ര​ഹ​സ്യം പ​ര​സ്യ​മാ​ക്കി​യാ​ൽ യു.​എ.​ഇ​യി​ൽ ക​ന​ത്ത പി​ഴ

അ​ബൂ​ദ​ബി: ര​ഹ​സ്യ​ങ്ങ​ൾ വെ​ളി​പ്പെ​ടു​ത്തു​ന്ന​ത് യു.​എ.​ഇ​യി​ൽ കു​റ​ഞ്ഞ​ത് 1,50,000 ദി​ർ​ഹം പി​ഴ ചു​മ​ത്ത​പ്പെ​ടാ​വു​ന്ന കു​റ്റ​കൃ​ത്യ​മാ​യി പ്ര​ഖ്യാ​പി​ച്ചു. അ​ബൂ​ദ​ബി ജൂ​ഡീ​ഷ്യ​ൽ അ​തോ​റി​റ്റി ചൊ​വ്വാ​ഴ്ച​യാ​ണ് ആ​ളു​ക​ളു​ടെ സ്വ​കാ​ര്യ​ത​യെ സം​ര​ക്ഷി​ക്കു​ന്ന അ​പ​വാ​ദ പ്ര​ചാ​ര​ണ വി​രു​ദ്ധ, സൈ​ബ​ർ കു​റ്റ​കൃ​ത്യം നി​യ​മ​ത്തെ​ക്കു​റി​ച്ച് വി​ശ​ദീ​ക​ര​ണം ന​ൽ​കി​യ​ത്.

അ​ത്യാ​ധു​നി​ക സാ​ങ്കേ​തി​ക​വി​ദ്യ ഏ​വ​ർ​ക്കും ല​ഭ്യ​മാ​കു​മ്പോ​ൾ താ​മ​സ​ക്കാ​രു​ടെ സ്വ​കാ​ര്യ ഇ​ട​വും അ​തി​രു​ക​ളും എ​ക്കാ​ല​വും മാ​നി​ക്ക​പ്പെ​ടു​ന്നു​ണ്ടെ​ന്ന് ഉ​റ​പ്പു​വ​രു​ത്തു​ന്ന​താ​ണ് ഈ ​നി​യ​മം. ആ​രു​ടെ​യും അ​നു​മ​തി​യി​ല്ലാ​തെ ഫോ​ട്ടോ​ക​ൾ എ​ടു​ക്കാ​നോ സൂ​ക്ഷി​ക്കാ​നോ സം​സാ​രം റെ​ക്കോ​ഡ് ചെ​യ്യാ​നോ അ​വ പ​ങ്കു​വെ​ക്കാ​നോ പാ​ടി​ല്ലെ​ന്ന് അ​ബൂ​ദ​ബി ജു​ഡീ​ഷ്യ​ൽ വ​കു​പ്പ് താ​മ​സ​ക്കാ​രെ ഓ​ർ​മി​പ്പി​ച്ചു.

ആ​രു​ടെ​യെ​ങ്കി​ലും സ്വ​കാ​ര്യ​ത ലം​​ഘി​ച്ചാ​ൽ 1,50,000 ദി​ർ​ഹം മു​ത​ൽ അ​ഞ്ചു​ല​ക്ഷം ദി​ർ​ഹം​വ​രെ പി​ഴ​യും ആ​റു​മാ​സം വ​രെ ത​ട​വും ല​ഭി​ച്ചേ​ക്കു​മെ​ന്ന് അ​ധി​കൃ​ത​ർ മു​ന്ന​റി​യി​പ്പ് ന​ൽ​കി.

ഒ​രാ​ളു​ടെ വ്യ​ക്തി​വി​വ​ര​ങ്ങ​ളോ ചി​ത്ര​ങ്ങ​ളോ വാ​ർ​ത്ത​ക​ളോ അ​വ​രു​ടെ അ​നു​മ​തി​യി​ല്ലാ​തെ സ​മൂ​ഹ മാ​ധ്യ​മ​ങ്ങ​ളി​ൽ പ​ങ്കു​വെ​ക്കു​ക (പ​ങ്കു​വെ​ക്കു​ന്ന വി​വ​ര​ങ്ങ​ൾ സ​ത്യ​മാ​ണെ​ങ്കി​ൽ കൂ​ടി), ഒ​രു വ്യ​ക്തി​യെ​ക്കു​റി​ച്ചു​ള്ള സ്വ​കാ​ര്യ​ത വെ​ളി​പ്പെ​ടു​ത്തു​ന്ന ശ​ബ്ദ-​സ്രാ​വ്യ റെ​ക്കോ​ഡു​ക​ൾ ന​ട​ത്തു​ക​യും പ്ര​ക്ഷേ​പ​ണം ചെ​യ്യു​ക​യും ചെ​യ്യു​ക, അ​പ​ക​ട​ത്തി​ൽ പ​രി​ക്കേ​റ്റ​വ​രു​ടെ​യും മ​രി​ച്ച​വ​രു​ടെ​യും ചി​ത്ര​ങ്ങ​ൾ അ​നു​മ​തി​യി​ല്ലാ​തെ പ്ര​സി​ദ്ധീ​ക​രി​ക്കു​ക, ഒ​രു വ്യ​ക്തി​യു​ടെ ജി.​പി.​എ​സ് ലൊ​ക്കേ​ഷ​ൻ ട്രാ​ക് ചെ​യ്യു​ക തു​ട​ങ്ങി​യ കാ​ര്യ​ങ്ങ​ളെ​ല്ലാം കു​റ്റ​ക​ര​മാ​ണ്.വ്യ​ക്തി​ഹ​ത്യ ചെ​യ്യു​ക​യെ​ന്ന ല​ക്ഷ്യ​ത്തോ​ടെ അ​വ​രു​ടെ ശ​ബ്ദ​രേ​ഖ​യോ ഫോ​ട്ടോ​യോ വി​ഡി​യോ ദൃ​ശ്യ​ങ്ങ​ളോ മാ​റ്റം​വ​രു​ത്തി​യാ​ൽ 2,50,000 ദി​ർ​ഹം മു​ത​ൽ 5,00,000 ദി​ർ​ഹം​വ​രെ പി​ഴ​യും ഒ​രു​വ​ർ​ഷം വ​രെ ത​ട​വും ല​ഭി​ക്കാ​വു​ന്ന കു​റ്റ​മാ​ണെ​ന്നും കോ​ട​തി വി​ശ​ദീ​ക​രി​ച്ചു.