റ​​െണ്ണാഴുക്കോ വിക്കറ്റ്​ വീഴ്​ചയോ; യു.എ.ഇയിലെ പിച്ചുകൾ എങ്ങനെ പെരുമാറും

ദുബൈ: ഐ.പി.എല്ലിൽനിന്ന്​ ലോകകപ്പിലേക്ക്​ എത്തിനിൽക്കു​േമ്പാൾ യു.എ.ഇയിലെ പിച്ചുകളുടെ സ്വഭാവം എന്തായിരിക്കും? തുടർച്ചയായ മത്സരങ്ങൾ നടന്നാലും ക്ഷീണിക്കാത്ത ചരിത്രമാണ്​ യു.എ.ഇയിലെ പിച്ചുകളുടേത്​.

ഐ.പി.എല്ലിന്​ പിന്നാലെ ലോകകപ്പ്​ പ്രാഥമിക റൗണ്ട്​ മത്സരങ്ങളും നടന്നത്​ ഇവിടെയാണ്​. ദുബൈ, ഷാർജ, അബൂദബി പിച്ചുകൾ എങ്ങനെ പെരുമാറുമെന്ന്​ നോക്കാം.

ഷാർജ

റൺസൊഴുകുമെന്ന്​ പ്രതീക്ഷിച്ച ഷാർജ സ​്​റ്റേഡിയത്തിൽ കഴിഞ്ഞ ഐ.പി.എല്ലിൽ കണ്ടത്​ റൺ വരൾച്ചയാണ്​.

2020 സീസണിൽ ഓരോ 12 പന്തിലും സിക്​സറുകൾ എത്തിയിരുന്നെങ്കിൽ ഈ സീസണിൽ ഇത്​ 23 പന്തായി. ആകെ 98 സിക്​സാണ്​ അടിച്ചത്​. സ്​പിന്നർമാരെയും പേസർമാരെയും ഒരേ പോലെ പിന്തുണക്കുന്നതാണ്​ കണ്ടത്​. സ്​പിന്നർമാർ ഒരോവറിൽ ശരാശരി 6.79 റൺസ്​ വീതം വഴങ്ങിയപ്പോൾ പേസർമാരുടേത്​ 6.92 ആയിരുന്നു. സ്​പിന്നർമാർ 22 പന്ത്​ കൂടു​േമ്പാൾ വിക്കറ്റെടു​ത്തപ്പോൾ പേസർമാർ 17 പന്തിൽ വിക്കറ്റെടുത്തു.

ഷാർജയിൽ ഇന്ത്യക്ക്​ മത്സരങ്ങളില്ല. പാകിസ്​താൻ, ന്യൂസിലൻഡ്​, ദക്ഷിണാഫ്രിക്ക, ഇംഗ്ലണ്ട്​ ടീമുകൾക്ക്​ രണ്ട്​ മത്സരം വീതമുണ്ട്​. ഐ.പി.എല്ലിന്​ സമാനമായാണ്​ പിച്ചി​െൻറ സ്വഭാവമെങ്കിൽ പാകിസ്​താനും ദക്ഷിണാഫ്രിക്കക്കുമായിരിക്കും ഗുണം ചെയ്യുക.

ദുബൈ

കുറെ നാളായി ദുബൈ സ്​റ്റേഡിയത്തിലെ ശരാശരി സ്​കോർ 150- 160 റൺസാണ്​. പേസർമാരെയാണ്​ അൽപം കൂടി തുണക്കുന്നത്​. സ്​പിന്നർമാർ ഓരോ 32 പന്തിലും വിക്കറ്റെടുക്കു​േമ്പാൾ പേസർമാർ 27 പന്തിനിടെ വിക്ക​റ്റെടുക്കാറുണ്ട്​. മൂന്ന്​ പേസർമാരുമായായിരിക്കും ടീമുകൾ കളത്തിലിറങ്ങുക. ദുബൈ സ്​റ്റേഡിയത്തിലെ പിച്ചി​െൻറ സ്​ഥാനവും നിർണായകമാണ്​.

ഒരു എൻഡിൽ ബൗണ്ടറിൽ അൽപം അടുത്താണ്​. ഈ എൻഡിൽ നിൽക്ക​ു​േമ്പാൾ ബാറ്റ്​സ്​മാൻമാർ കൂടുതൽ ആക്രമിക്കാൻ ശ്രമിക്കാറുണ്ട്​. എന്നാൽ, അപ്പുറത്തെ എൻഡിൽ നിന്ന്​ ബൗൾ ചെയ്യു​േമ്പാൾ ബൗളർമാരും തന്ത്രങ്ങൾ മെനയുന്നു. ഇന്ത്യക്ക്​ ഇവിടെ മൂന്ന്​ മത്സരങ്ങളുണ്ട്​. ഐ.പി.എല്ലിൽ കൂടുതൽ മത്സരങ്ങൾ ഇവിടെ കളിച്ചതി​െൻറ പരിചയം ഇന്ത്യക്ക്​ ഗുണം ചെയ്യും.

അബൂദബി

ലോകകപ്പിൽ ഏറ്റവും കൂടുതൽ റൺസൊഴുകാൻ സാധ്യതയുള്ള പിച്ചാണ്​ അബൂദബി. ബാറ്റിങ്ങിന്​ അനുകൂലമാണ്​ ഇവിടെയുള്ള വിക്കറ്റുകൾ. എന്നാൽ, മറ്റ്​ രണ്ട്​ സ്​റ്റേഡിയങ്ങളെ അപേക്ഷിച്ച്​ ബൗണ്ടറികൾ അകലെയാണ്​ എന്നത്​ ബൗളർമാർക്ക്​ ആശ്വാസം നൽകുന്നു.

ഐ.പി.എൽ ലീഗ്​ റൗണ്ടിലെ അവസാന മത്സരത്തിൽ മുംബൈയും ഹൈദരാബാദും ചേർന്ന്​ 400 റൺസിലേറെ സ്​കോർ ചെയ്​തത്​ ഈ പിച്ചിലാണ്​. സ്​പിന്നർമാരേക്കാൾ മുൻതൂക്കം പേസ്​ ബൗളിങ്ങിനാണ്​. സ്​പിന്നർമാർ ഒ​ാരോ 33 പന്തിലും വിക്കറ്റെടുക്കു​േമ്പാൾ പേസർമാർ 29 പന്തിൽ വിക്കറ്റ്​ വീഴ്​ത്തും.

രാത്രി മത്സരങ്ങളിൽ രണ്ടാമത്​ ബാറ്റ്​ ചെയ്യുന്ന ടീമിനാണ്​ മുൻതൂക്കം. ഇന്ത്യക്ക്​ ഒരു മത്സരം മാത്രമാണ്​ ഇവിടെയുള്ളത്​. ആസ്​ട്രേലിയ, വെസ്​റ്റിൻഡീസ്​ ടീമുകൾക്ക്​ രണ്ട്​ മത്സരവും അഫ്​ഗാനിസ്​താന്​ മൂന്ന്​ മത്സരവും ഇവിടെയുണ്ട്​.