വാ​രാ​ന്ത്യ അ​വ​ധി​മാ​റ്റം: ബി​സി​ന​സ്​ രം​ഗ​ത്തി​ന്​ ഉ​ണ​ർ​വാ​കും

ദു​ബൈ: യു.​എ.​ഇ​യി​ലെ വാ​രാ​ന്ത്യ അ​വ​ധി​ദി​ന​ങ്ങ​ളി​ലെ പു​തി​യ​മാ​റ്റം രാ​ജ്യ​ത്തെ ബി​സി​ന​സ്​ രം​ഗ​ത്തി​ന്​ വ​ലി​യ രീ​തി​യി​ൽ ഉ​ണ​ർ​വേ​കു​മെ​ന്ന്​ പ്ര​തീ​ക്ഷ. ശനി, ഞായർ ദിവസങ്ങളിലായിരിക്കും ഇനിമുതൽ അവധി. വെള്ളിയാഴ്​ച ഉച്ചവരെ പ്രവൃത്തി ദിനമായിരിക്കും. ലോ​ക​ത്തു​ത​ന്നെ ആഴ്​ചയിൽ അ​ഞ്ചു​ദി​വ​സ​ത്തി​ൽ കു​റ​വ്​ ജോ​ലി​സ​മ​യം നി​ശ്ച​യി​ക്കു​ന്ന ആ​ദ്യ രാ​ജ്യ​മാ​ണ്​ യു.​എ.​ഇ. ജീ​വ​ന​ക്കാ​ർ​ക്ക്​ ര​ണ്ട​ര ദി​വ​സ​മാ​ണ്​ രാ​ജ്യ​ത്ത്​ ഒ​ഴി​വു​ സ​മ​യം ല​ഭി​ക്കു​ന്ന​ത്. സാ​മ്പ​ത്തി​ക രം​ഗ​ത്തെ മ​ത്സ​ര​ശേ​ഷി മെ​ച്ച​പ്പെ​ടു​ത്തു​ന്ന​തി​നു​ള്ള നി​ര​വ​ധി​യാ​യ പ​രി​ഷ്​​ക​ര​ണ​ങ്ങ​ളു​ടെ ഭാ​ഗ​മാ​യാ​ണ്​ പു​തി​യ സ​മ​യ​മാ​റ്റം കൊ​ണ്ടു​വ​ന്നി​ട്ടു​ള്ള​ത്. ക​ഴി​ഞ്ഞ മാ​സം രാ​ജ്യ​ത്തെ തൊ​ഴി​ൽ നി​യ​മ​ങ്ങ​ളി​ലും സി​വി​ൽ-​ക്രി​മി​ന​ൽ നി​യ​മ​ങ്ങ​ളി​ലും പ​രി​ഷ്​​ക​ര​ണം പ്ര​ഖ്യാ​പി​ച്ചി​രു​ന്നു.

ബി​സി​ന​സ്​ രം​ഗ​ം ലോ​കോ​ത്ത​ര നി​ല​വാ​ര​ത്തി​ലേ​ക്ക്​ ഉ​യ​ർ​ത്തു​ന്ന​തി​നൊ​പ്പം സാ​മൂ​ഹി​ക​ക്ഷേ​മം മെ​ച്ച​പ്പെ​ടു​ത്തു​ന്ന​തു​കൂ​ടി ല​ക്ഷ്യം വെ​ച്ചാ​ണ്​ സ​ർ​ക്കാ​ർ പു​തി​യ ന​ട​പ​ടി​ക​ൾ സ്വീ​ക​രി​ച്ചി​ട്ടു​ള്ള​ത്.

ആ​ഗോ​ള വി​പ​ണി​ക​ളു​മാ​യി യു.​എ.​ഇ​യെ മി​ക​ച്ച രീ​തി​യി​ൽ യോ​ജി​പ്പി​ക്കാ​ൻ പു​തി​യ പ്ര​വൃ​ത്തി ആ​ഴ്​​ച സം​വി​ധാ​നം സ​ഹാ​യി​ക്കും. നി​ക്ഷേ​പ​ക​ർ​ക്കും അ​ന്താ​രാ​ഷ്​​ട്ര ക​മ്പ​നി​ക​ൾ​ക്കും വ​ലി​യ​രീ​തി​യി​ൽ സ​ഹാ​യ​ക​വും പ്രോ​ത്സാ​ഹ​ന​വു​മാ​കും തീ​രു​മാ​ന​മെ​ന്നും നി​രീ​ക്ഷി​ക്ക​പ്പെ​ടു​ന്നു. ശ​നി, ഞാ​യ​ർ ദി​വ​സ​ങ്ങ​ൾ വാ​രാ​ന്ത്യ​മാ​യി ക​ണ​ക്കാ​ക്കു​ന്ന രാ​ജ്യ​ങ്ങ​ളു​മാ​യു​ള്ള സു​ഗ​മ​മാ​യ സാ​മ്പ​ത്തി​ക, വ്യാ​പാ​ര ഇ​ട​പാ​ടു​ക​ൾ ഉ​റ​പ്പാ​ക്കു​ക​യും യു.​എ.​ഇ ആ​സ്ഥാ​ന​മാ​യു​ള്ള ആ​യി​ര​ക്ക​ണ​ക്കി​ന് ബ​ഹു​രാ​ഷ്​​ട്ര ക​മ്പ​നി​ക​ൾ​ക്ക് അ​ന്താ​രാ​ഷ്​​ട്ര ബി​സി​ന​സ്​ ബ​ന്ധ​ങ്ങ​ളും അ​വ​സ​ര​ങ്ങ​ളും സു​ഗ​മ​മാ​ക്കു​ക​യും ചെ​യ്യും. ഇ​ത്​ പു​തി​യ വ്യാ​പാ​ര അ​വ​സ​ര​ങ്ങ​ൾ തു​റ​ക്കാ​നും പൗ​ര​ന്മാ​ർ​ക്കും താ​മ​സ​ക്കാ​ർ​ക്കും എ​ളു​പ്പ​മു​ള്ള അ​ന്ത​രീ​ക്ഷം സൃ​ഷ്​​ടി​ക്കു​മെ​ന്നും വി​ല​യി​രു​ത്ത​പ്പെ​ടു​ന്നു.

യു.​എ.​ഇ​യു​ടെ മാ​ന​വ വി​ഭ​വ​ശേ​ഷി, എ​മി​റേ​റ്റൈ​സേ​ഷ​ൻ മ​ന്ത്രി അ​ബ്​​ദു​റ​ഹ്​​മാ​ൻ അ​ൽ അ​വാ​ർ സ്വ​കാ​ര്യ മേ​ഖ​ല​യി​ലെ ക​മ്പ​നി​ക​ളോ​ടും ബി​സി​ന​സു​ക​ളോ​ടും രാ​ജ്യം പ്ര​ഖ്യാ​പി​ച്ച പു​തി​യ വ​ർ​ക്കി​ങ്​ വീ​ക്ക് സം​വി​ധാ​നം പ്ര​യോ​ജ​ന​പ്പെ​ടു​ത്താ​ൻ ആ​ഹ്വാ​നം ചെ​യ്​​തി​ട്ടു​ണ്ട്. ജു​മു​അ ന​മ​സ്‌​കാ​ര​ത്തി​ന് ജീ​വ​ന​ക്കാ​ർ​ക്ക് അ​വ​ധി ന​ൽ​കാ​നും തൊ​ഴി​ലു​ട​മ​ക​ൾ ബാ​ധ്യ​സ്ഥ​രാ​ണെ​ന്ന്​ അ​റി​യി​പ്പി​ൽ വ്യ​ക്​​ത​മാ​ക്കി​യി​ട്ടു​ണ്ട്. നേ​ര​ത്തെ പ്ര​ഖ്യാ​പി​ച്ച തൊ​ഴി​ൽ​നി​യ​മ​മ​നു​സ​രി​ച്ച്​ സ്വ​കാ​ര്യ മേ​ഖ​ല​യി​ലെ ജീ​വ​ന​ക്കാ​ർ​ക്ക് ആ​ഴ്​​ച​യി​ൽ ഒ​രു​ദി​വ​സ​മെ​ങ്കി​ലും അ​വ​ധി ന​ൽ​ക​ൽ നി​ർ​ബ​ന്ധ​മാ​ണ്. ക​മ്പ​നി​ക​ൾ​ക്ക്​ ഇ​ത്​ വ​ർ​ധി​പ്പി​ക്കാ​ൻ തീ​രു​മാ​ന​മെ​ടു​ക്കാ​വു​ന്ന​തു​മാ​ണ്.