എ​ൻ​ഡോ​വ്​​മെ​ന്‍റ്​ പ​ദ്ധ​തി​യി​ൽ 21 കെ​ട്ടി​ട​ങ്ങ​ൾ നി​ർ​മി​ക്കും

ദു​ബൈ: എ​ൻ​ഡോ​വ്​​മെ​ന്‍റ്​ പ​ദ്ധ​തി​ക​ളു​ടെ ഭാ​ഗ​മാ​യി ദു​ബൈ​യി​ൽ 21 കെ​ട്ടി​ട​ങ്ങ​ൾ നി​ർ​മി​ക്കു​മെ​ന്ന്​ എ​ൻ​ഡോ​വ്​​മെ​ന്‍റ്​ ആ​ൻ​ഡ്​ മൈ​നേ​ഴ്​​സ്​ ട്ര​സ്റ്റ്​ ഫൗ​ണ്ടേ​ഷ​ൻ (ഔ​ഖാ​ഫ്​ ദു​ബൈ) പ്ര​ഖ്യാ​പി​ച്ചു. ദു​ബൈ മീ​ഡി​യ ഓ​ഫി​സാ​ണ്​ ചൊ​വ്വാ​ഴ്ച ഇ​ക്കാ​ര്യം പു​റ​ത്തു​വി​ട്ട​ത്. മാ​ളു​ക​ൾ, താ​മ​സ കെ​ട്ടി​ട​ങ്ങ​ൾ, ഷോ​പ്പു​ക​ൾ, പ​ള്ളി​ക​ൾ എ​ന്നി​വ ഉ​ൾ​പ്പെ​ടെ 20.2 കോ​ടി ദി​ർ​ഹ​മി​ന്‍റെ റി​യ​ൽ എ​സ്​​റ്റേ​റ്റ്​ പ​ദ്ധ​തി​ക​ളാ​ണ് ഔ​ഖാ​ഫ്​ വി​ഭാ​വ​നം ചെ​യ്തി​രി​ക്കു​ന്ന​ത്.

എ​മി​റേ​റ്റി​ലെ ത​ന്ത്ര​പ്ര​ധാ​ന​മാ​യ സ്ഥ​ല​ങ്ങ​ളി​ൽ നി​ർ​മി​ക്കു​ന്ന കെ​ട്ടി​ട​ങ്ങ​ൾ ഒ​രു വ​ർ​ഷം മു​ത​ൽ ര​ണ്ടു​വ​ർ​ഷ കാ​ല​യ​ള​വി​ൽ പൂ​ർ​ത്തീ​ക​രി​ക്കും. ജ​ന​ങ്ങ​ളു​ടെ​ ആ​വ​ശ്യ​ങ്ങ​ൾ എ​ളു​പ്പ​ത്തി​ൽ നി​റ​വേ​റ്റാ​ൻ ക​ഴി​യു​ന്ന രീ​തി​യി​ൽ ജ​ന​വാ​സ മേ​ഖ​ല​ക​ളോ​ട്​ ചേ​ർ​ന്നാ​യി​രി​ക്കും മാ​ളു​ക​ളു​ടെ നി​ർ​മാ​ണം. എ​ൻ​ഡോ​വ്​​മെ​ന്‍റി​നെ പി​ന്തു​ണ​ക്കു​ന്ന​വ​രു​ടെ സം​ഭാ​വ​ന​ക​ളി​ൽ​നി​ന്നാ​ണ്​ പ​ദ്ധ​തി​ക്കാ​യു​ള്ള ഫ​ണ്ട്​ ക​ണ്ടെ​ത്തു​ന്ന​ത്. ഇ​തി​ന്‍റെ രൂ​പ​രേ​ഖ ത​യാ​റാ​ക്ക​ലും ന​ട​പ്പി​ലാ​ക്ക​ലും ന​ട​ന്നു​വ​രി​ക​യാ​ണെ​ന്നും ഔ​ഖാ​ഫ്​ അ​റി​യി​ച്ചു.

എ​മി​റേ​റ്റി​ലെ ജ​ന​ങ്ങ​ളു​ടെ ക്ഷേ​മ​വും ഉ​യ​ർ​ന്ന ജീ​വി​ത നി​ല​വാ​ര​വും ഉ​റ​പ്പു​വ​രു​ത്തു​ന്ന​തി​നാ​യി യു.​എ.​ഇ വൈ​സ്​ പ്ര​സി​ഡ​ന്‍റും പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂ​മി​ന്‍റെ നി​ർ​ദേ​ശ​പ്ര​കാ​രം രൂ​പം ന​ൽ​കി​യ ദു​ബൈ​യു​ടെ സു​സ്ഥി​ര വി​ക​സ​ന ന​യം, ദു​ബൈ പ്ലാ​ൻ 2023 എ​ന്നി​വ​യു​ടെ ഭാ​ഗ​മാ​ണ്​ എ​ൻ​​ഡോ​വ്​​മെ​ന്‍റ്​ പ്രോ​ജ​ക്​​ടെ​ന്ന്​ ഔ​ഖാ​ഫ്​ സെ​ക്ര​ട്ട​റി ജ​ന​റ​ൽ അ​ലി അ​ൽ മു​ത​വ്വ പ​റ​ഞ്ഞു. എ​ല്ലാ പ​ദ്ധ​തി​ക​ളും സ​മ​യ​ബ​ന്ധി​ത​മാ​യി പൂ​ർ​ത്തി​യാ​ക്കാ​ൻ ഔ​ഖാ​ഫ്​ പ്ര​തി​ജ്ഞാ​ബ​ദ്ധ​മാ​ണെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

ദു​ബൈ​യു​ടെ സു​സ്ഥി​ര വി​ക​സ​ന ല​ക്ഷ്യ​ങ്ങ​ളെ പി​ന്തു​ണ​ക്കു​ക​യും എ​ൻ​ഡോ​വ്​​മെ​ന്‍റ്​ പ​ദ്ധ​തി​ക​ളി​ൽ​മേ​ലു​ള്ള ആ​ദാ​യം വ​ർ​ധി​പ്പി​ക്കു​ക​യു​മാ​ണ്​ ല​ക്ഷ്യം. 21 കെ​ട്ടി​ട​ങ്ങ​ളി​ൽ ചി​ല​ത്​ ഈ ​വ​ർ​ഷം​ത​ന്നെ പൂ​ർ​ത്തി​യാ​ക്കും. അ​ടു​ത്ത വ​ർ​ഷ​ത്തോ​ടെ ഭൂ​രി​ഭാ​ഗം പ​ദ്ധ​തി​ക​ളും പൂ​ർ​ത്തീ​ക​രി​ക്കു​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. സ​മ​കാ​ലി​ക വാ​സ്തു​ശി​ൽ​പ​ക​ലാ രൂ​പ​ക​ൽ​പ​ന​ക​ളും ഹ​രി​ത​കെ​ട്ടി​ട സ​വി​ശേ​ഷ​ത​ക​ളും ഉ​ൾ​ക്കൊ​ള്ളു​ന്ന ആ​ധു​നി​ക രീ​തി​യി​ലാ​ണ്​ പ​ദ്ധ​തി​ക​ൾ പൂ​ർ​ത്തീ​ക​രി​ക്കു​ക. മി​ക​ച്ച നി​ർ​മാ​ണ വൈ​ഭ​വം കാ​ത്തു​സൂ​ക്ഷി​ക്കു​ന്ന കെ​ട്ടി​ട​ങ്ങ​ളി​ൽ എ​ല്ലാ​വി​ധ ആ​ഡം​ബ​ര സൗ​ക​ര്യ​ങ്ങ​ളും ല​ഭ്യ​മാ​യി​രി​ക്കും.