ഹോട്ടൽ മുറിയിൽ തീപിടിത്തം; ആറുപേർക്ക്​ പരിക്ക്​ ഒമ്പത്​ പേരെ രക്ഷിച്ചു

അബൂദബി: അബൂദബിയിലെ ഹോട്ടൽ മുറിയിലുണ്ടായ തീപിടിത്തത്തിൽ ആറുപേർക്ക്​ പരിക്കേറ്റു. ഒമ്പത്​ പേരെ അബൂദബി സിവിൽ ഡിഫൻസ്​ സംഘം രക്ഷിച്ചു. 
ഹോട്ടലി​​െൻറ 14ാം നിലയിലെ കിടപ്പുമുറിയിൽ തിങ്കളാഴ്​ചയാണ്​ തീപിടിത്തമുണ്ടായത്​. തീ വ്യാപിക്കുന്നത്​ സിവിൽ ഡിഫൻസ്​ ജീവനക്കാർ തടഞ്ഞതിനാൽ കൂടുതൽ പേർക്ക്​ പരിക്കേറ്റില്ല. തീപിടിത്തത്തി​​െൻറ കാരണം അന്വേഷിച്ച്​ വരികയാണെന്ന്​ അബൂദബി സിവിൽ ഡിഫൻസ്​ ജനറൽ ഡിപാർട്ട്​മ​െൻറ്​ ഡയറക്​ടർ ജനറൽ ബ്രിഗേഡിയർ മുഹമ്മദ്​ മയൂഫ്​ ആൽ കിത്​ബി അറിയിച്ചു.