യു.എ.ഇ ഏകീകൃത ഹിജ്​റ കലണ്ടർ പുറത്തിറക്കി

അബൂദബി:പുതു വർഷം പ്രമാണിച്ച്​ യു.എ.ഇ ഏകീകൃത ഹിജ്​റ കലണ്ടർ തയ്യാറാക്കിയതായി പ്രസിഡൻറ്​ കാര്യ മന്ത്രാലയം അറിയിച്ചു. ശരീഅത്തും ഗോളശാസ്​ത്ര തത്വങ്ങളും പാലിച്ച്​ അറബ്​-ഇസ്​ലാമിക പണ്ഡിതർ മൂന്നു വർഷമായി നടത്തി വരുന്ന പഠനങ്ങളുടെ അടിസ്​ഥാനത്തിലാണ്​ ഏകീകൃത കലണ്ടർ പൂർത്തിയായതെന്ന്​ പ്രസിഡൻറ്​ കാര്യ ഉപ മന്ത്രിയും ശൈഖ്​ സായിദ്​ ഗ്രാൻറ്​ മോസ്​ക്​ സ​െൻറർ ട്രസ്​റ്റിയുമായ അഹ്​മദ്​ ജുമാ അൽ സഅബി വ്യക്​തമാക്കി. ഭൗതികശാസ്​​ത്രം, ​ബഹിരാകാശ-ഗോള ശാസ്​ത്രം എന്നിവയിൽ പ്രഗൽഭരായ പ്രത്യേക സമിതികളും സംഘങ്ങളുമാണ്​ ഇവയുടെ പ്രവർത്തനങ്ങൾ നടത്തിയത്​. ശരീഅത്ത്​ വ്യവസ്​ഥകളും ശാസ്​ത്രീയ ഗവേഷണ ഫലങ്ങളും പരിഗണിച്ചാണ്​ ഒാരോ എമിറേറ്റുകളുടെയും നമസ്​കാര സമയങ്ങൾ തയ്യാറാക്കിയത്​.