ഷാ​ർ​ജ​യി​ൽ വ​നി​ത​ക​ൾ​ക്കാ​യി ആ​രോ​ഗ്യ സം​ര​ക്ഷ​ണ കേ​ന്ദ്രം

ഷാ​ർ​ജ: സ്ത്രീ​ക​ളു​ടെ ആ​രോ​ഗ്യ സം​ര​ക്ഷ​ണം ല​ക്ഷ്യ​മി​ട്ട്​ ഷാ​ർ​ജ ഹെ​ൽ​ത്ത് ​കെ​യ​ർ സി​റ്റി​യി​ൽ ‘സ​ണ്ണി വെ​ൽ​ന​സ്​’ കേ​ന്ദ്രം ആ​രം​ഭി​ച്ചു. ഷാ​ർ​ജ ഹെ​ൽ​ത്ത്​ അ​തോ​റി​റ്റി ആ​ൻ​ഡ്​ ഷാ​ർ​ജ ഹെ​ൽ​ത്ത്​ കെ​യ​ർ സി​റ്റി ചെ​യ​ർ​മാ​ൻ ഡോ. ​അ​ബ്​​ദു​ൽ അ​സീ​സ്​ അ​ൽ മു​ഹൈ​രി കേ​ന്ദ്രം ഉ​ദ്​​ഘാ​ട​നം ചെ​യ്തു.

ഷാ​ർ​ജ ജ​ന​റ​ൽ ട്രേ​ഡി​നാ​യു​ള്ള ഇ​ക്ക​ണോ​മി​ക്​ ഗ്രൂ​പ്​ ചെ​യ​ർ​മാ​ൻ ശൈ​ഖ്​ മാ​ജി​ദ്​ ബി​ൻ ഹ​മ​ദ്​ അ​ൽ ഖാ​സി​മി, ഷാ​ർ​ജ ബി​സി​ന​സ്​ വു​മ​ൺ കൗ​ൺ​സി​ൽ ചെ​യ​ർ​പേ​ഴ്​​സ​ൻ ശൈ​ഖ ഹി​ന്ദ്​ ബി​ൻ​ത്​ മാ​ജി​ത്​ അ​ൽ ഖാ​സി​മി, ഷാ​ർ​ജ ബി​സി​ന​സ്​ വു​മ​ൺ കൗ​ൺ​സി​ൽ പ്ര​തി​നി​ധി​ക​ൾ, മ​റ്റു​ വ​നി​ത പ്ര​തി​നി​ധി​ക​ൾ തു​ട​ങ്ങി​യ​വ​ർ ച​ട​ങ്ങി​ൽ സം​ബ​ന്ധി​ച്ചു.

മി​ഡി​ൽ ഈ​സ്റ്റി​ലും യു.​എ.​ഇ​യി​ലും ആ​ദ്യ​മാ​യാ​ണ്​ ഇ​ത്ത​ര​മൊ​രു കേ​ന്ദ്ര​ത്തി​ന്​ തു​ട​ക്കം കു​റി​ക്കു​ന്ന​തെ​ന്ന്​ അ​ബ്​​ദു​ൽ അ​സീ​സ്​ അ​ൽ മു​ഹൈ​രി പ​റ​ഞ്ഞു. പ്രാ​യ​ഭേ​ദ​മ​ന്യേ സ്ത്രീ​ക​ളു​ടെ ആ​രോ​ഗ്യ​വും ക്ഷേ​മ​വും മെ​ച്ച​പ്പെ​ടു​ത്താ​ൻ ല​ക്ഷ്യ​മി​ട്ടാ​ണ്​ കേ​ന്ദ്രം പ്ര​വ​ർ​ത്തി​ക്കു​ക.

സ്ത്രീ​ക​ളു​ടെ ആ​വ​ശ്യം നി​റ​വേ​റ്റാ​ൻ ക​ഴി​യു​ന്ന രീ​തി​യി​ലു​ള്ള നൂ​ത​ന​മാ​യ സാ​ഹ​ച​ര്യ​ങ്ങ​ളാ​ണ്​ ഇ​വി​ടെ ഒ​രു​ക്കി​യി​ട്ടു​ള്ള​ത്. നൂ​ത​ന​വും സ​മ​ഗ്ര​വു​മാ​യ ആ​രോ​ഗ്യ സേ​വ​ന​ങ്ങ​ൾ സ്ത്രീ​ക​ൾ​ക്ക് ന​ൽ​കു​ന്ന​തി​നു​ള്ള ന​ഗ​ര​ത്തി​ന്‍റെ പ്ര​തി​ബ​ദ്ധ​ത​യാ​ണ്​ പു​തി​യ കേ​ന്ദ്ര​ത്തി​ലൂ​ടെ പ്ര​തി​ഫ​ലി​ക്കു​ന്ന​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

ഉ​യ​ർ​ന്ന നി​ല​വാ​ര​ത്തി​ലു​ള്ള സേ​വ​ന​ങ്ങ​ൾ ന​ൽ​കു​ന്ന​തി​നാ​യി വി​ദ​ഗ്​​ധ​രാ​യ ഡോ​ക്ട​ർ​മാ​രും അം​ഗീ​കൃ​ത പ​രി​ശീ​ല​ക​രും അ​ട​ങ്ങു​ന്ന പ്ര​ത്യേ​ക ടീ​മി​നെ​യാ​ണ്​ സ​ണ്ണി​​വെ​ൽ​ന​സ്​ കേ​ന്ദ്ര​ത്തി​ൽ സ​ജ്ജ​മാ​ക്കി​യി​ട്ടു​ള്ള​ത്. ഫി​റ്റ്​​ന​സ്, പ്ര​കൃ​തി​ചി​കി​ത്സ, പോ​ഷ​കാ​ഹാ​രം, സൗ​ന്ദ​ര്യ ചി​കി​ത്സ​ക​ൾ, ഹെ​ർ​ബ​ൽ ചി​കി​ത്സ​ക​ൾ, വി​ശ്ര​മം തു​ട​ങ്ങി​വ ഉ​ൾ​പ്പെ​ടെ സ്ത്രീ​ക​ളു​ടെ ആ​രോ​ഗ്യ​വും ക്ഷേ​മ​വും പ്രോ​ത്സാ​ഹി​പ്പി​ക്കു​ന്ന​തി​നാ​യു​ള്ള വ്യ​ത്യ​സ്ത​ത​രം പ്രോ​ഗ്രാ​മു​ക​ളാ​ണ്​ സ​ണ്ണി വെ​ൽ​ന​സ്​ കേ​ന്ദ്ര​ത്തി​ൽ വാ​ഗ്ദാ​നം ചെ​യ്യു​ന്ന​ത്.