തി​ര​ക്കി​ല​മ​ർ​ന്ന്​ ദു​ബൈ വി​മാ​ന​ത്താ​വ​ളം

ദു​ബൈ: വേ​ന​ല​വ​ധി പ്ര​ഖ്യാ​പി​ച്ച​തോ​ടെ ആ​രം​ഭി​ച്ച വ​ൻ തി​ര​ക്ക്​ നി​യ​ന്ത്രി​ക്കാ​ൻ യാ​ത്രി​ക​ർ അ​ല്ലാ​ത്ത​വ​ർ​ക്ക്​ നി​യ​ന്ത്ര​ണം പ്ര​ഖ്യാ​പി​ച്ച്​ ദു​ബൈ വി​മാ​ന​ത്താ​വ​ള അ​ധി​കൃ​ത​ർ. തി​ര​ക്കേ​റി​യ സ​മ​യ​ങ്ങ​ളി​ൽ ടെ​ർ​മി​ന​ലി​ന​ക​ത്ത്​ യാ​ത്ര​ക്കാ​രെ മാ​ത്ര​മേ പ്ര​വേ​ശി​പ്പി​ക്കു​ക​യു​ള്ളൂ. ടെ​ർ​മി​ന​ൽ ഒ​ന്നി​ലും മൂ​ന്നി​ലും പൊ​തു ഗ​താ​ഗ​ത സം​വി​ധാ​ന​ങ്ങ​ൾ​ക്കും അ​തോ​റി​റ്റി വാ​ഹ​ന​ങ്ങ​ൾ​ക്കും മാ​ത്ര​മാ​യി​രി​ക്കും പ്ര​വേ​ശ​നം. തി​ര​ക്ക്​ ക​ണ​ക്കി​ലെ​ടു​ത്ത്​ യാ​ത്ര​യ​യ​പ്പു​ക​ളും മ​റ്റും വീ​ട്ടി​ൽ വെ​ച്ച്​ ന​ട​ത്താ​നാ​ണ്​ അ​ധി​കൃ​ത​രു​ടെ നി​ർ​ദേ​ശം. ജൂ​ലൈ ആ​റു മു​ത​ൽ 17 വ​രെ 33 ല​ക്ഷം യാ​ത്ര​ക്കാ​ർ ദു​ബൈ വി​മാ​ന​ത്താ​വ​ള​ത്തി​ലൂ​ടെ ക​ട​ന്നു​പോ​കു​മെ​ന്നാ​ണ്​ പ്ര​തീ​ക്ഷ. ഇ​തി​ൽ ഒ​മ്പ​ത്​ ല​ക്ഷ​ത്തി​ന്​ മു​ക​ളി​ൽ യാ​ത്ര​ക്കാ​ർ ദു​ബൈ​യി​ൽ നി​ന്ന്​ യാ​ത്ര പു​റ​പ്പെ​ടു​ന്ന​വ​രാ​ണ്. ജൂ​ലൈ, ആ​ഗ​സ്റ്റ്​ മാ​സ​ങ്ങ​ളി​ലാ​ണ്​ യു.​എ.​ഇ​യി​ൽ സ്കൂ​ളു​ക​ൾ​ക്ക്​ വേ​ന​ല​വ​ധി പ്ര​ഖ്യാ​പി​ക്കാ​റ്.

പ്ര​വാ​സി​ക​ൾ ഉ​ൾ​പ്പെ​ടെ​യു​ള്ള​വ​ർ സ്വ​ന്തം നാ​ട്ടി​ലേ​ക്ക്​ പോ​കാ​ൻ ത​യ്യാ​റെ​ടു​ക്കു​ന്ന​തി​നാ​ൽ ദു​ബൈ വി​മാ​ന​ത്താ​വ​ള​ത്തി​ൽ ഏ​റ്റ​വും കൂ​ടു​ത​ൽ തി​ര​ക്ക്​ അ​നു​ഭ​വ​പ്പെ​ടു​ന്ന​തും ഇ​ക്കാ​ല​യ​ള​വി​ലാ​ണ്. ജൂ​ലൈ 12 മു​ത​ൽ 14 വ​രെ തീ​യ​തി​ക​ളി​ലാ​യി 8,40,000 യാ​ത്ര​ക്കാ​രെ​യാ​ണ്​ പ്ര​തീ​ക്ഷി​ക്കു​ന്ന​ത്. 286,000 പേ​ർ എ​ത്തു​മെ​ന്ന്​ പ്ര​തീ​ക്ഷി​ക്കു​ന്ന ജൂ​ലൈ 13നാ​ണ്​ ഏ​റ്റ​വും തി​ര​ക്കേ​റി​യ സ​മ​യ​മാ​യി ക​ണ​ക്കാ​ക്കു​ന്ന​ത്. അ​തേ​സ​മ​യം, യാ​ത്ര​ക്കാ​ർ നാ​ല്​ മ​ണി​ക്കൂ​ർ മ​ുമ്പെ​ങ്കി​ലും വി​മാ​ന​ത്താ​വ​ള​ത്തി​ൽ എ​ത്ത​ണ​മെ​ന്ന്​ ഫ്ലൈ​ദു​ബൈ അ​ധി​കൃ​ത​ർ അ​റി​യി​ച്ചു.

തി​ര​ക്കൊ​ഴി​വാ​ക്കാ​ൻ ടെ​ർ​മി​ന​ൽ ഒ​ന്നി​നും മൂ​ന്നി​നും ഇ​ട​യി​ൽ മെ​ട്രോ ഉ​പ​യോ​ഗി​ക്കാം. തി​ര​ക്കേ​റി​യ സ​മ​യ​ങ്ങ​ളി​ൽ ട്രാ​ഫി​ക്​ കു​രു​ക്കി​ന്​ സാ​ധ്യ​ത​യു​ള്ള​തി​നാ​ൽ വി​മാ​ന​ത്താ​വ​ള​ത്തി​ലേ​ക്ക്​ നേ​ര​ത്തെ പു​റ​പ്പെ​ട​ണ​മെ​ന്ന്​ എ​മി​റേ​റ്റ്​​സ്​ എ​യ​ർ​ലൈ​നും യാ​ത്ര​ക്കാ​രോ​ട്​ അ​ഭ്യ​ർ​ഥി​ച്ചു. ചെ​ക്ക്​ ഇ​ൻ ചെ​യ്യാ​നും സു​ര​ക്ഷ സ്ക്രീ​നി​ങ്ങി​നും മ​റ്റു​മാ​യി കൂ​ടു​ത​ൽ സ​മ​യം ആ​വ​ശ്യ​മാ​യ​തി​നാ​ൽ യാ​ത്ര ത​ട​സ്സ​പ്പെ​ടാ​തി​രി​ക്കാ​ൻ നേ​ര​ത്തെ വി​മാ​ന​ത്താ​വ​ള​ത്തി​ലെ​ത്ത​ണ​മെ​ന്നാ​ണ്​ നി​ർ​ദേ​ശം. തി​ര​ക്ക്​ ക​ണ​ക്കി​ലെ​ടു​ത്ത്​ ചി​ല വി​മാ​ന ക​മ്പ​നി​ക​ൾ ഓ​ൺ​ലൈ​ൻ ചെ​ക്കി​ൻ സൗ​ക​ര്യ​ങ്ങ​ളും അ​ഡ്വാ​ൻ​സ്​ ചെ​ക്കി​ങ്​ സൗ​ക​ര്യ​ങ്ങ​ളും ഏ​ർ​പ്പെ​ടു​ത്തി​യി​ട്ടു​ണ്ട്.

12 വ​യ​സ്സു​വ​രെ പ്രാ​യ​മു​ള്ള കു​ട്ടി​ക​ളു​ള്ള കു​ടും​ബ​ങ്ങ​ൾ​ക്ക് ഇ​മി​ഗ്രേ​ഷ​ൻ ക്ലി​യ​റ​ൻ​സി​ന്​​ സ്മാ​ർ​ട്ട്​ ​ഗേ​റ്റ്​ സൗ​ക​ര്യ​ങ്ങ​ൾ ഉ​പ​യോ​ഗ​പ്പെ​ടു​ത്താം. അ​തേ​സ​മ​യം, ക​ഴി​ഞ്ഞ വ​ർ​ഷം ജൂ​ലൈ-​ആ​ഗ​സ്റ്റ് മാ​സ​ങ്ങ​ളെ അ​പേ​ക്ഷി​ച്ച്​ ഈ ​വ​ർ​ഷം ഇ​തേ കാ​ല​യ​ള​വി​ൽ വി​മാ​ന ടി​ക്ക​റ്റ്​ ബു​ക്കി​ങ്ങി​ൽ 35 ശ​ത​മാ​നം വ​ർ​ധ​ന​വ്​ രേ​ഖ​പ്പെ​ടു​ത്തി​യ​താ​യി യാ​ത്ര സേ​വ​ന ദാ​താ​ക്ക​ളാ​യ ദി​നാ​റ്റ റി​പോ​ർ​ട്ട്​ ചെ​യ്യു​ന്നു. ​