ഖ​ത്ത​ർ ലോ​ക​ക​പ്പ്​ കാ​ണാ​ൻ എ​ങ്ങി​നെ റോ​ഡ്​ മാ​ർ​ഗം പോ​കാം

ലോ​ക​ക​പ്പ്​ ന​ട​ക്കു​ന്ന​ത്​ ഖ​ത്ത​റി​ലാ​ണെ​ങ്കി​ലും ആ​ര​വം മു​ഴ​ങ്ങു​ന്ന​ത്​ ഗ​ൾ​ഫ്​ രാ​ജ്യ​ങ്ങ​ളി​ലൊ​ന്ന​ട​ങ്ക​മാ​ണ്. 17 ദ​ശ​ല​ക്ഷം പേ​ർ ഇ​തി​ന​കം ടി​ക്ക​റ്റ്​ ബു​ക്ക്​ ചെ​യ്​​തി​ട്ടു​ണ്ടെ​ങ്കി​ൽ അ​തി​ൽ ന​ല്ലൊ​രു ശ​ത​മാ​ന​വും ഗ​ൾ​ഫ്​ രാ​ജ്യ​ങ്ങ​ളി​ൽ നി​ന്നാ​കു​മെ​ന്നു​റ​പ്പ്. ജി.​സി.​സി​യി​ലേ​ക്ക്​ ആ​ദ്യ​മാ​യി വി​രു​ന്നെ​ത്തു​ന്ന ലോ​ക​ക​പ്പി​നെ അ​ത്ര​മേ​ൽ ആ​വേ​ശ​ത്തോ​ടെ​യാ​ണ്​ അ​വ​ർ വ​ര​വേ​ൽ​ക്കാ​നൊ​രു​ങ്ങു​ന്ന​ത്. ഗ​ൾ​ഫി​ലെ നി​ര​വ​ധി മ​ല​യാ​ളി പ്ര​വാ​സി​ക​ൾ ലോ​ക​ക​പ്പി​ന്​ ടി​ക്ക​റ്റ്​ ബു​ക്ക്​ ചെ​യ്​​തി​ട്ടു​ണ്ടെ​ങ്കി​ലും അ​വ​രെ നി​രാ​ശ​പ്പെ​ടു​ത്തു​ന്ന​താ​ണ്​ വി​മാ​ന ടി​ക്ക​റ്റ്​ നി​ര​ക്ക്.

ലോ​ക​ക​പ്പി​നോ​ട​ടു​ക്കു​മ്പോ​ൾ റോ​ക്ക​റ്റ്​ വേ​ഗ​ത്തി​ലാ​ണ്​ ടി​ക്ക​റ്റ്​ നി​ര​ക്ക്​ കു​തി​ച്ചു​യ​രു​ന്ന​ത്. അ​ടു​ത്ത വ​ഴി റോ​ഡ്​ മാ​ർ​ഗ​മാ​ണ്. 6^7​ മ​ണി​ക്കൂ​ർ കൊ​ണ്ട് യു.​എ.​ഇ​യി​ൽ നി​ന്ന് ഖ​ത്ത​റി​ലെ​ത്താ​ൻ വ​ഴി​യു​ണ്ട് (വി​മാ​ന യാ​ത്ര​ക്ക്​ ഒ​രു​മ​ണി​ക്കൂ​ർ). ചി​ല​വ്​ കു​റ​ക്ക​ൽ മാ​ത്ര​മ​ല്ല, മ​രു​ഭൂ​മി​യു​ടെ ന​ടു​വി​ലൂ​ടെ​യു​ള്ള യാ​ത്ര ആ​ഗ്ര​ഹി​ക്കു​ന്ന​വ​ർ​ക്ക്​ ഉ​ഗ്ര​നൊ​രു റൈ​ഡ്​ കൂ​ടി​യാ​യി​രി​ക്കും ഇ​ത്. യാ​ത്ര​ക്കൊ​രു​ങ്ങു​ന്ന​വ​ർ ശ്ര​ദ്ധി​ക്കേ​ണ്ട കാ​ര്യ​ങ്ങ​ൾ എ​ന്തൊ​ക്കെ​യാ​ണെ​ന്ന്​ നോ​ക്കാം.

റൂ​ട്ട്​ ഇ​താ​ണ്​

യു.​എ.​ഇ​യും ഖ​ത്ത​റും നേ​രി​ട്ട്​ അ​തി​ർ​ത്തി പ​ങ്കി​ടാ​ത്ത​തി​നാ​ൽ യാ​ത്ര സൗ​ദി വ​ഴി​യാ​യി​രി​ക്കും. യു.​എ.​ഇ^​സൗ​ദി അ​തി​ർ​ത്തി​യാ​യ ഗു​വൈ​ഫാ​ത്ത്​ ക​ട​ന്ന്​ സൗ​ദി​യി​ലെ സ​ൽ​വ പോ​ർ​ട്ട്​ വ​ഴി​യാ​ണ്​ ദോ​ഹ​യി​ൽ എ​ത്തേ​ണ്ട​ത്. ഗു​വൈ​ഫാ​ത്തി​ൽ നി​ന്ന്​ 120 കി​ലോ​മീ​റ്റ​ർ വ​ണ്ടി​യോ​ടി​ച്ചാ​ൽ സ​ൽ​വ​യി​ലെ​ത്തും. ഇ​വി​ടെ​യാ​ണ്​ ഖ​ത്ത​ർ^​സൗ​ദി അ​തി​ർ​ത്തി. ദു​ബൈ​യി​ൽ നി​ന്ന്​ 695 കി​ലോ​മീ​റ്റ​റും അ​ബൂ​ദ​ബി​യി​ൽ നി​ന്ന്​ 588 കി​ലോ​മീ​റ്റ​റു​മാ​ണ്​ ദോ​ഹ​യി​ലേ​ക്കു​ള്ള ദൂ​രം. തി​ര​ക്കു​ള്ള ദി​വ​സ​ങ്ങ​ളി​ൽ ര​ണ്ട്​ മ​ണി​ക്കൂ​ർ വ​രെ അ​തി​ർ​ത്തി ക​ട​ക്കാ​ൻ സ​മ​യ​മെ​ടു​ത്തേ​ക്കും. ഇ​ത്​ മു​ൻ​കൂ​ട്ടി ക​ണ്ട്​ വേ​ണം യാ​ത്ര പ്ലാ​ൻ ചെ​യ്യാ​ൻ. ക​സ്​​റ്റം​സി​​ന്‍റെ വാ​ഹ​ന പ​രി​ശോ​ധ​ന​യും ഉ​ണ്ടാ​കും. മ​ണി​ക്കൂ​റി​ൽ 120 കി​ലോ​മീ​റ്റ​ർ വേ​ഗ​ത​യി​ൽ സ​ഞ്ച​രി​ക്കാ​ൻ ക​ഴി​യു​ന്ന റോ​ഡാ​ണ്​ ഭൂ​രി​ഭാ​ഗ​വും.

വി​സ​യെ​ടു​ക്ക​ണം

യാ​ത്ര സൗ​ദി വ​ഴി​യാ​യ​തി​നാ​ൽ ഖ​ത്ത​റി​​ന്‍റെ​യും സൗ​ദി​യു​ടെ​യും വി​സ നി​ർ​ബ​ന്ധ​മാ​ണ്. ട്രാ​ൻ​സി​റ്റ്, ടൂ​റി​സ്​​റ്റ്, വി​സി​റ്റ്​ വി​സ​ക​ളി​ൽ ഏ​തെ​ങ്കി​ലും മ​തി. ജി.​സി.​സി പൗ​ര​ൻ​മാ​ർ​ക്ക്​ വി​സ ആ​വ​ശ്യ​മി​ല്ല. വി​സ​ക​ൾ ഓ​ൺ​ലൈ​നാ​യി എ​ടു​ക്കാ​ൻ ക​ഴി​യും.

ഇ​ൻ​ഷ്വ​റ​ൻ​സ്​ നി​ർ​ബ​ന്ധം

വി​സ​ക്കൊ​പ്പം ത​ന്നെ പ്ര​ധാ​ന​മാ​ണ്​ ജി.​സി.​സി​യി​ലു​ട​നീ​ള​മു​ള്ള വാ​ഹ​ന ഇ​ൻ​ഷ്വ​റ​ൻ​സ്. ഏ​ക​ദേ​ശം 200 ദി​ർ​ഹ​മാ​ണ്​ മൂ​ന്ന്​ മാ​സ​ത്തേ​ക്കു​ള്ള ഇ​ൻ​ഷ്വ​റ​ൻ​സി​ന്​​ ചെ​ല​വ്​ വ​രു​ന്ന​ത്. ഇ​തി​ന്​ പു​റ​മെ, വ്യ​ക്​​തി​ഗ​ത ഇ​ൻ​ഷ്വ​റ​ൻ​സും വേ​ണ്ടി വ​രും. 15 ദി​വ​സ​ത്തെ തേ​ർ​ഡ്​ പാ​ർ​ട്ടി ഇ​ൻ​ഷ്വ​റ​ൻ​സി​ന്​ 200 ദി​ർ​ഹ​മാ​ണ്​ ചെ​ല​വ്. കു​റ​ച്ച്​ ദി​വ​സം മാ​ത്രം ത​ങ്ങാ​ൻ ​ആ​ഗ്ര​ഹി​ക്കു​ന്ന​വ​ർ​ക്ക്​ ഈ ​ഇ​ൻ​ഷ്വ​റ​ൻ​സ്​ മ​തി​യാ​കും. സൗ​ദി, ഖ​ത്ത​ർ അ​തി​ർ​ത്തി​ക​ളി​ൽ ഇ​ത്​ കാ​ണി​ക്ക​ണം. ചി​ല സ്​​ഥാ​പ​ന​ങ്ങ​ൾ വി​സ​ക്കൊ​പ്പം തേ​ർ​ഡ്​ പാ​ർ​ട്ടി ഇ​ൻ​ഷ്വ​റ​ൻ​സും ന​ൽ​കു​ന്നു​ണ്ട്. ഓ​ൺ​ലൈ​നാ​യി ഇ​ൻ​ഷ്വ​റ​ൻ​സ്​ എ​ടു​ക്കു​ന്ന​താ​വും ഉ​ചി​തം. അ​തി​ർ​ത്തി​യി​ൽ ഇ​ൻ​ഷ്വ​റ​ൻ​സ്​ സൗ​ക​ര്യ​മു​ണ്ടെ​ങ്കി​ലും സൗ​ദി റി​യാ​ലോ ഖ​ത്ത​ർ ദി​നാ​റോ ന​ൽ​കേ​ണ്ടി വ​രും. ഓ​ൺ​ലൈ​ൻ വ​ഴി എ​ടു​ത്താ​ൽ സ​മ​യ​വും ലാ​ഭി​ക്കാം.

കോ​വി​ഡ്​ നി​ബ​ന്ധ​ന​ക​ൾ പ​രി​ശോ​ധി​ക്ക​ണം

കോ​വി​ഡ്​ നി​ബ​ന്ധ​ന​ക​ൾ ഓ​രോ രാ​ജ്യ​ങ്ങ​ളും ദി​വ​സ​വും മാ​റ്റി​ക്കൊ​ണ്ടി​രി​ക്കു​ന്ന​തി​നാ​ൽ ഇ​ത്​ പ​രി​ശോ​ധി​ച്ച ശേ​ഷം വേ​ണം യാ​ത്ര​ ചെ​യ്യാ​ൻ. ര​ണ്ട്​ രാ​ജ്യ​ങ്ങ​ളി​ലൂ​ടെ ക​ട​ന്നു​പോ​കു​ന്ന​തി​നാ​ൽ ഖ​ത്ത​റി​​ന്‍റെ​യും സൗ​ദി​യു​ടെ​യും ഏ​റ്റ​വും പു​തി​യ നി​ബ​ന്ധ​ന​ക​ൾ അ​റി​ഞ്ഞി​രി​ക്ക​ണം. നി​ല​വി​ൽ വാ​ക്​​സി​നേ​ഷ​നും കോ​വി​ഡ്​ പി.​സി.​ആ​ർ ഫ​ല​വും ഈ ​രാ​ജ്യ​ങ്ങ​ളി​ലേ​ക്ക്​ നി​ർ​ബ​ന്ധ​മാ​ണ്. സൗ​ദി​യി​ലേ​ക്ക്​ ബൂ​സ്​​റ്റ​ർ ഡോ​സ്​ നി​ർ​ബ​ന്ധ​മാ​ണ്. ഖ​ത്ത​റി​​ന്‍റെ വെ​ബ്​​സൈ​റ്റാ​യ ehteraz.gov.qa, സൗ​ദി​യു​ടെ muqeem.sa എ​ന്നി​വ വ​ഴി ര​ജി​സ്​​റ്റ​ർ ചെ​യ്യ​ണം.

കാ​ർ വാ​ട​ക​ക്ക്​ ല​ഭി​ക്കു​മോ

സ്വ​ന്തം വാ​ഹ​ന​മി​ല്ലാ​ത്ത​വ​ർ​ക്ക്​ വാ​ട​ക വാ​ഹ​ന​ങ്ങ​ൾ എ​ടു​ത്തു​പോ​കാ​ൻ ക​ഴി​യു​മോ എ​ന്ന ചോ​ദ്യം ബാ​ക്കി നി​ൽ​ക്കു​ന്നു​ണ്ട്. വ​ള​രെ കു​റ​ച്ച്​ റെ​ന്‍റ​ൽ ക​മ്പ​നി​ക​ൾ മാ​ത്ര​മാ​ണ്​ ഖ​ത്ത​ർ യാ​ത്ര​ക്ക്​ വാ​ഹ​നം വി​ട്ടു​ന​ൽ​ക്കു​ന്നു​ള്ളൂ. എ​ന്നാ​ൽ, ലോ​ക​ക​പ്പ്​ അ​ടു​ക്കു​​മ്പോ​ൾ കൂ​ടു​ത​ൽ സ്​​ഥാ​പ​ന​ങ്ങ​ൾ പാ​ക്കേ​ജു​മാ​യി മു​ന്നോ​ട്ടു​വ​രു​മെ​ന്നാ​ണ്​ പ്ര​തീ​ക്ഷ. വി​സ​യും ഇ​ൻ​ഷ്വ​റ​ൻ​സു​മെ​ല്ലാം ഈ ​പാ​ക്കേ​ജി​ൽ ഉ​ൾ​പെ​ടും.