പ്രാർഥനാ വീഥി സുഗമമാക്കി ഇമാം,  ആഹ്ലാദത്തോടെ ജലീൽ​

അബൂദബി: പ്രപഞ്ചനാഥന്​ മുന്നിൽ തലകുനിക്കാൻ മലപ്പുറം താനൂർ സ്വദേശി ജലീലിന്​ ഇനി പ്രയാസമില്ലാതെ പള്ളിയിൽ പ്രവേശിക്കാം. നാട്ടിലെ പള്ളിക്കമ്മിറ്റിയോട്​ ഒന്നര വർഷം ആവശ്യപ്പെട്ടിട്ടും നടക്കാത്ത കാര്യമാണ്​ അബൂദബി യൂനിവേഴ്​സൽ ആശുപത്രിക്ക്​ സമീപത്തെ മിസ്​അബ്​ ബിൻ ഉമൈർ പള്ളിയിലെ ഇമാം കണ്ടറിഞ്ഞ്​ ചെയ്​തുകൊടുത്തത്​. ജലീലി​​​െൻറ പ്രയാസം മനസ്സിലാക്കിയ സോമാലിയൻ പൗരനായ ഇമാം ആബിദ്​ അകത്തെ പള്ളിയിലേക്ക്​ റാമ്പ്​ നിർമിക്കാൻ തീരുമാനിക്കുകയായിരുന്നു. 

യു.എ.ഇയിലെ പള്ളികളിലേക്ക്​ പുറത്തുനിന്ന്​ കയറാൻ പൊതുവെ റാമ്പുകളുണ്ട്​. എന്നാൽ വരാന്തയിൽനിന്ന്​ അകത്തേക്ക്​ എല്ലായിടത്തും റാമ്പുകളില്ല. അഞ്ചുനേരവും പള്ളിയിലെത്തുന്ന ജലീൽ മറ്റുള്ളവരുടെ സഹായ​ത്തോടെയാണ്​ വീൽചെയറിൽ പള്ളിക്ക്​ അകത്തേക്ക്​ പ്രവേശിച്ചിരുന്നത്​. ഇത്​ ശ്രദ്ധയിൽ പെട്ട ഇമാം ആബിദ്​ ആരുടെയും സഹായമില്ലാതെ തന്നെ പള്ളിയിൽ പ്രവേശിക്കാൻ സൗകര്യമൊരുക്കാമെന്ന്​ അറിയിക്കുകയായിരുന്നു.
ഒരാഴ്​ച മുമ്പാണ്​ റാമ്പി​​​െൻറ നിർമാണം പൂർത്തിയാക്കിയത്​. ഇപ്പോൾ പ്രയാസരഹിതമായി പള്ളിയിൽ പ്രവേശിച്ച്​ ആരാധന നടത്താൻ സാധിക്കുന്നുണ്ടെന്ന്​ ജലീൽ പറഞ്ഞു. നാട്ടിലെ പള്ളിക്കമ്മിറ്റിയോട്​ ഒന്നര വർഷത്തോളം റാമ്പ്​ നിർമാണ ആവശ്യം ഉന്നയിച്ചിരുന്നെങ്കിലും ഫലമുണ്ടായിരുന്നില്ല. മറ്റുള്ളവർക്ക്​ പ്രയാസമാകുമെന്നായിരുന്നു അവരുടെ മറുപടിയെന്നും ജലീൽ വ്യക്​തമാക്കി.

നിശ്ചയദാർഢ്യ വ്യക്​തികളോട്​ ഏറ്റവും നല്ല നിലയിൽ വർത്തിക്കുകയും എല്ലാ സൗകര്യങ്ങളും ഒരുക്കുകയും ചെയ്യുന്ന രാജ്യമാണ്​ യു.എ.ഇ എന്ന്​ അഞ്ച്​ മാസമായി അബൂദബി യൂനിവേഴ്​സൽ ആശുപത്രിയിൽ ജോലി ചെയ്യുന്ന ജലീൽ പറയുന്നു. ബസുകളിലും ബസ്​ സ്​റ്റേഷനുകളിലും റോഡ്​ ക്രോസിങ്ങുകളിലും മെട്രോ സ്​റ്റേഷനുകളിലുമെല്ലാം ഇത്​ അനുഭവിക്കാൻ സാധിക്കും. വാഹന പാർക്കിങ് സ്​ഥലം അനുവദിക്കുന്നതിലും പ്രത്യേക ശുചിമുറികൾ ഒരുക്കുന്നതിലും യു.എ.ഇ നിശ്ചയദാർഢ്യ വ്യക്​തികൾക്ക്​ പ്രത്യേക പരിഗണന നൽകുന്നു. യു.എ.ഇയിൽ സ്​ഥിര താമസമാക്കിയാലോ എന്ന്​ തോന്നിപ്പോവുകയാണെന്നും അദ്ദേഹം കൂട്ടിച്ചേർത്തു.

21ാം വയസ്സിൽ നടത്തിയ ശസ്​ത്രക്രിയയിലെ പിഴവ്​ കാരണം ന​െട്ടല്ലിലെ ഞരമ്പ്​ മുറിഞ്ഞാണ്​  ജലീൽ വീൽചെയറിലായത്​. എന്നാൽ, രണ്ട്​ വർഷത്തെ കിടപ്പിൽനിന്ന്​ എഴുന്നേറ്റിരിക്കാൻ സാധിച്ചതോടെ ഇദ്ദേഹം വീണ്ടും പ്രവർത്തനമേഖലയിൽ സജീവമായി. അപകടത്തിന്​ മുമ്പ്​ തയ്യൽജോലി ചെയ്​തിരുന്ന ജലീൽ തയ്യൽയന്ത്രത്തിൽ പ്രത്യേക സംവിധാനം ഘടിപ്പിച്ച്​ വീണ്ടും പ്രവൃത്തിയിൽ വ്യാപൃതനാവുകയായിരുന്നു. പിന്നീട്​ എസ്​.ടി.ഡി ബൂത്ത്​ നടത്തുകയും ഒാഹരിവിപണിയിൽ കൈവെക്കുകയും ചെയ്​തു. കിടപ്പിലായവർക്കും വീൽചെയറിൽ സഞ്ചരിക്കുന്നവർക്കും തൊഴിൽപരിശീലനം നൽകുന്ന പരപ്പനങ്ങാടിയിലെ ഫേസ്​ ഫൗണ്ടേഷൻ ഒാഫ്​ ഇന്ത്യയിൽ ചേർന്ന​േത​ാടെയാണ്​ ജലീലി​​​െൻറ യു.എ.ഇ യാത്രക്ക്​ വഴിയൊരുങ്ങിയത്​. നിശ്​ചയദാർഢ്യ ചിറകിലേറി ആരംഭിച്ച ഇൗ ​പ്രവാസത്തെക്കുറിച്ച്​ ‘ഗൾഫ്​ മാധ്യമം’ റിപ്പോർട്ടു ചെയ്​തിരുന്നു. 

ദുബൈ കെ.എം.സി.സിയുടെയും  ഫേസ്​ ഫൗണ്ടേഷ​​​െൻറയും പ്രസിഡൻറായ പി.കെ. അൻവർ നഹ മുൻകൈയെടുത്ത് യൂനിവേഴ്​​സൽ ആശുപത്രി എം.ഡി ഷബീർ നെല്ലിക്കോടി​​​െൻറ സഹകര​ണ​േത്താടെ അബൂദബിയിലെത്തിക്കുകയായിരുന്നു.  തനിക്ക്​ ഡോക്​ടർമാരും ആശുപത്രി മാനേജ്​മ​​െൻറും മറ്റു സഹപ്രവർത്തകരും വലിയ സഹകരണമാണ്​ നൽകുന്നതെന്ന്​ ജലീൽ പറഞ്ഞു. വീൽചെയറിൽ സഞ്ചരിക്കുന്ന വളവന്നൂർ വേട്ടൻ വീട്ടിൽ റബീഹും ജലീലിനൊപ്പം ജോലിക്കായി യു.എ.ഇയിലെത്തിയിരുന്നു. ദുബൈ ആസ്​റ്റർ ആശുപത്രിയിലാണ്​ റബീഹ്​ ജോലി ചെയ്യുന്നത്​.