ഫു​ജൈ​റ​യി​ൽ വീ​ട്ടി​ൽ തീ​പി​ടി​ത്തം: ര​ണ്ടു കു​ട്ടി​ക​ൾ മ​രി​ച്ചു

ഫു​ജൈ​റ: എ​മി​റേ​റ്റി​ലെ അ​ൽ തൂ​വി​യ​ൻ മേ​ഖ​ല​യി​ലെ വീ​ട്ടി​ലു​ണ്ടാ​യ തീ​പി​ടി​ത്ത​ത്തി​ൽ ഇ​മാ​റാ​ത്തി​ക​ളാ​യ​ ര​ണ്ടു പി​ഞ്ചു​​കു​ട്ടി​ക​ൾ മ​രി​ച്ചു. ഒ​രു കു​ട്ടി​ക്ക്​ ഗു​രു​ത​ര​മാ​യി പൊ​ള്ള​ലേ​റ്റു. എ​ട്ടു വ​യ​സ്സു​ള്ള ​പെ​ൺ​കു​ട്ടി​യും ഏ​ഴു വ​യ​സ്സു​ള്ള ആ​ൺ​കു​ട്ടി​യു​മാ​ണ്​​ മ​രി​ച്ച​ത്. അ​ഞ്ചു വ​യ​സ്സു​കാ​ര​നാ​ണ്​ ഗു​രു​ത​ര​മാ​യി പൊ​ള്ള​ലേ​റ്റ​ത്. ചൊ​വ്വാ​ഴ്ച പു​ല​ർ​ച്ച ര​ണ്ടോ​ടെ​യാ​ണ്​ തീ​പി​ടി​ത്ത​മു​ണ്ടാ​യ വി​വ​രം ഫു​ജൈ​റ സി​വി​ൽ ഡി​ഫ​ൻ​സ്​ ഓ​പ​റേ​റ്റി​ങ്​ റൂ​മി​ൽ ല​ഭി​ക്കു​ന്ന​ത്.

ഉ​ട​ൻ സം​ഭ​വ​സ്ഥ​ല​ത്തെ​ത്തി​യ സി​വി​ൽ ഡി​ഫ​ൻ​സ്​ ഉ​ദ്യോ​ഗ​സ്ഥ​ർ ര​ക്ഷാ​പ്ര​വ​ർ​ത്ത​നം ഊ​ർ​ജി​ത​മാ​ക്കി. ​തീ ​നി​യ​ന്ത്ര​ണ​വി​ധേ​യ​മാ​ക്കി​യ ശേ​ഷ​മാ​ണ്​ പ​രി​ക്കേ​റ്റ​വ​രെ ദി​ബ്ബ ആ​ശു​പ​ത്രി​യി​ലേ​ക്ക്​ മാ​റ്റി​യ​ത്​. മ​രി​ച്ച​വ​രു​ടെ കൂ​ടു​ത​ൽ വി​വ​ര​ങ്ങ​ൾ അ​ധി​കൃ​ത​ർ വെ​ളി​പ്പെ​ടു​ത്തി​യി​ട്ടി​ല്ല. തീ​പി​ടി​ത്ത കാ​ര​ണം വ്യ​ക്ത​മ​ല്ല. സം​ഭ​വ​ത്തി​ൽ പൊ​ലീ​സ്​ അ​ന്വേ​ഷ​ണം ആ​രം​ഭി​ച്ചു. ചൂ​ട്​ കൂ​ടു​ന്ന സാ​ഹ​ച​ര്യ​ത്തി​ൽ അ​തോ​റി​റ്റി​ക​ൾ ന​ൽ​കു​ന്ന സു​ര​ക്ഷ നി​ർ​ദേ​ശ​ങ്ങ​ൾ എ​ല്ലാ വീ​ട്ടു​കാ​രും പാ​ലി​ക്ക​ണ​മെ​ന്ന്​ സി​വി​ൽ ഡി​ഫ​ൻ​സ്​ ഡി​പാ​ർ​ട്ട്​ ഡ​യ​റ​ക്ട​ർ ബ്രി​ഗേ​ഡി​യ​ർ അ​ലി ഉ​ബൈ​ദ്​ അ​ൽ തു​നൈ​ജി അ​ഭ്യ​ർ​ഥി​ച്ചു.

ഇ​ല​ക്​​ട്രി​ക്​ ലൈ​നു​ക​ളു​ടെ അ​റ്റ​കു​റ്റ​പ്പ​ണി കൃ​ത്യ​മാ​യി ന​ട​ക്കു​ന്നു​ണ്ടെ​ന്ന്​ ഉ​റ​പ്പു​വ​രു​ത്ത​ണം. എ.​സി, ഫ്രി​ഡ്ജ്​ പോ​ലു​ള്ള ഉ​പ​ക​ര​ണ​ങ്ങ​ൾ മൂ​ല​മു​ള്ള അ​ധി​ക ലോ​ഡ്​ വ​ർ​ധി​ക്കു​മ്പോ​ഴു​ണ്ടാ​കു​ന്ന സാ​ഹ​ച​ര്യ​ങ്ങ​ൾ ഒ​ഴി​വാ​ക്ക​ണ​മെ​ന്നും അ​ദ്ദേ​ഹം പ​റ​ഞ്ഞു.