ഗുരുദ്വാരയുടെ സഹിഷ്​ണുതാ ഇഫ്​താറിന്​ ഏഴ്​ വയസ്​

ദുബൈ: സഹിഷ്​ണുതയുടെയും സ്​നേഹത്തി​​െൻറയും സന്ദേശം പകരാൻ ദുബൈ ഗുരുദ്വാര ഇക്കുറിയും ഗ്രാൻറ്​ ഇഫ്​താർ ഒരുക്കി. 2012ൽ ആരംഭിച്ച കാലം മുതൽ ദുബൈയിലെ ഗുരുദ്വാര ഗുരുനാനക്​ ദർബാറിൽ റമദാനിൽ ഒരു ദിവസം നോമ്പുതുറ നടത്താറുണ്ട്​. എന്ന ാൽ യു.എ.ഇ സഹിഷ്​ണുതാ വർഷവും ഗുരുനാനകി​​െൻറ 550ാം ജൻമവാർഷികവും പ്രമാണിച്ച്​ റമദാനിലെ എല്ലാ ദിവസവും നോമ്പ്​ തുറക്കും മഗ്​രിബ്​ നമസ്​കാരത്തിനും ഇവിടെ സൗകര്യം ചെയ്​തുവരുന്നു.

വ്യാഴാഴ്​ച വിവിധ മത നേതാക്കളുടെയും നയതന്ത്ര പ്രതിനിധികളുടെയും സാന്നിധ്യത്തിലായിരുന്നു പരിപാടി. ദുബൈ ഉപ ഭരണാധികാരിയും യു.എ.ഇ ധനകാര്യ മന്ത്രിയുമായ ശൈഖ്​ ഹംദാൻ ബിൻ റാശിദ്​ ആൽ മക്​തുമി​​െൻറ ഒാഫീസ്​ ഡയറക്​ടർ മിർസാ അൽ സഇൗഗ്​, ഇന്ത്യൻ അംബാസഡർ നവ്​ദീപ്​ സിങ്​ സുരി, കോൺസുൽ ജനറൽ വിപുൽ, മണി സുരി തുടങ്ങിയവർ നോമ്പ്​ തുറക്ക്​ എത്തിയിരുന്നു. ഉണക്കപ്പഴങ്ങളും പഴങ്ങളും പാനീയങ്ങളും ഉൾക്കൊള്ളുന്ന പരമ്പരാഗത രീതിയിലെ നോമ്പ്​ തുറക്ക്​ ശേഷം ഗുരുദ്വാരയിൽ സൗകര്യം ചെയ്​ത ഇടത്ത്​ നമസ്​കാരം നടന്നു. പിന്നീട്​ വെജിറ്റേറിയൻ ഭക്ഷണവും വിളമ്പി.