ക്രിക്കറ്റ് കളിക്കിടെ ഹൃദയാഘാതം: ആലുവ സ്വദേശി യു.എ.ഇയിൽ മരിച്ചു

ദുബൈ: ക്രിക്കറ്റ് മത്സരത്തിനിടെ ഹൃദയാഘാതത്തെ തുടർന്ന് ആലുവ സ്വദേശി മരിച്ചു. ആലുവ ഹിൽ റോഡ് മനോജ് വിഹാറിൽ വൈശാഖ് ശശിധരനാണ് (35) മരിച്ചത്. ദുബൈയിൽ സുഹൃത്തുക്കൾക്കൊപ്പം ക്രിക്കറ്റ്​ കളിക്കിടെ കുഴഞ്ഞുവീഴുകയായിരുന്നു.

പിതാവ്: പരേതനായ കോട്ടയം കാരാപ്പുഴ കൊല്ലംപറമ്പിൽ വൈഷ്ണവം വീട്ടിൽ ശശിധരൻ. മാതാവ്: മഞ്ജു ശശിധരൻ. സഹോദരങ്ങൾ: വിഷ്ണു ശശിധരൻ (ബംഗളൂരു), കാർത്തിക ശശിധരൻ (യു.കെ), മാളവിക മനോജ്, ആദിഷ് മനോജ്. സംസ്കാരം വ്യാഴാഴ്ച ഉച്ചക്ക് രണ്ടിന്​​ ആലുവ എസ്.എൻ.ഡി.പി ശാന്തിതീരം ശ്മശാനത്തിൽ.