നു.