പാ​ർ​ക്കി​ങ്​ പി​ഴയിൽ നിന്നുള്ള വരുമാനത്തിൽ വൻ വ​ർ​ധ​ന

ദു​ബൈ: എ​മി​റേ​റ്റി​ലു​ട​നീ​ളം വാ​ഹ​ന​ങ്ങ​ളു​ടെ പാ​ർ​ക്കി​ങ് നി​യ​മ​ലം​ഘ​ന​വു​മാ​യി ബ​ന്ധ​പ്പെ​ട്ട്​ ഈ​ടാ​ക്കി​യ​ പി​ഴ​യി​ൽ​നി​ന്നു​ള്ള വ​രു​മാ​നം 56 ശ​ത​മാ​നം വ​ർ​ധി​ച്ച​താ​യി പാ​ർ​ക്കി​ങ്​ നി​യ​ന്ത്ര​ണ ക​മ്പ​നി​യാ​യ പാ​ർ​ക്കി​ൻ അ​റി​യി​ച്ചു. മൂ​ന്നാം​പാ​ദ വ​ർ​ഷ​ത്തി​ൽ 6.49 കോ​ടി ദി​ർ​ഹ​മാ​ണ്​ പാ​ർ​ക്കി​ങ്​ പി​ഴ​യി​ന​ത്തി​ൽ ല​ഭി​ച്ച​ത്.

മൂ​ന്നു മാ​സ​ത്തി​നി​ടെ 4.18 ല​ക്ഷം പേ​ർ​ക്ക്​​ പി​ഴ​യി​ട്ട​താ​യും പാ​ർ​ക്കി​ൻ അ​ധി​കൃ​ത​ർ വെ​ളി​പ്പെ​ടു​ത്തി. ക​ഴി​ഞ്ഞ​വ​ർ​ഷം ഇ​തേ കാ​ല​യ​ള​വി​ൽ പി​ഴ​യി​ന​ത്തി​ൽ ല​ഭി​ച്ച​ത്​​ 2.82 ല​ക്ഷം ദി​ർ​ഹ​മാ​യി​രു​ന്നു. ഈ ​വ​ർ​ഷം ആ​ദ്യ ഒ​മ്പ​ത്​ മാ​സ​ത്തി​ൽ മൊ​ത്തം പി​ഴ​ത്തു​ക 26 ശ​ത​മാ​നം വ​ർ​ധി​ച്ച്​ 17.2 കോ​ടി ദി​ർ​ഹ​മി​ലെ​ത്തി.

ക​ഴി​ഞ്ഞ​വ​ർ​ഷം ഇ​തേ കാ​ല​യ​ള​വി​ൽ ഇ​ത്​ 13.6 കോ​ടി ദി​ർ​ഹ​മാ​യി​രു​ന്നു. പാ​ർ​ക്കി​ങ്​ സ്ഥ​ല​ങ്ങ​ളി​ലെ നി​യ​മ​ലം​ഘ​ന​ങ്ങ​ൾ ക​ണ്ടെ​ത്താ​നാ​യി സ്മാ​ർ​ട്ട്​ പ​രി​ശോ​ധ​ന സം​വി​ധാ​ന​ങ്ങ​ൾ ഉ​പ​യോ​ഗ​പ്പെ​ടു​ത്തി കൂ​ടു​ത​ൽ മേ​ഖ​ല​ക​ളി​ലേ​ക്ക്​ സേ​വ​നം വ്യാ​പി​ക്കാ​നു​ള്ള ആ​ലോ​ച​ന​യി​ലാ​ണ്​ പാ​ർ​ക്കി​ൻ.

ഇ​തി​ന്‍റെ ഭാ​ഗ​മാ​യി ഈ ​വ​ർ​ഷം അ​വ​സാ​ന​ത്തോ​ടെ 24 പ​രി​ശോ​ധ​ന കാ​റു​ക​ൾ​കൂ​ടി നി​യോ​ഗി​ക്കും. മൂ​ന്നാം പാ​ദ​ത്തി​ന്‍റെ അ​വ​സാ​ന​ത്തോ​ടെ 57 ല​ക്ഷം വാ​ഹ​ന​ങ്ങ​ളാ​ണ്​ പ​രി​ശോ​ധി​ച്ച​തെ​ന്നും​ പാ​ർ​ക്കി​ൻ അ​റി​യി​ച്ചു. 2023നെ ​അ​പേ​ക്ഷി​ച്ച്​ പ​രി​ശോ​ധ​ന​യി​ൽ 47 ശ​ത​മാ​നം വ​ർ​ധ​ന​യു​ണ്ടാ​യി​ട്ടു​ണ്ട്.

പ​രി​ശോ​ധ​ക​ർ ഉ​പ​യോ​ഗി​ക്കു​ന്ന ഉ​പ​ക​ര​ണ​ങ്ങ​ളു​ടെ സോ​ഫ്​​റ്റ് വെ​യ​റു​ക​ൾ ജൂ​ലൈ​മു​ത​ൽ പ​രി​ഷ്ക​രി​ച്ചി​ട്ടു​ണ്ട്. ഇ​തു​വ​ഴി കൂ​ടു​ത​ൽ വാ​ഹ​ന​ങ്ങ​ൾ വേ​ഗ​ത്തി​ൽ പ​രി​ശോ​ധി​ക്കാ​ൻ സാ​ധി​ക്കും. ഈ ​വ​ർ​ഷം ഇ​തു​വ​രെ 20.7 ല​ക്ഷം പാ​ർ​ക്കി​ങ്​ സ്ഥ​ല​ങ്ങ​ളാ​ണ്​ പാ​ർ​ക്കി​ൻ നി​യ​ന്ത്ര​ണ​ത്തി​ലു​ള്ള​ത്. ക​ഴി​ഞ്ഞ​വ​ർ​ഷ​ത്തെ അ​പേ​ക്ഷി​ച്ച്​ ആ​റു​ശ​ത​മാ​നം വ​ർ​ധ​ന​യാ​ണു​ള്ള​ത്.