ശ​ക്ത​മാ​യ മ​ഴ; വാ​ദി​ക​ൾ നി​റ​ഞ്ഞു​ക​വി​ഞ്ഞു, ഓ​റ​ഞ്ച്​ അ​ല​ർ​ട്ട്​

ദു​ബൈ: വേ​ന​ൽ ചൂ​ട്​ ക​ന​ക്കു​ന്ന​തി​നി​ടെ ആ​ശ്വാ​സ​മാ​യി യു.​എ.​ഇ​യു​ടെ ചി​ല ഭാ​ഗ​ങ്ങ​ളി​ൽ ശ​ക്ത​മാ​യ മ​ഴ ല​ഭി​ച്ചു. അ​ബൂ​ബ​ദി​യി​ലെ ചി​ല മേ​ഖ​ല​ക​ളി​ലും അ​ൽ ഐ​നി​ലു​മാ​ണ്​ ശ​ക്ത​മാ​യ മ​ഴ രേ​ഖ​പ്പെ​ടു​ത്തി​യ​ത്. ചൊ​വ്വാ​ഴ്ച രാ​ത്രി വ​രെ ഇ​ടി​മി​ന്ന​ലി​നും കാ​റ്റി​നും സാ​ധ്യ​ത​യു​ള്ള​തി​നാ​ൽ ദേ​ശീ​യ കാ​ലാ​വ​സ്ഥ നി​രീ​ക്ഷ​ണ​കേ​ന്ദ്രം (എ​ൻ.​സി.​എം) ഓ​റ​ഞ്ച്​ അ​ല​ർ​ട്ടും പ്ര​ഖ്യാ​പി​ച്ചി​രു​ന്നു. ക​ട​ൽ പ്ര​ക്ഷു​ബ്​​ധ​മാ​വാ​ൻ സാ​ധ്യ​ത​യു​ണ്ടെ​ന്നും എ​ൻ.​സി.​എം അ​റി​യി​ച്ചി​രു​ന്നു.

മ​ഴ​മേ​ഘ​ങ്ങ​ൾ ഏ​കീ​ക​രി​ക്കു​ന്ന​തി​നാ​ലാ​ണ്​ ചൊ​വ്വാ​ഴ്ച വൈ​കീ​ട്ട്​ വ​രെ മ​ഴ​ക്ക്​ സാ​ധ്യ​ത ക​ൽ​പി​ച്ചി​രു​ന്ന​ത്. അ​തേ​സ​മ​യം, വ​ട​ക്ക്, കി​ഴ​ക്ക്​ മേ​ഖ​ല​ക​ളി​ലും ഉ​ൾ​പ്ര​ദേ​ശ​ങ്ങ​ളി​ലും ബു​ധ​നാ​ഴ്ച വൈ​കു​ന്നേ​രം ഏ​ഴു​വ​രെ മ​ണി​ക്കൂ​റി​ൽ 40 കി​ലോ​മീ​റ്റ​ർ വ​രെ വേ​ഗ​ത്തി​ൽ കാ​റ്റി​ന്​ സാ​ധ്യ​ത​യു​ണ്ടെ​ന്ന്​ എ​ൻ.​സി.​എം മു​ന്ന​റി​യി​പ്പ്​ ന​ൽ​കി. ചൊ​വ്വാ​ഴ്ച പെ​യ്ത മ​ഴ​യി​ൽ അ​ബൂ​ദ​ബി​യി​ലെ വാ​ദി​ക​ൾ നി​റ​ഞ്ഞു ക​വി​ഞ്ഞ​തി​ന്‍റെ​യും റോ​ഡി​ൽ വെ​ള്ളം കെ​ട്ടി​നി​ൽ​ക്കു​ന്ന​തി​ന്‍റെ​യും വി​ഡി​യോ എ​ൻ.​സി.​എം എ​ക്​​സ്​ അ​ക്കൗ​ണ്ടി​ൽ പ​ങ്കു​വെ​ച്ചി​രു​ന്നു. അ​ൽ ​ഐ​നി​ൽ അ​തി​രാ​വി​ലെ​യാ​ണ്​ മ​ഴ ല​ഭി​ച്ച​ത്.

ഒ​മാ​ൻ ക​ട​ലി​ൽ മ​ണി​ക്കൂ​റി​ൽ 45 കി​ലോ​മീ​റ്റ​ർ വ​രെ വേ​ഗ​ത്തി​ൽ കാ​റ്റ്​ വീ​ശാ​നും ഏ​ഴ്​ അ​ടി വ​രെ ഉ​യ​ര​ത്തി​ൽ തി​ര ഉ​യ​രാ​നും സാ​ധ്യ​ത​യു​ണ്ട്. ക​ട​ൽ പ്ര​ക്ഷു​ബ്​​ധ​മാ​വു​ക​യും ശ​ക്ത​മാ​യ കാ​റ്റ​ടി​ക്കു​ക​യും ചെ​യ്യു​ന്ന സാ​ച​ര്യ​ത്തി​ൽ ചൊ​വ്വാ​ഴ്ച വൈ​കീ​ട്ട്​ ആ​റു മ​ണി​വ​രെ​ ഓ​റ​ഞ്ച്​ അ​ല​ർ​ട്ട്​ പ്ര​ഖ്യാ​പി​ച്ചി​രു​ന്നു. അ​ബൂ​ദ​ബി​യി​ൽ 41 ഡി​ഗ്രി​യും ദു​ബൈ​യി​ൽ 42 ഡി​ഗ്രി​യു​മാ​ണ്​ ചൊ​വ്വാ​ഴ്ച രേ​ഖ​പ്പെ​ടു​ത്തി​യ അ​ന്ത​രീ​ക്ഷ താ​പ​നി​ല. പ​ർ​വ​ത മേ​ഖ​ല​ക​ളി​ൽ ഇ​ത്​ 25 ഡി​ഗ്രി​യാ​യി​രു​ന്നു. പ​ർ​വ​ത മേ​ഖ​ല​ക​ളി​ൽ ഈ​ർ​പ്പം 15 ശ​ത​മാ​ന​മാ​യി കു​റ​യു​ക​യും ചെ​യ്തു.

എ​ന്നാ​ൽ, തീ​ര​മേ​ഖ​ല​ക​ളി​ൽ ഈ​ർ​പ്പ​ത്തി​ന്‍റെ അ​ള​വ്​ 80 ശ​ത​മാ​ന​ത്തി​ലെ​ത്തി​യി​രു​ന്നു. ഇ​ടി​മി​ന്ന​ലോ​ട്​ കൂ​ടി​യ മ​ഴ​ക്കും കാ​റ്റി​നും സാ​ധ്യ​ത​യു​ള്ള​തി​നാ​ൽ പു​റം ജോ​ലി ചെ​യ്യു​ന്ന​വ​ർ ജാ​ഗ്ര​ത പാ​ലി​ക്ക​ണ​മെ​ന്നും അ​ധി​കൃ​ത​ർ അ​ഭ്യ​ർ​ഥി​ച്ചു. വാ​ഹ​ന യാ​ത്ര​ക്കാ​രും ശ്ര​ദ്ധി​ക്ക​ണം. മ​ഴ​യു​ള്ള സ​മ​യ​ങ്ങ​ളി​ലും വാ​ദി​ക​ളു​ടെ​യും വെ​ള്ളം കെ​ട്ടി നി​ൽ​ക്കു​ന്ന സ്ഥ​ല​ങ്ങ​ളു​ടെ​യും അ​ടു​ത്തേ​ക്ക്​ പോ​ക​രു​തെ​ന്ന്​ അ​ബൂ​ബ​ദി സി​വി​ൽ ഡി​ഫ​ൻ​സ്​ എ​ക്സ്​ അ​ക്കൗ​ണ്ടി​ലൂ​ടെ അ​ഭ്യ​ർ​ഥി​ച്ചി​രു​ന്നു.