ഷാർജയിൽ കുറ്റകൃത്യങ്ങൾ കുറഞ്ഞു; സന്തോഷവും സുരക്ഷയും വർധിച്ചു

ഷാർജ: ജനങ്ങളുടെ സുരക്ഷയും സന്തോഷവും ഉറപ്പാക്കാൻ സുപ്രിം കൗൺസിലംഗവും ഷാർജ ഭരണാധികാരിയുമായ ​ശൈഖ്​ ഡോ. സുൽത്താൻ ബിൻ മുഹമ്മദ്​ അൽ ഖാസിമിയുടെ നിർദേശാനുസരണം ഷാർജ പൊലീസ്​ സ്വീകരിച്ച നടപടിക്രമങ്ങൾക്ക്​ വിജയം. ഗുരുതര കുറ്റകൃത്യങ്ങൾ, കുറ്റ നിരക്ക്​, കവർച്ച, വാഹനാപകട മരണങ്ങൾ, തീ വിപത്തുകൾ എന്നിവയെല്ലാം മുൻവർഷത്തേക്കാൾ കുറച്ചു കൊണ്ടുവരുവാൻ ഷാർജ പൊലീസിനായി. ഗുരുതര കുറ്റകൃത്യങ്ങളുടെ നിരക്കിൽ മുൻവർഷത്തേക്കാൾ 45 ശതമാനം കുറവാണ്​ 2017ൽ രേഖപ്പെടുത്തിയത്​.

2016ൽ1511ഗുരുതര കുറ്റങ്ങളാണുണ്ടായതെങ്കിൽ 2017അത്​ 837 ആയി കുറഞ്ഞു. ജനങ്ങളുടെ സുരക്ഷാബോധം 97 ശതമാനമായി വർധിച്ചതായും ഷാർജ പൊലീസ്​  മേധാവി മേജർ ജനറൽ സൈഫ്​ അൽ സാരി അശ്ശംസി വാർഷിക മാധ്യമ ഒത്തുചേരലിൽ വ്യക്​തമാക്കി. 2021 ആകു​േമ്പാഴേക്കും യു.എ.ഇയെ ലോകത്തെ ഏറ്റവും സുരക്ഷിത രാജ്യമാക്കി മാറ്റാൻ ലക്ഷ്യമിട്ടുള്ള പ്രവത്തനങ്ങൾക്ക്​ കരുത്തു പകരുന്ന മുന്നേറ്റമാണ്​ ഷാർജാ പൊലീസ്​ നടത്തി വരുന്നത്​. വാഹനാപകട മരണങ്ങളിൽ 14 ശതമാനം കുറവുണ്ടെന്ന്​ ഡെ.കമാൻഡർ ഇൻ ചീഫ്​ ​ബ്രിഗേഡിയർ അബ്​ദുല്ലാ ബിൻ മുബാറക്​ ബിൻ അമീർ ചൂണ്ടിക്കാട്ടി.

വൻ കവർച്ചകളിൽ 53 ശതമാനം കുറവുണ്ട്​. 2016ൽ 1,069 കളവു കേസുകളാണുണ്ടായതെങ്കിൽ കഴിഞ്ഞ വർഷം അത്​ 513 ആയി താഴ്​ന്നതായി സെൻട്രൽ ​ഒാപ്പറേഷൻസ്​ ആക്​ടിങ്​ ഡയറക്​ടർ ജനറൽ കേണൽ ഡോ. അഹ്​മദ്​ അൽ നഉൗർ വ്യക്​തമാക്കി. ക്രിമിനൽ കേസുകൾ 13,638 ൽ നിന്ന്​  12,633 ആയി കുറഞ്ഞതും പൊലീസി​​െൻറ നേട്ടമായി.  അടിയന്തിര സാഹചര്യങ്ങളിൽ സമയം പാഴാക്കാതെ ഇടപെടാനും സഹായം എത്തിക്കാനും പുലർത്തിയ സന്നദ്ധത കുറ്റകൃത്യങ്ങൾ തടയുന്നതിൽ സഹായകമായിട്ടുണ്ട്​്​ ഒരു വിവരം ലഭിച്ചാൽ മുൻ വർഷം 10.3 മിനിറ്റു കൊണ്ടാണ്​ സംഭവ സ്​ഥലത്തെത്തി നടപടികളാരംഭിച്ചിരുന്നതെങ്കിൽ ഇപ്പോഴത്​ 9.2 മിനിറ്റു കൊണ്ട്​ നിർവഹിക്കാനാവുന്നുണ്ട്​. 

അൽ കമാഷ എന്ന പേരിൽ നടത്തിയ സുരക്ഷാ കാമ്പയിൻ കുറ്റകൃത്യങ്ങളുടെ നിരക്കിൽ കുറവുവരുത്താൻ ഏറെ സഹായിച്ചതായി പൊലീസ്​ അധികൃതർ പറഞ്ഞു. എമിറേറ്റിൽ അനധികൃതമായി തമ്പടിച്ചും ചുറ്റി നടന്നും നിയമവിരുദ്ധ പ്രവർത്തനങ്ങൾ നടത്തുന്നവരെ തടയാനും പിടികൂടുവാനും കഴിഞ്ഞു. വിവിധ രാജ്യക്കാരായ 301 അനധികൃത താമസക്കാരെയാണ്​ പിടികൂടിയത്​. മയക്കു മരുന്ന്​ കേസുകളിൽ വർധയുണ്ട്​്​ മുൻവർഷം 712 കേസുകളാണ്​ റിപ്പോർട്ട്​ ചെയ്യപ്പെട്ടതെങ്കിൽ ​േപായ വർഷം ഏഴു ശതമാനം ഉയർന്ന്​ 767 ​േകസുകളായി.

95 ലക്ഷം ഗുളികകളും 400കിലോ ലഹരി മരുന്നുകളുമാണ്​ പിടിച്ചെടുത്തത്​. ഷാർജ പൊലീസ്​ ഫോറൻസിക്​ ലാബ്​ ഡയറക്​ടർ കേണൽ അഹ്​മദ്​ അൽസർക്കൽ, ട്രാഫിക്​ വിഭാഗം ഡയറക്​ടർ ലഫ്​. കേണൽ മുഹമ്മദ്​ അൽ അലാഇ, ലൈസൻസ്​ മെക്കാനിസം വിഭാഗം ഡയറക്​ടർ കേണൽ അലി ബു അൽ സൂദ്​, ഉപഭോക്​തൃ സംതൃപ്​തി വിഭാഗം ഡയറക്​ടർ ​​ബ്രിഗേഡിയർ ആരിഫ്​ അൽ ശരീഫ്​ തുടങ്ങിയവരും സംബന്ധിച്ചു.