സന്തോഷ ജീവിതം; ആരോഗ്യമുള്ള സമൂഹം

ദുബൈ: മാനസികാരോഗ്യവുമായി ബന്ധപ്പെട്ട പ്രശ്​നങ്ങൾ വർധിക്കുന്ന സാഹചര്യത്തിൽ ദുബൈയിൽ സമഗ്ര മാനസികാരോഗ്യ പദ്ധതിക്ക്​ ദുബൈ ഹെൽത്ത്​ അതോറിറ്റി തുടക്കമിട്ടു. സന്തോഷ ജീവിതം; ആരോഗ്യമുള്ള സമൂഹം എന്ന പേരിൽ നടപ്പാക്കുന്ന പദ്ധതി 2016 മുതൽ 2021 വരെ ദുബൈയുടെ ആ​േരാഗ്യ രംഗത്ത്​ വരുത്തുന്ന വിവിധ പരിഷ്​ക്കാരങ്ങളുടെ ഭാഗമായാണ്​ ആവിഷ്​ക്കരിച്ചിരിക്കുന്നത്​. 

ജനങ്ങളെ ശാക്​തീകരിക്കാനും സന്തോഷകരവും സർഗ്ഗാത്​മകതയുള്ളതുമായ ജീവിതം നൽകാനുമാണ്​ ശ്രമിക്കുന്നതെന്ന്​ ദുബൈ ഹെൽത്ത്​ അതോറിറ്റി ചെയർമാൻ ഹുമൈദ്​ മുഹമ്മദ്​ ഉബൈദ്​ അൽ ഖാതമി പറഞ്ഞു. ഉത്​കണ്​ഠ, സ്വഭാവത്തിലെ മാറ്റങ്ങൾ തുടങ്ങി വിവിധതരത്തിലുള്ള മാനസിക പ്രശ്​നങ്ങൾ ദുബൈ നിവാസികൾ നേരിടുന്നുണ്ട്​. മാനസിക ചികിൽസ ശരിയായവിധം നൽകാത്തതു മൂലം രാജ്യത്തി​​​െൻറ മൊത്ത ദേശീയ ഉൽപാദനത്തിൽ നാല്​ ശതമാനം വരെ കുറവുണ്ടായേക്കാമെന്ന്​ കഴിഞ്ഞ ഫെബ്രുവരിയിൽ ദുബൈയിൽ നടന്ന ലോക ഗവൺമ​​െൻറ്​ ഉച്ചകോടിയിൽ സമർപ്പിച്ച ലോക സന്തോഷ സർവേയുടെ റിപ്പോർട്ടിൽ പറയുന്നുണ്ട്​. 

മാനസികാരോഗ്യവുമായി ബന്ധപ്പെട്ട വിവിധ വിഷയങ്ങളിൽ  ഗവേഷണങ്ങൾ സംഘടിപ്പിക്കുക, ഇൗ രംഗത്തെ സേവനങ്ങൾ പുനസംഘടിപ്പിക്കുക. ജീവനക്കാർക്ക്​ പരിശീലനം നൽകുക, പ്രഫഷണലുകൾക്ക്​ കൂടുതൽ വൈദഗ്​ധ്യം ലഭ്യമാക്കുക, ആത്​മഹത്യാ പ്രവണതയുള്ളവരെ പുനരധിവസിപ്പിക്കുക, മാനസികാരോഗ്യം വിലയിരുത്താനും നിരീക്ഷിക്കാനുമുള്ള സംവിധാനം ഏർപ്പെടുത്തുക, മാനസികാഘാതം ഏറ്റവർക്ക്​ വേണ്ട പിന്തുണ കൊടുക്കുക, ദുബൈക്ക്​ വേണ്ടി മാനസികാരോഗ്യ പദ്ധതികൾ ആവിഷ്​ക്കരിക്കുകയും നടപ്പാക്കുകയും ചെയ്യുക, ജനങ്ങൾക്കിടയിൽ അവബോധം സൃഷ്​ടിക്കുക, മാനസികാരോഗ്യ രംഗത്തേക്ക്​ വിദഗ്​ധരെ ആകർഷിക്കുകയും നിലനിർത്തുകയും ചെയ്യുക എന്നിവയൊക്കെ പദ്ധതിയുടെ ഭാഗമാണ്​.